მო­დე­ლი გი­ორ­გი ნა­ზღა­ი­ძე, რო­მელ­მაც ბოლო დროს დი­ზა­ი­ნე­რო­ბას მიჰ­ყო ხელი და პირ­ვე­ლი ჩვე­ნე­ბა ამე­რი­კის შე­ერ­თე­ბულ შტა­ტებ­ში გა­მარ­თა, რე­დაქ­ცი­ა­ში იმის­თვის მო­ვიწ­ვი­ეთ, რომ გვეჩ­ვე­ნე­ბი­ნა ქარ­თვე­ლი პო­ლი­ტი­კო­სი ქალ­ბა­ტო­ნე­ბის ფო­ტო­ე­ბი და მას მათი ჩაც­მუ­ლო­ბა და ზო­გა­დად, იმი­ჯი შე­ე­ფა­სე­ბი­ნა. გი­ორ­გიმ გულ­წრფე­ლი შე­ფა­სე­ბე­ბი არ და­ი­შუ­რა. იმე­დია, ქალ­ბა­ტო­ნე­ბი არ გაგ­ვი­ნა­წყენ­დე­ბი­ან და რჩე­ვებს მი­ი­ღე­ბენ, რათა უფრო უკე­თე­სად წარ­მოჩ­ნდნენ სა­ზო­გა­დო­ე­ბის წი­ნა­შე. სა­ნამ ფო­ტო­ე­ბის დათ­ვა­ლი­ე­რე­ბას მივ­ყვე­ბო­დით, მა­ნამ­დე გი­ორ­გის რამ­დე­ნი­მე შე­კი­თხვა თა­ვის გეგ­მებ­ზეც და­ვუს­ვით.

- ვიცი, რომ დი­ზა­ი­ნე­რო­ბას მიჰ­ყა­ვი ხელი...

- კო­ლექ­ცია ნა­ძა­ლა­დე­ვის ბავ­შვთა სახ­ლის და­სახ­მა­რებ­ლად გა­ვა­კე­თე. პირ­ვე­ლი ჩვე­ნე­ბა 2012 წლის დე­კემ­ბერ­ში ნიუ-იორკში გა­ი­მარ­თა, შემ­დეგ კი - თბი­ლის­ში. იქ, უბ­რა­ლოდ, ჩვე­ნე­ბა მო­ვა­წყვე. ჩემი დიდი შეც­დო­მა იყო, რომ კო­ლექ­ცია იქ უნდა გა­მე­ყი­და, რად­გან დიდი მო­თხოვ­ნა იყო და უფრო მეტი თან­ხა შე­მო­ვი­დო­და. კარ­გია, რომ კო­ლექ­ცი­ის დიდი ნა­წი­ლი გა­ი­ყი­და, რაც კაშ­კა­შა ფე­რებ­ში იყო, ის დამ­რჩა და მე ვიც­ვამ. მა­მა­კა­ცე­ბის­თვის გან­კუთ­ვნი­ლი კო­ლექ­ცია იყო, მაგ­რამ უნი­სექ­სი, ანუ ქალ­საც შე­უძ­ლია ჩა­იც­ვას. 46 მა­ი­სუ­რი­დან თით­ქმის ყვე­ლა გა­ი­ყი­და. კოს­ტი­უ­მე­ბის თვით­ღი­რე­ბუ­ლე­ბა 350-400 ლარი იყო, მაგ­რამ მე გავ­ყი­დე 200-დან 250 ლა­რამ­დე. რად­გან საქ­ველ­მოქ­მე­დო პრო­ექ­ტი იყო, მო­გე­ბა­ზე არ გვი­ფიქ­რია. და­მეხ­მა­რა მა­რი­ამ ქინ­ქლა­ძე, რო­მე­ლიც ამე­რი­კა­ში ცხოვ­რობს და საქ­ველ­მოქ­მე­დო ორ­გა­ნი­ზა­ცი­ას ხელ­მძღვა­ნე­ლობს. მისი ორ­გა­ნი­ზა­ცია სხვა წი­ნა­და­დე­ბით და­მი­კავ­შირ­და, მაგ­რამ სა­ბო­ლო­ოდ კო­ლექ­ცი­ის გა­კე­თე­ბა გა­დავ­წყვი­ტეთ.

