ბაჩო ახალაია ბოდიშის მოხდას ითხოვს
თავდაცვის ყოფილი მინისტრი ბაჩო ახალაია "ფეისბუქის" საკუთარ გვერდზე ე.წ უკანონო ჩანაწერებთან მისი სახელის დაკავშირების გამო "უპასუხისმგებლო ადამიანებისა თუ გამომცემლობებისგან" ბოდიშის მოხდას ითხოვს. როგორც ახალაიას განცხადებაშია ნათქვამი, ბოლო დროს მის სახელს აქტიურად იყენებენ სხვადასხვა დანაშაულებრივ ფაქტთან მიმართებაში.
"ბოლო ასეთი მცდელობა იყო ჩემი სახელის ხსენება ე.წ უკანონო ჩანაწერებთან დაკავშირებით. საჯაროდ ვაცხადებ, არც ამ ჩანაწერების მოპოვებასთან და არც მის გავრცელებასთან არანაირი კავშირი არ მაქვს და არც შეიძლება მქონდეს. უფრო მეტიც, უახლოეს დღეებში ვაპირებ მივმართო სასამართლოს და ყველა უპასუხისმგებლო ადამიანსა თუ გამომცემლობას მოვთხოვო ბოდიშის მოხდა ჩემი და ჩემი ოჯახის სახელის დისკრედიტაციისთვის. არასოდეს დამიხევია უკან გამოწვევების წინაშე და არც დღეს ვაპირებ. მე საქართველოში იმისთვის არ ჩამოვსულვარ, რომ ვიღაცასთან გარიგების გზით კომფორტი და ხელშეწყობა მივიღო. საღად ვაფასებდი ვითარებას და ზუსტად ვიცოდი, რა მელოდა წინ და რაც არ უნდა რთულ პირობებში მომიწიოს ყოფნა, ვიცი რომ ჩემი სიმართლის დამტკიცება სწორედ ამ რთულ გზაზე გადის", - აცხადებს ბაჩო ახალაია.
"ჩემი ლედი" - ლელა წურწუმიას და "მამულიჩას" ემოციური ფოტო კონცერტის კულისებიდან
ჰააგაში, უძველესი ტაძრის სამრეკლოდან გია ყანჩელის მელოდიები მისი ხსოვნის პატივსაცემად აჟღერდა
