მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიგი უგულავას უახლოეს დღეებში დააკავებენ?!
04:27 / 22-05-2013
ექსპერტები ვარაუდობენ, რომ ვანო მერაბიშვილისა და ზურაბ ჭიაბერაშვილის დაკავების შემდეგ, სავარაუდოდ, დაჩქარდება ელიტური კორუფციის ფაქტების გამოძიება. ვინ იქნება შემდეგი? - სწორედ ამ კითხვას სვამენ ამ დღეებში. შესაძლოა, უახლოეს დღეებში კიდევ ერთი სკანდალური დაკავების მოწმენი გავხდეთ. კერძოდ, ერთ-ერთი მაღალჩინოსანი სამართალდამცველის თქმით, რომელმაც ვინაობის დასახელება არ ისურვა, ფაქტობრივად უკვე მზად არის მასალები, უახლოეს დღეებში ბრალს წაუყენებენ და დააკავებენ კიდეც თბილისის მერ გიგი უგულავას. ზემოხსენებულ სამართალდამცველს საქმეები არ დაუკონკრეტებია, თუმცა აღნიშნა, რომ უგულავასთვის უკვე წაყენებულ ბრალდებებთან ერთად, იქნება ახალი ეპიზოდებიც. კერძოდ, მისი თქმით, ახალი საქმეები უკავშირდება ტენდერებს, გასართობ პარკებს და ერთ-ერთ სარეკლამო კომპანიას. ვნახოთ, ყველაფერი უახლოეს დღეებში გაირკვევა.
რაც შეეხება თბილისის მერისთვის უკვე წაყენებულ ბრალდებებს. შეგახსენებთ, რომ გიგი უგულავა პირველად მართლმსაჯულების წინაშე ამა წლის დასაწყისში წარდგა. მას დიდი ოდენობით საბიუჯეტო თანხების მითვისება-გაფლანგვასა და განსაკუთრებით დიდი ოდენობით უკანონო შემოსავლების ლეგალიზაციაში (ფულის გათეთრება) ედებოდა ბრალი (194-ე და 182-ე მუხლები). თბილისის საქალაქო სასამართლომ მერის საქმე 25 თებერვალს განიხილა. პროკურატურამ სასამართლო პროცესზე უგულავასთვის გირაოს სახით მილიონი ლარის შეფარდება მოითხოვა. განაცხადა, რომ მას მძიმე დანაშაულის ჩადენაში ედებოდა ბრალი, რაც 9-დან 12 წლამდე პატიმრობას ითვალისწინებს. ბრალდების მხარე აღნიშნავდა, რომ მითვისებული თანხა მთლიანობაში 20 მილიონ ლარს შეადგენდა, ამიტომ გირაოდ მილიონის მოთხოვნა სავსებით შესაბამისი იყო. პროკურატურა ასევე ითხოვდა, უგულავას საზღვარგარეთ გასვლის უფლება შეჩერებოდა და საგამოძიებო ორგანოში კვირაში ერთხელ გამოცხადებულიყო. თუმცა სასამართლომ ეს არ დააკმაყოფილა.
პროკურატურის მტკიცებით, ასევე გახსნილია იმჟამინდელი ხელისუფლების მიერ ტელეკომპანია "იმედის" ხელში ჩაგდების დანაშაულებრივი სქემა და უტყუარად დადასტურებულია, რომ ამის ერთ-ერთი მთავარი მონაწილე გიგი უგულავა იყო.
გიგი უგულავასთვის წაყენებული ბრალდების კიდევ ერთი ეპიზოდი ეხებოდა საბიუჯეტო თანხების გამოყენებით "ერთიანი ნაციონალური მოძრაობის" საქმიანობის დაფინანსებას. აქტივისტებისთვის ფულის დარიგების მიზნით, შპს "თბილსერვის ჯგუფში" სპეციალურად შეიქმნა საზოგადოებასთან ურთიერთობის განყოფილება, სადაც ფიქტიურად გაფორმდა 764 აქტივისტი, ე.წ. პარტიული კოორდინატორი. ამ სამსახურში მათ არც ერთი დღე არ უმუშავიათ, მაგრამ დედაქალაქის ბიუჯეტისთვის განკუთვნილი ასიგნებებიდან, ხელფასის სახით, 4 მლნ 130.728 ლარი დაერიცხათ.
ნანა ფიცხელაური
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
