4
მაისიდღის ზოგადი ასტროლოგიური პროგნოზი
საქართველოში საწვავის იმპორტი გაიზარდა. ნავთობპროდუქტების იმპორტიორთა კავშირის ინფორმაციით, "2012 წლის პირველი ათი თვის განმავლობაში საქართველოში საწვავის იმპორტმა შეადგინა 692,6 ათასი ტონა, რაც 24 000 ტონით აღემატება 2011 წლის ანალოგიური პერიოდის მაჩვენებელს. მათ შორის აღნიშნულ პერიოდში იმპორტირებულია 316,1 ათასი ტონა ბენზინი და 376,5 ათასი ტონა დიზელის საწვავი. ასევე აღსანიშნავია მიმდინარე წლის 10 თვის განმავლობაში საწვავის იმპორტი კატეგორიების მიხედვით. კერძოდ, ბენზინის იმპორტის მთლიან სტრუქტურაში რეგულარის ტიპის ბენზინის იმპორტმა 70% შეადგინა, პრემიუმის - 27%, სუპერის - 3%. რაც შეეხება დიზელის საწვავის მთლიან სტრუქტურას, ევრო დიზელის იმპორტმა 30% შეადგინა, ხოლო L-62 მარკის დიზელის საწვავმა - 70%.
ქვეყნების მიხედვით ბენზინისა და დიზელის საწვავის იმპორტის ყველაზე დიდი მოცულობა განხორციელდა აზერბაიჯანიდან - 266,9 ათასი ტონა, საიდანაც იმპორტირებულია მხოლოდ რეგულარის ტიპის ბენზინი და L-62 დიზელის საწვავი. სხვა ქვეყნებიდან ბენზინისა და დიზელის საწვავის იმპორტი შემდეგნაირად გადანაწილდა: რუმინეთი - 186,3 ათასი ტონა, ბულგარეთი - 147,0 ათასი ტონა, რუსეთი - 53,6 ათასი ტონა, იტალია - 23,6 ათასი ტონა, საბერძნეთი - 13, 0 ათასი ტონა. აღსანიშნავია, რომ მიმდინარე წელს საწვავის ფასები მაღალ ნიშნულზე იდგა და გარკვეული პერიოდის განმავლობაში რეკორდულად ყველაზე მაღალი ფასებიც კი ფიქსირდებოდა. აქვე უნდა აღინიშნოს, რომ ბოლო პერიოდში ბენზინის მომხმარებელი მისი მაღალი ფასის გამო აქტიურად გადადის საწვავის ალტერნატიულ წყაროზე - ავტოგაზზე, რომლის ღირებულება ბენზინთან შედარებით საკმაოდ სტაბილური და მცირეა (1,10 ლარი/კუბამეტრზე), მაგრამ მიუხედავად ამისა, საწვავის მოხმარება, არა თუ შემცირდა, პირიქით, გაიზარდა კიდეც", - ნათქვამია ნავთობპროდუქტების იმპორტიორთა კავშირის განცხადებაში.
რა? სად? რა ფასად?
გაიგეთ "რადიო მარკეტში"
ყოველ სამუშაო დღეს 10:50 და 11:50 საათზე
რადიო "პალიტრის" ეთერში - FM 103.9
