რატომ არის თერჯოლაში მარად ახალი წელი?
თუკი თერჯოლაში ღამით მოხვდებით, თქვენს ყურადღებას აუცილებლად მიიქცევს ის მორთულობა, რაც ყველა სეზონზე ქალაქის სავიზიტო ბარათად იქცა. ფასადების გალამაზებისა და მოსახლეობის ფერადი ნათურებით მოხიბვლის დამკვიდრებულ ტენდენციებს არც თერჯოლა ჩამორჩა და საქართველოს თუ არა, რეგიონის მასშტაბით, ნამდვილად პირველია. თავისი უჩვეულო მორთულობით ქალაქი არაერთხელ გამხდარა ხუმრობის ობიექტი. "თერჯოლაში სულ ახალი წელია", "სახანძროდან სადგურამდე, სულ ესაა თერჯოლა", - ხუმრობენ "გაბრჭყვიალებულ" ქალაქზე ადგილობრივები.
რა მიზეზით არის საახალწლო მორთულობა თერჯოლაში შემორჩენილი? - ქალაქის მოსახლეობა თვლის, რომ ღამის მორთულობა მეორეხარისხოვანია და მათ რეგიონში არსებულ უამრავ პრობლემას ეს არ შველის. მოსახლეობისგან განსვავებული მოსაზრება აქვს თერჯოლის დასუფთავების და კეთილმოწყობის სამსახურის უფროსს რევაზ გაბრიაძეს. "არ არის ეს საახალწლო მორთულობა, როგორც ეძახიან. ახალ წელს სხვა განათებებს ვამატებთ. ეს ჩვეულებრივი განათებაა და თანაც - კარგი. ამ ყველაფრით ადგილობრივებს კომფორტული გარემო შევუქმენით, ეს საზოგადოების დაკვეთა იყო".
იხილეთ ვრცლად
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
