ელ მაკფერსონი მილიარდერს მიჰყვება ცოლად
49 წლის ავსტრალიელი სუპერმოდელი დაინიშნა. მისი რჩეული 43 წლის მილიარდერი ჯეფრი სოფერია, რომელსაც ბოლო ორი წელი ხვდებოდა.
არადა, შარშან მარტში წყვილი თითქოს ერთმანეთს დაშორდა. სუპერმოდელ ელ მაკფერსონს, რომელსაც უბადლო ტანის გამო მოდის სამყაროში "სხეულს" უწოდებენ, მარტოობით არ უდარდია. რამდენიმე კვირაში ფინანსისტ როჯერ ჯენკინსთან ხედავდნენ.
შარშან ნოემბერში კი ჯეფრი სოფერი მოულოდნელად ავიაკატასტროფაში მოხვდა - ბაჰამის კუნძულებზე თავისი ვერტმფრენით მიფრინავდა. ამ კატასტროფის დროს მისი მეგობარი გარდაიცვალა, თვითონ კი გადარჩა. მაკფერსონმა მაიამის კლინიკაში ჩააკითხა ექსშეყვარებულს და მას მერე არც დაშორებია. ახლა კი დაინიშნენ და ქორწილსაც გეგმავენ. ელი სოფერთან ფლორიდაში აპირებს გადასვლას.
ელისთვის ეს მეორე ქორწინება იქნება. 1986 წელს ფრანგ ფოტოგრაფ ჟიდ ბენსომონს გაჰყვა ცოლად, რომელიც მასზე 20 წლით იყო უფროსი. წყვილი სამ წელიწადში გაშორდა. ამის მერე ელს ხანგრძლივი ურთიერთობები ჰქონდა შვეიცარიელ მილიონერ არპად ბუსონთან, რომელიც ამჟამად უმა თურმანთან ცხოვრობს და მსახიობმა მას ქალიშვილიც გაუჩინა. სუპერმოდელ მაკფერსონსა და არპადს კი 10-წლიანი ურთიერთობა აკავშირებდათ. წყვილი 2005 წელს დაშორდა ერთმანეთს. ელს არპადისგან ორი შვილი ეყოლა - 15 წლის არპადი და 10 წლის აურელიუსი.
რაც შეეხება მოდელის ახალ რჩეულს, ჯეფრი სოფერი მსხვილი აქციონერია, სასტუმროებისა და სავაჭრო ცენტრების ქსელების მფლობელი მაიამისა და ლას-ვეგასში. მისი კუთვნილებაა "ლუქს" კლასის სასტუმრო მაიამი-ბიჩზე The Fontainebleau Miami Beach.
Daily Mirror
(გამოდის ორშაბათობით)
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