- დი­ზა­ი­ნე­რო­ბა შენი პრო­ფე­სი­აა?

- არა, მაგ­რამ ბავ­შვო­ბი­დან ვხა­ტავ­დი. ტან­საც­მელ­საც მუდ­მი­ვად ჩემი გე­მოვ­ნე­ბით ვა­კე­თე­ბი­ნებ­დი მკე­რა­ვებს. ეს კო­ლექ­ცია ჩემ­თვის და ბავ­შვე­ბის­თვის გა­ვა­კე­თე, სა­ბო­ლოო ჯამ­ში, შე­მიძ­ლია ვთქვა, რომ ათ­ბა­ლი­ა­ნი შე­ფა­სე­ბის სის­ტე­მით სა­კუ­თარ თავს 9-იანს და­ვუ­წერ­დი. სექ­ტემ­ბრის­თვის უკვე ქა­ლის კო­ლექ­ცი­ას შევ­ქმნი და ესეც საქ­ველ­მოქ­მე­დო იქ­ნე­ბა.

- ვიცი, რომ ამე­რი­კა­ში კვლავ მი­დი­ხარ.

- ჩემს სა­ცო­ლეს­თან, მა­რი­ამ ქინ­ქლა­ძეს­თან მივ­დი­ვარ. ვფიქ­რობთ და­ქორ­წი­ნე­ბა­ზე. ახლა რომ ჩა­ვალ, შე­იძ­ლე­ბა, მო­უ­ლოდ­ნე­ლად დავ­ქორ­წინ­დეთ. სექ­ტემ­ბერ­ში ნამ­დვი­ლად დავ­ქორ­წინ­დე­ბით.

- კარ­გი, ჩვე­ნი ინ­ტერ­ვი­უს ძი­რი­თად თე­მას და­ვუბ­რუნ­დეთ. შენი აზ­რით, საქ­მი­ან ქალს რო­გორ უნდა ეც­ვას?

- საქ­მი­ა­ნი ქალი კლა­სი­კუ­რად უნდა იყოს შე­მო­სი­ლი, მაგ­რამ ოდ­ნა­ვი სექ­სუ­ა­ლუ­რო­ბა უნდა ჰქონ­დეს, სა­მო­სის ქა­ლუ­რი შტრი­ხე­ბი არ უნდა და­კარ­გოს. დღეს სა­ქარ­თვე­ლო­ში ზედ­მე­ტად კლა­სი­კუ­რად იც­ვა­მენ, ზოგი დე­ფექტს მა­ლავს, მაგ­რამ ვი­საც კარ­გი ტანი, ფე­ხე­ბი აქვს, ამას რა­ტომ­ღაც მა­ლა­ვენ. სა­ზო­გა­დო­ე­ბა ხომ მუდ­მი­ვად ცდი­ლობს მი­ნუ­სის პოვ­ნას და როცა საქ­მი­ა­ნი ქალი ყუ­რა­დღე­ბის ცენ­ტრშია, ალ­ბათ ფიქ­რობს, რომ გა­აკ­რი­ტი­კე­ბენ. რო­გორ? მთავ­რო­ბა­შია და მკერ­დი ცო­ტა­თი უჩანს? მე არ ვამ­ბობ, რომ გად­მოყ­რი­ლი უნდა ჰქონ­დეს ყვე­ლა­ფე­რი, მაგ­რამ მსუ­ბუ­ქად შე­იძ­ლე­ბა. მე­ო­რე მო­მენ­ტი გე­მოვ­ნე­ბის ნაკ­ლე­ბო­ბაა და მე­სა­მე ისაა, რომ მთავ­რო­ბა­ში ასე­თი ხელ­ფა­სე­ბი რომ აქვთ, აიყ­ვა­ნონ პი­რა­დი სტი­ლის­ტე­ბი და შე­ურ­ჩე­ვენ ადეკ­ვა­ტურ ჩაც­მუ­ლო­ბას.

