მნიშვნელოვანი ინფორმაცია
14
აპრილიდღის ზოგადი ასტროლოგიური პროგნოზი
ორშაბათი, მთვარის მეჩვიდმეტე დღე დაიწყება 22:48-ზე, მთვარე მორიელშია
კარგი დღეა ფინანსური საკითხების მოსაგვარებლად, ახალი საქმეების დასაწყებად. ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გიორგი იაშვილს საჩხერეში დიდი მუსიკალური გეგმები აქვს
00:51 / 31-01-2013
ცნობილმა ქართველმა მევიოლინემ, გიორგი (გია) იაშვილმა, რომელიც მიუნჰენში ცხოვრობს და მოღვაწეობს, 20 იანვარს კონსერვატორიაში კონცერტი გამართა.
საღამოს უძღვებოდა ოპერის სიმფონიური ორკესტრი დირიჟორი ჯანლუკა მარჩიანოს დირიჟორობით, რომელმაც პირველ განყოფილებაში შუბერტის "დაუმთვარებელი" სიმფონია" დაუკრა. მეორე განყოფილება კი მთლიანად ქართველ მევიოლინეს დაეთმო.
დიდი ოჯახის, ლუარსაბ (ბუჭუკა) იაშვილის შვილიშვილმა და ნანა იაშვილის ვაჟმა, გიამაც ვიოლინოს მიუძღვნა თავისი ცხოვრება.
33 წელი მის ცხოვრებაში იმ გარდამტეხ მომენტად იქცა, როდესაც ავსტრიაში და გერმანიაში გაზრდილ მუსიკოსს საქართველოსთან უფრო მჭიდრო კავშირის სურვილი გაუჩინა და ეს კონცერტი გიას დიდ სამომავლო გეგმებს უკავშირდება.
ბავშვობაში, ბაბუამ ერთი წელი საჩხერის სკოლაში მიაბარა, ამიტომ დღეს გიას გული იქითკენ მიუწევს. მას უნდა, რომ იმერეთის მუსიკალური ცხოვრება გამოაცოცხლოს. ის ქართული "მუსიკალური სეზონის" დაარსებას აპირებს, რაც წლის განმავლობაში, თვეში ერთი გალა კონცერტის გამართვას გულისხმობს, რომელშიც მონაწილეობას მსოფლიოში განთქმული მუსიკოსები მიიღებენ. ესენი არიან: ამერიკელი მევიოლინე ჯოშუა ბელი, (რომელთანაც შეთანხმება უკვე მიღწეულია) არგენტინელი პიანისტი მარტა არგერიხი, ამერიკელი დირიჟორი ლორინ მააზელი და სხვები.
სეზონის კონცერტების პარალელურად მას სურს მასტერკლასები და გასვლითი მუსიკალური საღამოები თავად გამართოს საჩხერეში, სადაც მას არა მარტო ნათესავები და მეგობრები, არამედ წინაპრების დიდი თაყვანისმემლებიც ეგულება. შემთხვევითი არ არის, რომ თავისი "ფეისბუქის" გვერდზე მას საკუთარი სოფლის, არგვეთის სახლი აქვს ქავერად შერჩეული. მისი ხელოვნების ფონდის სახელიც ხომ "არგვეთია".
მისი პირველი კონცერტი თბილისში ნამდვილად მოვლენად იქცა. გემოვნებით შერჩეული პროგრამა, შესრულების დახვეწილი მანერა. მშვიდი, მაგრამ სიღრმისეული ბგერით მან მსმენელი ნამდვილად დაიპყრო.
მოცარტის კონცერტი( A დურ) # 5, კამილ სენ-სანსის ინტროდუქცია და რონდო- კაპრიჩიოზო - ორი სხვადასხვა ჟანრის და ეპოქის ნაწარმოები მან თავის, იაშვილისეულ სტილს დაუქვემდებარა.
დღეს გია წარმატებით გამოდის მსოფლიოს სხვადასხვა სცენებზე. იგი არის კამერული ანსამბლის "Soloiste de art" -ის დამაარსებელი და ხელმძღვანელი. ეს ორკესტრი, რომელშიც გაერთიანდნენ ზუბინ მეტას და ლორინ მააზელის ორკესტრების წამყვანი ახალგაზრდა მუსიკოსები, ევროპაში ერთ-ერთი საუკეთესო კოლექტივია.
ის დღეს ავსტრიის და საქართველოს მოქალაქეა. ჯვარი კახეთის სოფელ ვეჯინში დაიწერა, მისი ნახევრად ფრანგი და ნახევრად იაპონელი საცოლე მართლმადიდებლად მოინათლა. შემდეგ იყო ხელისმოწერა პარიზში და ტრადიციული ქორწილი იაპონიაში.
ნარგიზა გარდაფხაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
