მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რატომ იმუქრება წკრიალაშვილი ჰარაკირით?
23:18 / 21-09-2012
ქუთაისში "ერთიანი ნაციონალური მოძრაობის" ყრილობაზე გამოსვლისას პრეზიდენტმა განაცხადა, "ქართული ოცნება" ქუთაისში ახალაშენებული პარლამენტის საკონცერტო დარბაზად გადაკეთებას გეგმავსო. მერე იქვე 17 წლის ბიჭის მუსიკალური ნიჭი დაიწუნა, თუმცა რა პასუხი მიიღო იმ 17 წლის ბიჭისგან, იცით უკვე, ამიტომ ამაზე აღარ შევჩერდები. საქმე ის არის, რომ ეს განცხადება სწორედ მაშინ გამახსენდა, პოლიციის ბრჭყვიალ-ბდღვრიალა შენობაში მოცეკვავე სუხიშვილები რომ დავინახე, ვიფიქრე, ეტყობა, ნატვრა ამიხდა, არჩევნებამდე ლეთარგია დამემართა, არჩევნები უკვე ჩავლილია, "ქართული ოცნება" ხელისუფლებაშია, ჰოდა, ქუთაისის პარლამენტის გარდა, ნაციონალური სიამაყე პოლიციის შენობაც საკონცერტო დარბაზად გადაუკეთებიათ-მეთქი.
ხუმრობა იქით იყოს, ნაციონალური არხებით ყოველ წუთს რომ კლიპი გადის სუხიშვილების მონაწილეობით, იმ კლიპს კარგა ხანს დაბნეული შევჩერებოდი. აშკარაა, ეს "ნაციონალური" აღმშენებლობის საჩვენებლად წინსაარჩევნოდ გადაღებული კლიპ-ხრიკია _ თან "ნაციონალური მოძრაობის" რეკლამაა, თან არ არის ასე, კადრებში თბილისში მშენებარე იუსტიციის სახლიც ჩანს, რომლის მშენებლობაც ჯერ არ დასრულებულა და რაც კადრში ჩანს, უბრალოდ, ბუტაფორიაა, მაგრამ ჩვენს ხელისუფლებას ეგეთი ბუტაფორია განა ცოტა შემოუჩეჩებია ჩვენთვის. "თავისუფლების დაუმარცხებელი ენერგია", ეს წარწერა კლიპის ბოლოს ჩნდება კადრში. თუმცა თავისუფლების სიმბოლოდ პოლიციის წარმოდგენა, რა ვიცი, ახლა "შავი გაგების" მიმდევრობა არავინ დამაბრალოს, მოკლედ, გაუმარჯოს ქართულ პოლიციას, ყველაზე თავისუფალ, დაუმარცხებელ და ბრჭყვიალა პოლიციას მსოფლიოში!
გავრცელებული ინფორმაციით, "ლეიბორისტების" აწ უკვე ყოფილმა ორმა წევრმა "ქართული ოცნების" სასარგებლოდ კანდიდატურები მოხსნა. მოკლედ, აქამდე ლეიბორისტებიდან ხალხი "ნაცმოძრაობაში" გარბოდა, ახალა უკვე "ქართულ ოცნებაში" გარბის. ეს ტენდენცია მაინცდამაინც არ უნდა უხაროდეს ხელისუფლებას. გახარებული ვერც შალვა ნათელაშვილი იქნება, შეაკოწიწებს ხოლმე ეს კაცი ყველაზე ეროვნულ, ყველაზე ბრძოლისუნარიან, მოკლედ ყველაზე, ყველაზე გუნდს, მაგრამ რად გინდა, ზოგიერთს მაშინვე "ლეიბორისტული პარტიის იდეოლოგიასთან პრინციპული შეუთავსებლობის განცდა უჩნდება".
ნინა წკრიალაშვილმა, რომელიც, როგორც იცით, სახელმწიფო ჩინოსანია, განაცხადა: "სახელმწიფო სამსახურში რომც არ ვიყო, მაინც "ნაციონალებს" დავუჭერდი მხარს, ბრმა უნდა იყო, ვერ დაინახო, რა გაკეთდა და კეთდება, ქვეყანა აშენდა ბოლო წლების განმავლობაში და ზოგი სახლის აშენებას ვერ ამთავრებს ამ დროში. როგორც მოქალაქე, მომღერალი და ამომრჩეველი ღიად გამოვხატავ ჩემს სიმპათიას. თუკი ეს ძალა არ გაიმარჯვებს, ამ ქვეყანაში ცხოვრება აღარ მინდა. არც ის მინდა, რომ აქ ჩემმა შვილმა იცხოვროს. არ მინდა, სიბნელეში ვიყო, თუმცა აქ უშუქობას არ ვგულისხმობ. ამას ვერ გადავიტან და თავს მოვიკლავ!"
მოკლედ, ჰარაკირით იმუქრება წკრიალაშვილი, რა იცი, რა ხდება, ჰოდა, ვიდრე მართლა დაუპირებია რამე, ამღერეთ რა ეს გოგო პოლიციის საკონცერტო დარბაზში, ამას სუხიშვილებზე მეტად წკრიალაშვილი იმსახურებს, მერე ნახეთ იმ შემინული შენობის ზრიალ-წკრიალი.
ნათია დოლიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