- გახ­სოვს შემ­თხვე­ვა, რო­დე­საც, ვთქვათ, პო­ლი­ტი­კოს ქალ­ზე გით­ქვამს, დედა, ეს რა ჩაც­მუ­ლი­აო?

- არა­ერ­თხელ მით­ქვამს. იმ­დენ ფერს ირ­გე­ბენ, რომ სა­ბო­ლოო ჯამ­ში კარ­ნა­ვა­ლი გა­მო­დის. მე­ჯლის­ზე მი­დი­ან თუ პარ­ლა­მენ­ტში, ვერ გა­ი­გებ. ეს ამ­ხე­ლა ჯინ­ჯი­ლე­ბი­ა­ნი სა­ყუ­რე­ე­ბი რომ უკე­თი­ათ, რო­მე­ლიც რო­დის იყო მო­და­ში, აღარ მახ­სოვს... ჭრე­ლი შარ­ფე­ბი, ჭრე­ლი პალ­ტო, მხრებ­ზე შე­მოგ­დე­ბუ­ლი... მოკ­ლედ, გე­მოვ­ნე­ბის დიდი პრობ­ლე­მაა. მათ ჰგო­ნი­ათ, რომ უხ­დე­ბათ. ეს იმი­ტომ ჰგო­ნი­ათ, რომ უაზ­რო, ტყუ­ი­ლი კომ­პლი­მენ­ტე­ბის თქმა ვი­ცით. მე­ო­რე დღე­საც იმა­ვე შარფს შე­მო­იგ­დებს, რად­გან წინა დღეს უთხრეს, გიხ­დე­ბაო.

ჩი­ო­რა თაქთა­ქიშ­ვი­ლი

- აი, რო­ლინგზე უკე­თია შარ­ფი. არ ვიცი, ყელი სტკი­ვა თუ ღა­ბა­ბის და­ფარ­ვა უნდა, მაგ­რამ არა მგო­ნია, ეს კარ­გი შე­ხა­მე­ბა იყოს. ვარ­ცხნი­ლო­ბა აქვს სტან­დარ­ტულ-ბა­ნა­ლუ­რი, დი­ლით ადგა, გა­და­ი­ვარ­ცხნა და გა­მო­ვი­და. კრე­მის­ფე­რი პი­ჯა­კი რომ აც­ვია, იმის ფერი მომ­წონს, მაგ­რამ რო­ლინ­გი და პი­ჯა­კი? ისე­თი შთა­ბეჭ­დი­ლე­ბა მრჩე­ბა, რომ ოფის­ში ცივა. აც­ვია ისე­თი პი­ჯა­კე­ბი, რომ­ლე­ბიც ტან­ზე ზედ­მე­ტად მომ­დგა­რია, არა­და, ეს ქალ­ბა­ტო­ნი ხორ­ცი­ა­ნია და ზედ­მე­ტად მომ­დგარ პი­ჯაკს გა­მოკ­ვე­თი­ლი აქვს მისი მკერ­დი, ქვე­ვით ხორ­ცი კი ჩა­ტე­ხი­ლია. ერთ-ერთ ფო­ტო­ზე, რო­მელ­საც შენ მაჩ­ვე­ნებ, შავი პი­ჯა­კი აც­ვია და ამას არა უშავს, ნორ­მა­ლუ­რია. ხუთ­ბა­ლი­ა­ნი შე­ფა­სე­ბის მი­ხედ­ვით ჩი­ო­რა თაქთა­ქიშ­ვილს, მა­პა­ტი­ოს ყვე­ლამ, ალ­ბათ იტყვი­ან, ეს ვინ არი­სო, მაგ­რამ 2-ს და­ვუ­წერ­დი. შე­საძ­ლოა, სხვას ნული და­ვუ­წე­როთ.

