3
აპრილიდღის ზოგადი ასტროლოგიური პროგნოზი
"პალიტრა მედია" თავის მკითხველს კიდევ ერთ, საინტერესო და ორიგინალურ პროექტს სთავაზობს, რომელიც ქართულ ბაზარზე, ფაქტობრივად ნოუ-ჰაუა. "საოჯახო პრესა" - ეს არის სამი სრულიად განსხვავებული და საინტერესო გამოცემის - "კვირის პალიტრის", "რეიტინგისა" და "საბავშვო კარუსელის" ნაკრები, რომელიც თქვენი ოჯახისთვის შეიქმნა, რათა ყველა ასაკის წევრმა ოჯახური საღამო მყუდრო და საინტერესო გარემოში გაატაროს. ორიგინალურ პროექტზე "პალიტრა მედიის" მარკეტინგისა და ბაზარზე განვითარების დირექტორს, ავთანდილ წერეთელს ვესაუბრეთ.
- ჩვენ ჩავიფიქრეთ ისეთი პროდუქტის გამოცემა, რომელიც, მარკეტინგული თვალსაზრისით, ოჯახზე ორიენტირებული იქნებოდა. "პალიტრა მედიის" მისიაა, საზოგადოების ყველა ფენისა და სოციალური ჯგუფის წარმომადგენელს მუდმივად მიაწოდოს ცხოვრებისთვის მნიშვნელოვანი და საინტერესო მრავალფეროვანი ინფორმაცია. სწორედ ამიტომ შევქმენით სპეციალური პროდუქტი, რომელიც ოჯახის მოთხოვნებზე იქნებოდა მორგებული. ამ ნიშნით შევარჩიეთ სამი გამოცემა: "კვირის პალიტრა", "რეიტინგი" და "საბავშვო კარუსელი". პრესის ნაკრები, რომელსაც საკმაოდ ორიგინალური შეფუთვა აქვს, გამოვიდა მრავალფეროვანი და ყოვლისმომცველი. მისი შეძენა მკითხველს 25%-ით ნაკლებ ფასად შეეძლება, ანუ სამივე გამოცემას 4-ის ნაცვლად, მხოლოდ 3 ლარად შეიძენს და, რაც მთავარია, პროდუქტი ოჯახის ყველა ასაკის წევრზეა გათვლილი. მისი შეძენით ოჯახები თითქმის სრულყოფილ ინფორმაციას მიიღებენ, ეს ეხება როგორც მიმდინარე ფაქტებსა და მოვლენებს, ასევე, საინტერესო პიროვნებებს, კულტურულ, სპორტულ, გასართობ და, ზოგადად, შემეცნებითი ხასიათის სიახლეებს. აუცილებლად უნდა აღვნიშნო, რომ ეს პროდუქტი ასევე გათვლილია ბავშვებზე, ჩვენი ოჯახის უმნიშვნელოვანეს წევრებზე. ჩვენ, რასაკვირველია, იმ იდეის ერთგული ვრჩებით, რომ მათ კითხვა შევაყვაროთ და სწორედ ამიტომ გადავწყვიტეთ ნაკრებში "საბავშვო კარუსელის" ჩართვაც.
- როდის გამოვა ქსელში "საოჯახო პრესა"?
- გამოცემა ყოველკვირეული გახლავთ, მისი პირველი ნომერი ორშაბათიდან 25 მარტიდან გაიყიდება. რა თქმა უნდა, შესაძლებელი იქნება მისი გამოწერის სერვისით სარგებლობა, კომპანია "ელვა ჯი"-ს დახმარებით, რაც საშუალებას მისცემს ჩვენს მკითხველს, მიიღოს პროდუქტი საკუთარ ოჯახში ზუსტად იმავე ფასად. დიდი იმედი გვაქვს, რომ "საოჯახო პრესა" ისეთივე პოპულარობას მოიპოვებს, როგორც ჩვენი სხვა გამოცემები. მოგეხსენებათ, "პალიტრა მედია" აერთიანებს 5 პერიოდულ გაზეთს, 15 პერიოდულ ჟურნალს, საინფორმაციო სააგენტოს, 15 ვებპორტალს, წიგნების საგამომცემლო სახლს, რადიოსა და ტელევიზიას. შესაბამისად, ჩვენ ბეჭდური გამოცემების საკმაოდ დიდი არჩევანი გვაქვს ჟანრობრივი და თემატური თვალსაზრისით, რათა შევქმნათ საოჯახო პრესისთვის საინტერესო პროდუქტები. ამჯერად, მხოლოდ ზემოთ ხსენებული სამი ამოვარჩიეთ, რაც, ერთი მხრივ, საშუალებას გვაძლევს დავაკმაყოფილოთ ოჯახის ყველა წევრის ინტერესი, ხოლო, მეორე მხრივ, პროდუქტი შევთავაზოთ საკმაოდ დაბალ ფასში.
- ასეთი ორიგინალური პროექტი ქართულ ბაზარზე პირველად გამოჩნდება?
- დიახ, თამამად შეიძლება ვთქვათ, რომ მსგავსი პროექტი პირველად მკითხველს "პალიტრა მედიამ" შესთავაზა. მართალია, ჩვენ ციფრული ტექნოლოგიების ეპოქაში ვცხოვრობთ, თუმცა ბეჭდურ მედიას თავისი შეუცვლელი და ძალიან მნიშვნელოვანი როლი აქვს. ამ ნაკრებში შეტანილი პრესის საშუალებით, რომელიც საზოგადოების მაღალი ნდობით სარგებლობს, ყველაზე აქტუალურ, ობიექტურ და მრავალფეროვან ინფორმაციას ვიღებთ, რომელსაც ჩვენი ოჯახის წევრებსაც ვუზიარებთ. ანუ პრესა ჩვენი ყოველდღიური ცხოვრების განუყოფელი ნაწილი ხდება. ის გვეხმარება იმაში, რომ ჩვენი ოჯახური გარემო კიდევ უფრო მრავალფეროვანი და შინაარსიანი გახდეს.
- სამომავლოდ რა სიახლეებს გეგმავთ?
- "საოჯახო პრესა" მხოლოდ დასაწყისია... გპირდებით, რომ მომავალში კიდევ არაერთ სიახლეს შევთავაზებთ ჩვენს მკითხველს, რასაც ამჯერად სიურპრიზად დავტოვებ. მხოლოდ ერთს გაგიმხელთ, რომ ახლო მომავალში ვგეგმავთ საოჯახო პრესის ფოტოკუნკურსის გამოცხადებას სახელწოდებით "ვკითხულობთ მთელი ოჯახი", რომელშიც ნებისმიერ ოჯახს შეეძლება მონაწილეობის მიღება. საუკეთესო ფოტონამუშევრებით გამორჩეული გამარჯვებული ოჯახები დასაჩუქრდებიან ჩვენი სხვადასხვა პროდუქტით, მათ ასევე გაიცნობს საზოგადოება, მომზადდება სიუჟეტები Palitra.TV-ზე, ხოლო მათი ფოტოები განთავსდება "საოჯახო პრესის" გარეკანზე, რასაც ჩვენი ათასობით მკითხველი იხილავს...
ლალი პაპასკირი
(გამოდის ორშაბათობით)
