3
მაისიდღის ზოგადი ასტროლოგიური პროგნოზი
რუსი მოდელის, ირინა შეიკის სილამაზე მემკვიდრეობითია. მოდელის დასაც, ტატიანასაც შესაშური ტანადობა აქვს.
ირინასთან შედარებით, ტატიანა ტიპიური სლავური გარეგნობით გამოირჩევა - მაღალია, გამხდარი, ქერა და მწვანე თვალები აქვს. პაპარაცებმა ირინასა და ტატიანას ფოტოსურათები სანაპიროზე სეირნობის დროს გადაუღეს. როგორც ფოტოგრაფები ამბობენ, თეთრ შორტსა და მაისურში გამოწყობილი გრძელფეხა ტატიანა გულგრილს არავის ტოვებს.
ირინას ნამდვილი გვარი შაიხლისლამოვაა. ის ჩელიაბინსკის ოლქში დაიბადა. ვარსკვლავს მამა თათარი ჰყავს, დედა კი რუსი. შეიკის დედა ნატალია პიანისტია და სურდა, ქალიშვილიც მუსიკას გაჰყოლოდა, თუმცა ირინამ მოდელობა ამჯობინა.
შეიკი ამბობს, რომ ბავშვობაში რუსი თანატოლი გოგონებისგან მუქი თმით რადიკალურად განსხვავდებოდა და ყველას ყურადღებას იპყრობდა.
"არატიპიური გარეგნობა სწორედ იმიტომ მაქვს, რომ დედა რუსია, მამა კი თათარი. მამაჩემს მუქი კანი ჰქონდა და ბრაზილიელს ჰგავდა. ცისფერი თვალები დედაჩემისგან მერგო. ყოველთვის მეკითხებოდნენ, სამხრეთ ამერიკელი ხომ არ ვარ", - იხსენებს ირინა.
მომზადებულია Daily Mail-ის მიხედვით.
