ბოლაჯაურში მიწის დაბრუნებას ითხოვენ
სოფელ ბოლაჯაურის მოსახლეობა "სოფლის მეურნეობის კორპორაციას" 30 ჰექტარ სახნავ-სათეს ფართობს ედავება. სადაო ტერიტორიაზე, კორპორაციას ორი წელიწადია, "ბოსტნეულის სადემონსტრაციო ნაკვეთი" აქვს მოწყობილი და მოყვანილ ბოსტნეულს ადგილზე, შეღავათიან ფასებში ყიდის. ბოლაჯაურელები კი აცხადებენ, რომ სახნავ-სათესს 10 წელიწადი თვითონ ამუშავებდნენ და მიუხედავად იმისა, რომ საკუთრების დამადასტურებელი დოკუმენტი არ აქვთ, დათმობას არ აპირებენ. მათ მიწის დაბრუნების მიზნით ხელმოწერების შეგროვებაც დაიწყეს, განცხადებას უკვე 250 ოჯახი აწერს ხელს. ამასთან, ადგილობრივების თქმით, მიწების დათმობის სანაცვლოდ კორპორაცია სოფელს მოყვანილი პროდუქციის თესლის უფასოდ დარიგებას დაპირდა, მაგრამ პირობა არ შეასრულეს.
"სოფლის მეურნეობის კორპორაციის" წარმომადგენლები, ბოლაჯაურის მოსახლეობას ვითარების გასარკვევად, მათ შორის კონპენსაციების საკითხზე კორპორაციის სათაო ოფისში ჩასვლას ურჩევენ. კორპორაციის დირექტორი, ალექსანდრე ხოჯრევანიშვილი მომჩივანთა საპასუხოდ აცხადებს, რომ ერთი თვეა ნაკვეთი შპს "ქართულ ბოსტნეულს" გადაეცა.
"სამხრეთის კარიბჭე"
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
