3
აპრილიდღის ზოგადი ასტროლოგიური პროგნოზი
ამერიკული აუქციონის სახლი - Moments In Time ჯგუფ The Beatles-ის მუსიკოსის ჯონ ლენონის მკვლელის, მარკ დევიდ ჩეპმენის წერილებს ყიდის. ჩეპმენი წერილებს ნიუ-იორკის პოლიციელს, სტივენ სპიროს დანაშაულის ჩადენის შემდეგ სწერდა. ლოტის ფასი 75 000 დოლარს შეადგენს.
ჩეპმენმა წერილები 1983 წელს, მას შემდეგ დაწერა, რაც დანაშული აღიარა და სამუდამო პატიმრობა მიუსაჯეს.
ერთ-ერთ ბოლო, 15 იანვრით დათარიღებულ წერილში, ჩეპმენი აცხადებს, რომ სპიროსთან მეგობრობა სურს და პოლიციელს ჯერომ სელინჯერის "თამაში ჭვავის ყანაშის" მოძებნას სთხოვს, რომელიც მას დაპატიმრების დროს თან ჰქონდა. "თამაში ჭვავის ყანაში" წაკითხული გაქვთ? მინდა, რომ ეს რომანი წაიკითხოთ და მითხრათ, რას ფიქრობთ მასზე. როგორც გახსოვთ, წიგნში, რომელიც მე წამართვეს, მივაწერე: "ეს ჩემი მანიფესტია", - ნათქვამია წერილში.
სპიროს თქმით, იგი ჩეპმენის წერილებს მის მიერ ჩადენილი მკვლელობის მოტივების გახსნის იმედით პასუხობდა. მაგრამ შემდეგ წერილები შეწყდა: სავარაუდოდ, ჩეპმენს ურჩიეს, პოლიციაში აღარ მიეწერა.
პოლიციელმა წერილების გაყიდვა უსახსრობის გამო გადაწყვიტა. გარდა ამისა, მისი თქმით, მან მათი გასაჯაროება გადაწყვიტა, რადგან ისინი ისტორიის ნაწილია.
ჩეპმენმა ჯონ ლენონს 1980 წლის 8 დეკემბერს ნიუ-იორკში, მუსიკოსის სახლთან ესროლა. იმავე დღეს ლენონმა თავის მკვლელს ავტოგრაფი მისცა. ლენონი საავადმყოფოში გადაიყვანეს, მაგრამ იგი სისხლის დაკარგვის შედეგად გარდაიცვალა.
მკვლელობის დროს ჩეპმენი 25 წლის იყო და ფსიქიკური პრობლემები ჰქონდა.
მომზადებულია newsru.com-ის მიხედვით.
