70 წლის შემდეგ "კასაბლანკა" ბრუნდება
40-იანი წლების ჰოლივუდის ყველაზე ცნობილი შავ-თეთრი ფილმი "კასაბლანკა" შესაძლოა გაგრძელდეს. სტუდია Warner Brothers-ის ერთ-ერთი დამაარსებლის, ჯეკ უორნერის შვილიშვილმა განაცხადა, რომ ლეგენდარული სურათის გაგრძელების გადაღებას აპირებს. ამის შესახებ New York Post-ი წერს.
როგორც ჩანს, დრომ ოჯახურ კინოტრადიციებს ბოლო ვერც ჰოლივუდში მოუღო. 70 წლის შემდეგ კესი, ჯეკ უორნერის შვილიშვილი ფილმს 30 წლის წინანდელი სცენარის მიხედვით გააგრძელებს. ამ სცენარის შექმნაში თავად ჰოვარდ კოჰი, "კასაბლანკას" თავდაპირველი ავტორი იღებდა მონაწილეობას.
შავ-თეთრი ფილმი, რომელშიც მთავარ როლებს ჰამფრი ბოგარტი და ინგრიდ ბერგმანი ასრულებდნენ, ამერიკულ ეკრანებზე 1942 წელს გამოჩნდა და ნამდვილი ფურორი მოახდინა. მაყურებლები რამდენიმე სეანსს ესწრებოდნენ. მთელი ამერიკა "კასაბლანკას" მთავარი პერსონაჟების, რიჩარდ ბლეინის და ილზა ლუნდის სიყვარულის ისტორიამ მოიცვა.
1943 წელს "კასაბლანკა" ამერიკული კინოაკადემიის უმაღლესი ჯილდოს, "ოსკარის" მფლობელი გახდა.
მომზადებულია New York Post-ის მიხედვით.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
