3
აპრილიდღის ზოგადი ასტროლოგიური პროგნოზი
ენერგეტიკის სფეროში დავით მირცხულავას გამოცდილების გამოუყენებლობა უბრალოდ დიდი დანაშაული იქნება , - ამის შესახებ ჟურნალისტებს სასჯელაღსრულების, პრობაციისა და იურიდიულ საკითხთა მინისტრობის კანდიდატმა სოზარ სუბარმა განუცხადა.
"ჯერჯერობით ლაპარაკი არ არის, რასთან დაკავშირებით მიმდინარეობს კონსულტაციები. გამოჩნდება მაშინ, როდესაც დამთავრდება ეს კონსულტაციები. რაც შეეხება დავით მირცხულავას, მას ძალიან დიდი გამოცდილება აქვს ენერგეტიკის სფეროში", - აღნიშნა სუბარმა.
მისივე თქმით, "ქართული ოცნების" ამჟამად იმყოფება დიდი ჯგუფი, რომელიც მსჯელობს, თუ რა უნდა შეიცვალოს ეკონომიკური მიმართულების სამინისტროებში და არა იმაზე, თუ კონკრეტულად ვინ სად უნდა დაინიშნოს.
დაახლოებით 19:00 საათისთვის "ქართული ოცნების" ცენტრალურ ოფისში "ახალი მემარჯვენეების" ყოფილი წევრი და ბიზნესმენი ირაკლი იაშვილი და საქართველოს ენერგეტიკის ყოფილი მინისტრი დავით მირცხულავა მივიდნენ. ისინი ამ დრომდე "ქართული ოცნების" ოფისში რჩებიან. თუ ვისთან მართავენ ისინი მოლაპარაკებას და არიან თუ არა მინისტრობის კანდიდატები, ამასთან დაკავშირებით სოზარ სუბარი აცხადებს, რომ ჯერჯერობით მსგავსი არაფერია.
