3
აპრილიდღის ზოგადი ასტროლოგიური პროგნოზი
ბელგიის საგარეო საქმეთა სამინისტრო ზურაბ ადეიშვილის შესახებ არანაირ ინფორმაციას არ ფლობს, - ამის შესახებ "ინტერპრესნიუსს" ბელგიის საგარეო უწყებაში, სატელეფონო საუბრისას განუცხადეს.
ბელგიის საგარეო უწყებას არ აქვს ინფორმაცია, იმყოფება თუ არა საქართველოს იუსტიციის ყოფილი მინისტრი ზურაბ ადეიშვილი ბელგიაში ან მიმართა თუ არა მან პოლიტიკური თავშესაფრის მოთხოვნით ბელგიის ხელისუფლებას.
გარდა ამისა, ოფისი, რომელსაც უცხო ქვეყნის მოქალაქემ პოლიტიკური თავშესაფრის თხოვნით უნდა მიმართოს, ბელგიის შინაგან საქმეთა სამინისტროში მოქმედებს.
"ინტერპრესნიუსი" ბელგიის შსს-საც დაუკავშირდა, სადაც განაცხადეს, რომ ინფორმაციას ასეთ საკითხებზე წერილობითი მოთხოვნის შემთხვევაში გასცემენ.
5 იანვარს სოციალური ქსელით გავრცელდა ინფორმაცია, რომ ზურაბ ადეიშვილი ბელგიაში იმყოფება და მან ადგილობრივ ხელისუფლებას თავშესაფრის თხოვნით მიმართა. თუმცა, ამის შესახებ ზურაბ ადეიშვილის ადვოკატ გოჩა სვანიძეს ინფორმაცია არ აქვს. აღნიშნულთან დაკავშირებით "ინტერპრესნიუსი" "ნაციონალური მოძრაობის" წევრებსაც დაუკავშირდა, თუმცა გავრცელებული ინფორმაციის საქმის კურსში არც ისინი არიან.
ადეიშვილს თბილისის საქალაქო სასამართლომ 5 იანვარს დაუსწრებლად წინასწარი პატიმრობა შეუფარდა.
