მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ გახდა 6 წლის გოგონა მილიონერი
06:30 / 16-04-2013
პატარა ამერიკელი, სახელად იზაბელა ბარეტი, რომელმაც სკანდალურ შოუ Toddlers & Tiaras-ში მონაწილეობით გაითქვა სახელი, 6 წლის ასაკში მილიონერი გახდა. ტელევიზიაში წარმატებული კარიერის შემდეგ გოგონამ საკუთარი ბიზნესიც წამოიწყო.
პატარა ბიზნესლედის პირველი წარმატება მაშინ ეწვია, როდესაც დედამისმა სთხოვა ბავშვების სილამაზის კონკურსში მიეღო მონაწილეობა. კაბაზე, მაკიაჟსა და აქსესუარებზე 50 000 დოლარის დახარჯვამ გაამართლა: მისი ქალიშვილი ტელევარსკვლავად იქცა.
პოპულარობის მოხვეჭის შემდეგ გოგონამ კოსმეტიკისა და საიუველირო ნაკეთობათა საკუთარი ხაზის წარმოება დაიწყო. საზოგადოებამ გოგონას ინიციატივა მოიწონა და მის მიერ შექმნილი კოსმეტიკისა და საბავშვო საიუველირო ნაწარმის შესაძენად მაღაზიებს მიაშურა.
"მომწონს თუ არა მილიონერობა? ძალიან ბედნიერი ვარ, - განაცხადა პატარა ბიზნესმენმა ერთ-ერთ ბრიტანულ გამოცემასთან ინტერვიუში, - მე სუპერვარსკვლავი ვარ, რაზეც სხვები მხოლოდ ოცნებობენ".
იზაბელას განსაკუთრებით უყვარს მაღალქუსლიანი ფეხსაცმელი, გოგონას უკვე 60 წყვილი ფეხსაცმელი აქვს და მომავალში ამ მიმართულებითაც აპირებს საკუთარი ხაზის შექმნას. იზაბელას ბიზნეს-პარტნიორობას 39 წლის დედა უწევს, ის საიუველირო განყოფილების ხელმძღვანელია. მშობლები დარდობენ, რომ მათ შვილს საკუთარ თავზე გადაჭარბებული წარმოდგენა არ შეექმნას.
"მეშინია, რომ ჩემმა შვილმა ბრიტნი სპირსის გზა არ გაიმეოროს. ის უკვე ნამდვილი ვარსკვლავივით იქცევა, ფეშენებელური სასტუმროების მომსახურებით ტკბება და მაღაზიებში ფასებს აღარ უყურებს", - ამბობს იზაბელას დედა.
პატარა ბიზნესმენს ბროდვეიზე თითოეულ გამოსვლაში 10 000 დოლარს უხდიან. ასეთ მცირე ასაკში იზაბელა ბარეტმა გახმაურებული სასამართლო პროცესში მონაწილეობაც მოასწრო. ერთი წლის წინ დედამისმა სამი მსხვილი გამოცემის წინააღმდეგ სასამართლოში სარჩელი შეიტანა და კომპენსაციის სახით 30 000 000 დოლარი მოითხოვა. მედიაში გავრცელდა ვიდეო, სადაც იზაბელა ბარეტი ერთ-ერთ ღამის კლუბში ასრულებს ჯგუფ LMFAO-ს სიმღერას I’m Sexy and I Know It. გოგონას დედამ გამოცემები სექსუალიზაციის პროპაგანდაში დაადანაშაულა.
მომზადებულია lifenews.ru-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
