4
აპრილიდღის ზოგადი ასტროლოგიური პროგნოზი
საუდის არაბეთის დედაქალაქში ოქროს მეტროსადგურს ააშენებენ. სადგურის მშენებლობისთვის ფულს საუდის არაბეთის მეფე აბდალა საკუთარი სახსრებიდან გამოყოფს.
სადგური ფინანსურ რაიონ ერ-რიადში ააშენებენ და მისი ფართობი 20 000 კვ.მ.იქნება. იგი მეტროს ახალ ხაზზე განთავსდება, რომლის აშენება უახლოეს ხუთ წელიწადში იგეგმება. სადგურის ძირითად ნაწილს მარმარილოსგან მოაპირკეთებენ, ხოლო მის კედლებს ოქროს ფირფიტებით შეამკობენ. მოსალოდნელია, რომ იგი მსოფლიოში ყველაზე ძვირფას მეტროსადგურთა სიაში შევა.
სადგურის დაპროექტება არაბული წარმოშობის ბრიტანელ არქიტექტორს ზაჰე ჰადიდს დაავალეს. მისი თქმით, პროექტზე მუშაობა საუდის არაბეთის დიუნებმა შთააგონეს.
მეტროში შესასვლელიც ჩვეულებრივისგან განსხვავებული იქნება. სადგურზე ჰადიდმა ფუტურისტული დიზაინის მრავალსართულიანი შენობის აშენება გადაწყვიტა, რომელშიც ავტოსადგომი და სავაჭრო ცენტრი განთავსდება.
სადგურზე, რომელიც ერთ-ერთი მთავარი გადასაჯდომი კვანძი იქნება, მგზავრების გავლის ახალ სისტემას გამოიყენებენ, რომელიც პიკის საათში ჭყლეტის თავიდან აცილებისთვისაა განკუთვნილი.
გარდა ამისა, ჰადიდის წინაშე იდგა ამოცანა სადგური და შესასვლელი მზის სინათლით უზრუნველყო და ამასთან მგზავრები სიცხისგან დაეცვა. ამისთვის არქიტექტორს სახურავის განსაკუთრებული კონსტრუქციის შემუშავება მოუწია. სპეციალურად ახალი სადგურისთვის ჰაერის კონდიცირების სისტემაც შექმნეს, რომელსაც ანალოგი არ აქვს.
ზაჰა ჰადიდი პრიცკერის პრემიის პირველი ქალი ლაურეატია, რომელიც არქიტექტორებისთვის ნობელის პრემიის ანალოგად ითვლება.
მომზადებულია Independent-ის მიხედვით.