თეა წუ­ლუ­კი­ა­ნი

- ამ ქალ­ბა­ტონს უნდა, ინ­გლი­სე­ლი ქა­ლი­ვით ეც­ვას. შემ­დეგ ფო­ტო­ზე აშ­კა­რად აქ შე­კე­რი­ლი რა­ღა­ცე­ბი აც­ვია. თეა წუ­ლუ­კი­ან­თან და­კავ­ში­რე­ბით მინ­და ვთქვა, რომ აშ­კა­რად აკ­ლია მა­კი­ა­ჟი, არა მხო­ლოდ მას, არა­მედ ბევრ პო­ლი­ტი­კოს ქალ­ბა­ტონს. აი, აქ ყო­ველ­დღი­უ­რი ჩაც­მუ­ლო­ბით არის, მი­ნის­ტრი ქალი, სა­უ­კუ­ნე­ე­ბის წინ იყო ასე­თი შარ­ვა­ლი მო­და­ში და თა­ნაც მას და­ბალ ტა­პ­კებ­ზე იც­ვა­მენ და არა მა­ღალ­ქუს­ლი­ან ფეხ­საც­მელ­ზე. მისი პი­ჯა­კე­ბიც დი­დად არ მომ­წონს. თან პა­ტა­რა ქალი როცა ხარ, დი­დღი­ლი­ა­ნი პი­ჯა­კე­ბი არ უნდა ჩა­იც­ვა. 2-ს და­ვუ­წერ­დი.

ეკა ბე­სე­ლია

- ეკა ბე­სე­ლი­ა­ზე რას გვე­ტყვი?

- ხომ არ და­მი­ჭე­რენ, ასე რომ ვლა­პა­რა­კობ (იცი­ნის).

- არა მგო­ნია.

- ასე­თი პე­რან­გე­ბი ქუ­თა­ი­სელ ძველ ბი­ჭებს ეც­ვათ და სვე­ლი ცხვირ­სა­ხო­ცე­ბი ჰქონ­დათ ჩა­დე­ბუ­ლი. ფო­ტო­ზე ყელ­სა­ბა­მი რომ აქვს გა­კე­თე­ბუ­ლი, ქუ­თა­ის­ში ჩას­ვლა-ჩა­მოს­ვლის­თვის არ არის გან­კუთ­ვნი­ლი. ისე­თი შთა­ბეჭ­დი­ლე­ბა მრჩე­ბა, რომ აქვს და უნდა გა­ი­კე­თოს, გა­მო­ა­ჩი­ნოს. აბა, რა უნდა ქნას? სხვა­გან სად უნდა დაგ­ვა­ნახ­ვოს, კლუბ­ში მე არ დავ­დი­ვარ და სა­ღა­მო­ებ­ზე და ტე­ლე­ვი­ზი­ით მა­ინც გიჩ­ვე­ნო­თო. ერთ-ერთი პი­ჯა­კი მა­საც ისე­თი­ვე ჭრი­ლით აც­ვია, რო­გო­რიც მაია ფან­ჯი­კი­ძეს და არ არის მო­და­ში ეს ჭრა. ამ პი­ჯაკ­ზე უკე­თია ოქ­როს ძეწ­კვი, მარ­გა­ლი­ტე­ბის გრძე­ლი ყელ­სა­ბა­მი... თუ ფაქი ხომ არ ხარ, ან ერთი გა­ი­კე­თე, ან მე­ო­რე. ეკა ბე­სე­ლი­ას თვა­ლებ­ზე აქვს ძა­ლი­ან ბევ­რი მა­კი­ა­ჟი. ახა­სი­ა­თებს "კრუ­ჟა­ვო-ჟაბო" პე­რან­გე­ბი. მოს­წონს ყე­ლის მიმ­დე­ბა­რე ტე­რი­ტო­რი­ა­ზე რა­ღაც დი­დად რომ აქვს, დიდ­ყე­ლი­ა­ნი პე­რან­გე­ბი, ფუ­შფუ­შა­სა­ყე­ლო­ი­ა­ნი ზე­დე­ბი. ეკა ბე­სე­ლია ფე­რებ­საც უაზ­როდ იყე­ნებს, ერ­თმა­ნეთს ვერ უხა­მებს. მას ერთ-ნა­ხე­ვარ ქუ­ლას მი­ვა­ნი­ჭებ­დი.

