მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თიკო ნატროშვილი მეორე ბიჭის დედა ხდება
23:08 / 10-03-2013
მოდელი და ჟურნალისტი თიკო ნატროშვილი ორსულადაა, ორწლინახევრის მათეს მალე ძმას აჩუქებს. მართალია, მეორე ორსულობა მისთვის სიურპრიზი იყო, მაგრამ რეჟიმი და დღის განრიგი არ შეუცვლია, აქტიურად მუშაობს და ოჯახსაც თავად უვლის. მიუხედავად იმისა, რომ მისი მეუღლე, გაგა ხაბულიანი, ერთ-ერთი კერძო კომპანიის მთავარი მენეჯერია და დაკავებულია, როცა დრო აქვს, ცოლს ყველანაირ საქმიანობაში ეხმარება, შვილთან კი უკვე ძმაკაცობს კიდეც.
- გილოცავ ამ სასიამოვნო სიახლეს. როდის ელოდებით პატარას?
- თუ ექოსკოპისტებს დავუჯერებთ, აპრილის ბოლოს ან მაისის დასაწყისში უნდა დაიბადოს ჩვენი პატარა, უკვე მეშვიდე თვეში ვარ.
- სქესი იცი?
- კი, მეორეც ბიჭი მყავს, ორი ბიჭის დედა ვხდები, გმირი დედა ვარ (იღიმის). ეს ხუმრობით, გმირობამდე ბევრი მიკლია, ალბათ მესამეც უნდა გავაჩინო, გმირი რომ ვიყო.
- როგორც წესი, დედებს გოგო უნდათ ხოლმე, გული ხომ არ დაგწყდა, რომ მეორეც ბიჭია?
- არა. როცა პირველი ბიჭი გყავს, რასაკვირველია, გინდა, მეორე გოგო იყოს და პირიქით, მაგრამ ამ შემთხვევაში ჩემთვის სქესს მნიშვნელობა არ ჰქონდა, რადგან კიდევ ვაპირებ ბავშვის გაჩენას.
- რაც შეეხება სახელს, უკვე შერჩეული ხომ არ გაქვთ?
- არა, ფიქრის პროცესში ვართ, მაგრამ ამჯერად ამ საკითხში უპირატესობას ჩემს მეუღლეს მივანიჭებ და ბავშვისთვის ის შეარჩევს სახელს, რადგან პირველ შვილს ჩემი გადაწყვეტილებით დავარქვით მათე.
- როგორი ორსულობა გაქვს?
- როგორ წესი, ორსულობის პირველი ტრიმესტრი უფრო რთულია ხოლმე, მაგრამ ჩემთან ყველაფერი პირიქით მოხდა, ისე ჩაიარა პირველმა სამმა თვემ, რომ ვერაფერი გავიგე, მეტსაც გეტყვით, დაახლოებით თვე-ნახევრის ორსული ვიყავი, როცა აღმოვაჩინე, რომ პატარას ველოდებოდი, მეორე თვე-ნახევარიც ისე გავიდა, არაფერს შევუწუხებივარ, სამაგიეროდ, მეორე ტრიმესტრის დროს დამეწყო ტოქსიკოზი, თუმცა მაინც ფეხზე ვიდექი, ვმუშაობდი, ბავშვსაც ვუვლიდი და ქმარსაც, ანუ რეჟიმი არ შემიცვლია. ახლა კი უფრო კომფორტულად ვგრძნობ თავს, ხასიათი და ემოციებიც უფრო გამიწონასწორდა.
- თუ ყოფილა შემთხვევა, რომ ქმარი შუაღამისას მარკეტში რაიმე უცნაური პროდუქტის მოსატანად გაგიშვია?
