ლაგოდეხის საკრებულოს თავმჯდომარეს კანონდარღვევაში ადანაშაულებენ
ლაგოდეხის მუნიციპალიტეტის საკრებულოს თავმჯდომარე დავით ბაკაშვილს კანონდარღვევაში ადანაშაულებენ. საქმე ეხება დავით ბაკაშვილის მიერ თანაშემწის თანამდებობაზე ვალერი კაპანაძის დანიშვნის ფაქტს. საკრებულოს სამანდატო საპროცედურო და ეთიკის საკითხთა კომისიის თავმჯდომარის, ინგა ნოზაძის განცხადებით, "საკარებულოს თავმჯდომარეს არ ჰქონდა უფლება თანაშემწე დაენიშნა, რადგან ამისთვის არც შტატი არსებობს და ბიუჯეტში არც სახელფასო სარგოა გათვალისწინებული". გარდა ამისა, ნოზაძის თქმით, "ახალი კადრის დანიშვნას ბიუროს სხდომის მოწვევა და შესაბამისი პროცედურების გავლა სჭირდება, რაც არ მომხდარა".
ლაგოდეხის მუნიციპალიტეტის საკრებულოს თავმჯდომარე დავით ბაკაშვილი ადასტურებს, რომ გადაწვტილება თანაშემწის დანიშვნასთან დაკავშირებით ერთპიროვნულად მიიღო, თუმცა მისი თქმით, მას კანონი არ დაურღვევია.
იმერეთის გუბერნატორის ხელფასი გაორმაგდა
ორი ობლისა და ორი ბებიას შემზარავი გასაჭირი გურიაში
