"ნიუ-იორკის ბანდებს" სერიალად იღებენ

კრიმინალურ დრამას "ნიუ-იორკის ბანდები" სერიალად იღებენ. პროექტზე მარტინ სკორსეზე და სტუდია Miramax-ი იმუშავებენ.

სკორსეზეს ორიგინალი ფილმი ეკრანებზე 2002 წელს გამოვიდა. სიუჟეტი მე-19 საუკუნის ნიუ-იორკში ვითარდება და ევროპელ ემიგრანტთა და ნიუ-იორკის დაჯგუფებებზე მოგვითხრობს, რომლებიც ერთმანეთს უპირისპირდებიან.

ფილმში მთავარი როლები ლეონარდო დიკაპრიომ, დენიელ დეი-ლუისმა და კამერონ დიასმა შეასრულეს.

სერიალი ორგანიზებული დანაშაულებრივი დაჯგუფებების შესახებ ახალ ისტორიებს მოყვება.

"ეს ამერიკული ისტორიის მთელი ეპოქა სავსეა პერსონაჟებით და ისტორიებით, რომელსაც ორსაათიან ფილმში ვერ ჩავტევდით. სერიალი შემოქმედებით თავისუფლებას მოგვანიჭებს", - აღნიშნა სკორსეზემ.

მომზადებულია popcornnews.ru-ს მიხედვით.