5
აპრილიდღის ზოგადი ასტროლოგიური პროგნოზი
მისმა უწმინდესობამ უდიდესი როლი შეასრულა, რათა ქართველ ერს გზა არ დაბნეოდა და მას სწორი გზა მისცა, - ამის შესახებ საქართველოს პრემიერ-მინისტრმა ბიძინა ივანიშვილმა სამების საკათედრო ტაძარში სიტყვით გამოსვლისას განაცხადა.
მისი თქმით, ქრისტიანობა ქართველებისთვის არ არის მარტო რწმენა, არამედ ქრისტიანობა საქართველოს კულტურის უდიდესი ნაწილია, "პატრიარქმა კი უდიდესი როლი ითამაშა საქართველოს ისტორიაში".
"ჩემო საყვარელო ხალხო. ჩვენ დღეს გულწრფელად ვზეიმობთ ჩვენი უსაყვარლესი პატრიარქის, მისი უწმინდესობის დაბადებიდან 80 წლისთავს და აღსაყდრებიდან 35 წლისთავს. მაშინ, როდესაც ქრისტიანულ სამყაროსა და განსაკუთრებით საქართველოში ათეიზმი და ქრისტიანობის წინააღმდეგ ძალები მძლავრობდნენ, მისმა უწმინდესობამ უდიდესი როლი შეასრულა იმისათვის, რომ ქართველ ერს გზა არ დაბნეოდა და მას სწორი გზა მისცა. უახლოეს წლებსაც თუ გავიხსენებთ, როდესაც ისევ გაურკვეველი ძალები მძლავრობდნენ და უტევდნენ ჩვენს ტრადიციებს, უტევდნენ ქრისტიანობას, ისევ მისმა უწმინდესობამ, ჩვენმა პატრიარქმა სწორი გზა უჩვენა ჩვენს ერს. ჩვენ ბედნიერი ერი ვართ, რომ გვყავს ასეთი სულიერი მამა, მისი უწმინდესობა, ჩვენი საყვარელი პატრიარქი ილია მეორე. მივულოცოთ მას და ვუსურვოთ დიდხანს ჯანმრთელობა და სიცოცხლე ჩვენი ერის საკეთილდღეოდ", - აღნიშნა ივანიშვილმა.
მან მადლობა გადაუხადა მის უწმიდესობას, მსოფლიო პატრიარქს, რომელმაც ივანიშვილის თქმით, პატივი დასდო საქართველოს პატრიარქს და დაბადებიდან 80, აყსაყდრებიდან კი 35 წლისთავი მიულოცა.
"დღეს ვზეიმობთ ჩვენ ჭეშმარიტად. ჭეშმარიტად დღეს ზეიმობს მთელი მსოფლიოს მართლმადიდებული ქრისტიანობა. დღეს პრაქტიკულად ყველა მართლმადიდებელი ეკლესიის წარმომადგენელი ულოცავს ჩვენს საყვარელ პატრიარქს, მის უწმინდესობას დაბადებიდან 80 და აყსაყდრებიდან 35 წლისთავს", - განაცხადა პრემიერმა, რომელმაც ყველა სტუმარს დიდი მადლობა გადაუხადა იმისთვის, რომ ილია მეორეს ასეთი პატივი დასდეს.