- ორსულობის დროს შეიძლება, რაღაც ისეთი მოგინდეს, რასაც ცხოვრებაში არ შეჭამდი, მაგრამ ისეთი პრეტენზიულიც არ ვარ, რომ ღამით ქმარი რაიმე საჭმლის მოსატანად გავუშვა. ჩემი აზრით, ასეთი დამოკიდებულება გამართლებული არ არის. ფეხმძიმობისას იციან თქმა, ახლა ჩვენ ორნი ვართ და ორის მაგივრად უნდა ვჭამოთო, მაგრამ ესეც არასწორია. ცომეულს არ ვჭამ, გარდა მინერალურისა, ვერიდები ყველანაირ გაზიან სასმელს, ვცდილობ, არ მივიღო დიდი რაოდენობით ტკბილეული. მივირთვა ვიტამინებით სავსე ხილი და ბოსტნეული.
- მათეზე ორსულობისას რამდენი კილო მოიმატე?
- 22 კილო, მაგრამ ვიზუალურად არ მემჩნეოდა, ნორმალურად გამოვიყურებოდი, თუმცა მშობიარობიდან სამ თვეში იმაზე ნაკლები ვიყავი, ვიდრე გათხოვებამდე. ამ შემთხვევაში უკვე 15 კილო მოვიმატე, მაგრამ ვერავინ ამჩნევს, რომ ამდენი მაქვს მომატებული, რადგან ორსულობამდე ძალიან გამხდარი ვიყავი და ახლა თითქოს შევივსე.
- როგორც ვიცი, მათე მარტომ, დახმარების გარეშე გაზარდე...
- მართალია. წლამდე მათესთან მარტო ვიყავი და მე ვუვლიდი, პატარა ამ მხრივ დამეჩაგრება, რადგან სამსახურში მალევე მომიწევს გასვლა.
- შენი მეუღლე როგორ შეხვდა ორი ბიჭის მამობის ამბავს?
- რასაკვირველია, ძალიან გაუხარდა. თან, ჩემი მეუღლე სვანია, მოგეხსენებათ, სვანებს როგორი დამოკიდებულება აქვთ ბიჭების მიმართ, ჰოდა, გასაკვირიც არაა, ასე რომ გაუხარდა, თუმცა დარწმუნებული ვარ, ნებისმიერ შემთხვევაში იმავენაირად გაუხარდებოდა და გამოხატავდა თავის ემოციებს. ორი ბიჭის შემდეგ გოგოს აუცილებლად გავაჩენთ, ეს საკითხი დღის წესრიგში დგას (იცინის).
- მალე მშობიარობის დრო დადგება, აპირებს შენი მეუღლე, დაესწროს შვილის ამქვეყნად მოვლენას?
- იცი, რაშია საქმე? ამ თემაზე ასე ოფიციალურად არ ვსაუბრობთ, მათეს შემთხვევაში სულ ჩემ გვერდით იყო წინასამშობიარო ბლოკში, უშუალოდ მშობიარობას არ დასწრებია, მაგრამ მორალურ მხარდაჭერას გამოხატავდა და გვერდიდან არ მომშორებია, ეს იმ დროს მხნეობას გმატებს. ვიცი, მეორე მშობიარობის დროსაც ჩემ გვერდით იქნება და მხოლოდ გულშემატკივრის როლის მორგებით არ დაკმაყოფილდება, ფანჯარასთან რომ დაეყუდებიან და შამპანურის სმით რომ ირთობენ თავს, ასე არ მოიქცევა, ამ საკითხს უფრო სერიოზულად უდგება.
- საოჯახო საქმებში თუ გეხმარება?
- მე და ჩემი მეუღლე ბავშვთან ერთად მარტო ვცხოვრობთ, ერთმანეთის დახმარებისა და ხელშეწყობის გარეშე არაფერი გამოგვივიდოდა, ჭურჭელს ნამდვილად არ რეცხავს, მაგრამ განაწილებული გვაქვს საქმეები, რაც კაცის გასაკეთებელია, ჩემი მეუღლე აკეთებს და რაც ჩემს მოვალეობებში შედის, იმას მე ვუმკლავდები.
ციცი ომანიძე
(გამოდის ორშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
