3
აპრილიდღის ზოგადი ასტროლოგიური პროგნოზი
აჭარაში 4-მილიონიანი სასათბურე მეურნეობა აშენდება. პროექტს კომპანია V&P ახორციელებს, რომელიც წლის ბოლომდე აჭარაში თანამედროვე სტანდარტების სასათბურე მეურნეობას ააშენებს და ექსპლუატაციაში შეიყვანს. სახელმწიფოსა და ინვესტორს შორის გაფორმებული ხელშეკრულების მიხედვით, კომპანია ვალდებულია 2013 წლის 31 დეკემბრამდე საკუთრებაში გადაცემული მიწის ნაკვეთიდან არანაკლებ 6200 კვ/მ სასოფლო-სამეურნეო დანიშნულების მიწის ფართობზე თანამედროვე სტანდარტების სასათბურე მეურნეობა აამოქმედოს. "სასათბურე მეურნეობა აღჭურვილი იქნება კომპიუტერული მართვის სისტემით, მორწყვისა და მცენარეთა კვების ავტომატური რეჟიმით",- აცხადებენ პროექტის ავტორები.
ხელშეკრულების მიხედვით, V&P ვალდებულია, ქობულეთში სოფელ ხუცუბანში სათბურის მშენებლობისთვის არანაკლებ 0,4 მლნ დოლარის ინვესტიცია განახორციელოს. V&P-მ ვალდებულება აიღო ასევე, რომ სათბურის მშენებლობაში მინიმუმ 20 ადამიანს დაასაქმებს, ხოლო მეურნეობის ექსპლუატაციაში შესვლის შემდგომ კი მუდმივად 8 ადამიანს.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
