საფრანგეთი გაკოტრების ზღვარზე დგას

საფრანგეთის შრომის მინისტრის, მიშელ საპანის განცხადებით, ქვეყანა გაკოტრების ზღვარზე დგას. ამის შესახებ ბრიტანული გამოცემა "ტელეგრაფი" იუწყება.

მინისტრის თქმით, სიტუაციიდან თავის დაღწევის ერთადერთი გზა მკაცრი ეკონომიკური რეფორმების გატარება და საბიუჯეტო დეფიციტის შემცირების გეგმის შესრულებაა.

"ტელეგრაფის" ინფორმაციით კი, შრომის მინისტრის ეს განცხადება საფრანგეთის პრეზიდენტის, ფრანსუა ოლანდის მიერ ქვეყნის ეკონომიკის იმიჯის გაუმჯობესების ინიციატივას მოჰყვა. პრეზიდენტის ინიციატივა შემდეგი 5 წლის განმავლობაში ხარჯების 60 მილიარდით შემცირებას და გადასახადების 20 მილიარდით გაზრდას ითვალისწინებს.

მომზადებულია Telegraph.co.uk-ის მიხედვით.