მაია ფან­ჯი­კი­ძე

- სათ­ვა­ლე არას­წო­რად აქვს შერ­ჩე­უ­ლი, თმა­ზე აქვს პრობ­ლე­მა, რად­გან დამ­წვა­რი აქვს. მარ­გა­ლი­ტის ყელ­სა­ბა­მი და ჩა­მო­კონ­წი­ა­ლე­ბუ­ლი მარ­გა­ლი­ტის სა­ყუ­რე­ე­ბი ერ­თად ცოტა ზედ­მე­ტი მგო­ნია, ან ერთი უნდა ეკე­თოს, ან მე­ო­რე, ან მარ­გა­ლი­ტის სა­ყუ­რე ყურ­ზე მიბ­ჯე­ნი­ლი უნდა ჰქონ­დეს. ერთ-ერთი ფოტო, რო­მელ­საც მაჩ­ვე­ნებ, მგო­ნი, მთავ­რო­ბა­ში სა­ნამ მო­ვი­დო­და, მა­ნამ­დე გა­და­უ­ღეს (იცი­ნის). პი­ჯა­კის ასე­თი ჭრა მო­და­ში არ არის, ახლა ოფი­ცი­ან­ტებს აც­ვი­ათ ია­ფ­ფა­სი­ან რეს­ტორ­ნებ­ში. რო­დე­საც და­ხუ­რულ პი­ჯაკ­ში კო­ლიე გი­კე­თია, ამას რა აზრი აქვს? ერთ-ერთი პი­ჯა­კი, რო­მე­ლიც აც­ვია, აშ­კა­რად პა­ტა­რა აქვს და ვერ ხვდე­ბა?!. შავ პი­ჯაკ­ზე ყა­ვის­ფე­რი ქა­მა­რი უკე­თია და ეს სა­ერ­თოდ რა შუ­ა­შია? სა­ერ­თოდ პი­ჯაკს ქა­მა­რი რად უნდა და თუ გა­ი­კე­თებ, ან ძა­ლი­ან წვრი­ლი უნდა იყოს, ან ძა­ლი­ან სქე­ლი. სა­ბო­ლო­ოდ მას 3-ს და­ვუ­წერ­დი, რად­გან ჩი­ო­რას­თან შე­და­რე­ბით უფრო ხა­რის­ხი­ა­ნი სა­მო­სი აც­ვია.

თინა ხი­და­შე­ლი

- თი­ნას ახა­სი­ა­თებს ბრო­შე­ბი­სად­მი, სა­ყუ­რე­ე­ბი­სად­მი დიდი სიყ­ვა­რუ­ლი, ასე­ვე და­ბალ­ყე­ლი­ა­ნი პე­რან­გე­ბი. მან არ იცის, რო­გორ გა­მო­ი­ყე­ნოს თა­ვი­სი სამ­კა­უ­ლე­ბი და ცდი­ლობს, ყვე­ლა­ფე­რი აის­ხას. ამას ჯო­ბია, თა­ვი­სი "შკა­ტულ­კა" ატა­როს თან და ეს სამ­კა­უ­ლე­ბი უბ­რა­ლოდ, ამო­ი­ღოს ხოლ­მე და და­დოს. თვი­თო­ნაც შე­ხე­დავს და ზედ­მე­ტად სხვაც არ შე­წუხ­დე­ბა, ან იყი­დოს სა­მე­უ­ლე­ბი, ორე­უ­ლე­ბი და გა­ი­კე­თოს. თმა მა­საც დამ­წვა­რი და მო­უვ­ლე­ლი აქვს. ფე­რე­ბის შე­ხა­მე­ბა თინა ხი­და­შელ­საც არ გა­მოს­დის. პარ­ლა­მენ­ტა­რი ქა­ლის გარ­და ყვე­ლაფ­რის შთა­ბეჭ­დი­ლე­ბას ტო­ვე­ბენ, ცუდი გა­გე­ბით არ ვამ­ბობ. უბ­რა­ლოდ, პარ­ლა­მენ­ტში სხვა­ნა­ი­რად უნდა ეც­ვათ. ამათ აც­ვი­ათ ისე, რო­გორც ყო­ველ­დღი­უ­რად ბევრ ქალს აც­ვია. მას 2-იანს და­ვუ­წერ­დი.

