wikipedia.org-ზე 17 მაისის აქციის შესახებ სტატია განთავსდა

ონლაინ-ენციკლოპედია wikipedia.org-ზე 17 მაისს საქართველოში გამართული ჰომოფობიის საწინააღმდეგო აქციის შესახებ ინგლისურენოვანი სტატია განთავსდა. სტატიაში აქციის მოვლენები დეტალურადაა აღწერილი.

"2013 წლის 17 მაისს თბილისში ჰომოფობიური საწინააღმდეგო აქცია გაიმართა. გეების უფლებების დამცველ მომიტინგეებს ჰომოსექსუალიზმის ათასობით მოწინააღმდეგე შეხვდა, რომლებსაც უფლება მიეცათ გაერღვიათ პოლიციის კორდონი და ძალადობრივად დაერბიათ ისინი.

2 დღით ადრე ილია II, ქართული მართმადიდებელი ეკლესიის მეთაური, გეი-მიტინგის აკრძალვის მოწოდებით გამოვიდა. მან ჰომოსექსუალიზმს "ანომალია და დაავადება" უწოდა.

ჰომოსექსუალთა უფლებების ათეულობით დამცველი თბილისის ცენტრში აქციის გასამართად შეიკრიბა. პროტესტი მათ წინააღმდეგ ქართული მართლმადიდებელი ეკლესიის 200 000-მა წევრმა გამოთქვა, რომლებსაც სასულიერო პირები უძღვებოდნენ. შეტაკება პუშკინის სკვერში, თავისუფლების მოედნის სიახლოვეს მოხდა. სასულიერო პირების თხოვნის საფუძველზე, პოლიციამ უფლება მისცა ჰომოფობ მომიტინგეებს გაქცეულიყვნენ ანტი-ჰომოფობიური აქციის მონაწილეებისკენ. შეტაკების შედეგად 28 ადამიანი დაშავდა", - ნათქვამია სტატიაში.

"ვიკიპედია" ყველაზე დიდი ონლაინ-ენციკლოპედიაა, რომელიც 2001 წელს შეიქმნა. ამ დროისთვის ის 286 ენაზე 30 მლნ-მდე სტატიას შეიცავს.