მა­რი­ამ სა­ჯა­ია

- ეს მგო­ნი, ჩვენ­ზე პა­ტა­რაა, არა? 21 წლის. სა­ბავ­შვო ბაღი (იღი­მის). ცუ­დად არ აც­ვია, მაგ­რამ პარ­ლა­მენ­ტა­რი ქა­ლი­ვით არ იმო­სე­ბა, იქ რომ ვნა­ხო, ვი­ფიქ­რებ, რომ ჟურ­ნა­ლის­ტია ან უბ­რა­ლოდ, სტუ­მა­რი. მთლი­ა­ნო­ბა­ში ეფექ­ტუ­რია და კარ­გად გა­მო­ი­ყუ­რე­ბა. ზედ­მე­ტად მო­დუ­რი უნდა იყოს, მაგ­რამ პო­ლი­ტი­კა­ში არის რა­ღაც ხაზი, რო­მელ­საც არ უნდა გა­დახ­ვი­დე. გა­თხო­ვი­ლია?

- ქმარს გა­შო­რე­ბუ­ლი.

- ე.ი. ისევ უნდა გა­თხო­ვე­ბა, შე­სა­ბა­მი­სად, ყუ­რა­დღე­ბის ცენ­ტრში ყოფ­ნა. მას და­ვუ­წერ­დი 3 ქუ­ლას, რად­გან მო­დუ­რად მა­ინც იც­ვამს და არ ყვი­რის მისი ჩაც­მუ­ლო­ბა.

ნინო ბურ­ჯა­ნა­ძე

- ნინო ბურ­ჯა­ნა­ძის პი­ჯა­კე­ბი მომ­წონს...

- მეც. ხუთი ქუ­ლი­დან 4-ს და­ვუ­წერ­დი. ყო­ველ­თვის დახ­ვე­წი­ლად აც­ვია, აქვს ერთი სტი­ლი და მას არ ღა­ლა­ტობს. ზედ­მე­ტად გა­დატ­ვირ­თუ­ლი არას­დროს არის. მისი სამ­კა­უ­ლე­ბი, სათ­ვა­ლე, ვარ­ცხნი­ლო­ბა, მა­კი­ა­ჟი არ ყვი­რის.

- მარ­გა­ლი­ტე­ბი­სად­მი გა­და­მე­ტე­ბულ სიყ­ვა­რულს მი­ა­წე­რენ.

- უყ­ვარს მარ­გა­ლი­ტე­ბი, მაგ­რამ კარ­გად აქვს შე­ხა­მე­ბუ­ლი და სხვა არა­ფე­რი უკე­თია.

თინა ბო­კუ­ჩა­ვა

- ესეც "ნა­ცი­ო­ნა­ლე­ბი­დან" არის. სხვა­თა შო­რის, ამ გო­გო­ნას ყო­ველ­თვის კარ­გად აც­ვია. უმე­ტეს შემ­თხვე­ვა­ში დახ­ვე­წი­ლი და სა­დაა, გა­მომ­წვე­ვი არ არის. ფე­რებ­საც კარ­გად ახა­მებს, აქვს გე­მოვ­ნე­ბა და 4 ქუ­ლას მი­ვა­ნი­ჭებ­დი.

სა­ლო­მე ზუ­რა­ბიშ­ვი­ლი

- მას ზედ­მე­ტად უყ­ვარს სამ­კა­უ­ლე­ბი, კუ­ლო­ნი, ყვა­ვი­ლის ბრო­ში და ამ ფო­ტო­ზე ტაშ­ტი უკე­თია ყურ­ზე თუ სამ­კა­უ­ლი, ვერ გა­ი­გებ. მის ჩაც­მუ­ლო­ბა­ზე მა­ინც ევ­რო­პამ იმოქ­მე­და, ამი­ტომ კარ­გად აც­ვია. სამ­ნა­ხე­ვარ ქუ­ლას გა­ვი­მე­ტებ­დი.

- ყვე­ლა­ზე კარ­გი ჩამცმე­ლი ვინ არის ქალ­ბა­ტო­ნებ­ში და მა­მა­კა­ცებ­ზე რას გვე­ტყვი?

- ქა­ლებს შო­რის ისე­თი არა­ვინ არის, რომ თქვა, კარ­გად იც­ვამ­სო. წინა პარ­ლა­მენ­ტში, რო­გორც მე ვიცი, ბევ­რს თა­ვი­სი სტი­ლის­ტი ჰყავ­და, მაგ­რამ ამას მა­ლავ­დნენ. ახ­ლან­დელ პარ­ლა­მენტს სტი­ლის­ტე­ბის ყო­ლის რა ეტყო­ბა (იცი­ნის)?!. ახ­ლან­დელ პარ­ლა­მენ­ტში სტან­დარ­ტუ­ლი პი­ჯა­კე­ბი და პე­რან­გე­ბი აც­ვი­ათ, თუკი ჰალ­სტუ­ხის შერ­ჩე­ვი­სას გე­მოვ­ნე­ბამ არ უმტყუ­ნათ. რო­დე­საც პე­რანგს შიგ­ნით კი­დევ მა­ი­სუ­რი აც­ვი­ათ ხოლ­მე, ჩემ­თვის მი­უ­ღე­ბე­ლია. შე­და­რე­ბით ნორ­მა­ლუ­რად დათო საყ­ვა­რე­ლი­ძეს აც­ვია. ახალ­გაზ­რდებს უფრო დახ­ვე­წი­ლად აც­ვი­ათ, თუმ­ცა სა­ხე­ლებ­სა და გვა­რებს ვერ ვიხ­სე­ნებ. "ოც­ნე­ბი­დან" ყვე­ლა­ზე კარ­გად კახი კა­ლა­ძეს აც­ვია, თუმ­ცა ეს არც არის გა­საკ­ვი­რი, ამ­დე­ნი წელი იტა­ლი­ა­ში ცხოვ­რობ­და.

რომ შე­ვა­ჯა­მოთ, ჩაც­მის კულ­ტუ­რა ჩვენ­თან ნაკ­ლე­ბად არ­სე­ბობს. პარ­ლა­მენ­ტა­რე­ბის დიდ ნა­წილს უკა­ნა კბი­ლე­ბი არ აქვთ და რა­ზეა ლა­პა­რა­კი. რომ იცი­ნი­ან, ჩანს. იმა­საც ნუ იტყვი­ან, ფული არ გვაქვს, პი­ჯა­კებს ვერ ვყი­დუ­ლობ­თო. ვინც მთავ­რო­ბა­შია, ყვე­ლას აქვს საკ­მა­რი­სი შე­მო­სა­ვა­ლი, რომ კარ­გად ჩა­იც­ვას. ჩვენ რა ვთქვათ, ჩვე­ნი ხელ­ფა­სე­ბი­დან გა­მომ­დი­ნა­რე და აშ­კა­რად მათ­ზე უკე­თე­სად გვაც­ვია (იცი­ნის).

ნინო მურ­ღუ­ლია

ჟურ­ნა­ლი "რე­ი­ტინ­გი"

(გა­მო­დის ორ­შა­ბა­თო­ბით)