14-დან 30 სექ­ტემ­ბრამ­დე თბი­ლი­სი სა­ერ­თა­შო­რი­სო თე­ატ­რა­ლურ ფეს­ტი­ვალს უმას­პინ­ძლებს, რომ­ლის ფარ­გლებ­შიც ქარ­თუ­ლი და უცხო­უ­რი სპექ­ტაკ­ლე­ბის ჩვე­ნე­ბის გარ­და, გა­მო­ფე­ნე­ბი, პრე­ზენ­ტა­ცი­ე­ბი და სე­მი­ნა­რე­ბი გა­ი­მარ­თე­ბა. მას­პინ­ძლე­ბი რუს­თა­ვე­ლის, მარ­ჯა­ნიშ­ვი­ლის, მუ­სი­კი­სა და დრა­მის, თა­ვი­სუ­ფა­ლი და გრი­ბო­ე­დო­ვის თე­ატ­რე­ბი არი­ან. ასე­ვე, სა­ქარ­თვე­ლოს ეროვ­ნუ­ლი მუ­სი­კა­ლუ­რი ცენ­ტრი და კულ­ტუ­რის ცენ­ტრი - "თბი­ლი­სი არტ ჰოლი". ფეს­ტი­ვალ­ში ბევ­რი ქარ­თუ­ლი თე­ატ­რი და მსოფ­ლი­ოს სხვა­დას­ხვა კუ­თხი­დან ჩა­მო­სუ­ლი დასი მო­ნა­წი­ლე­ობს. მათ შო­რის - რუ­სე­თი, საფ­რან­გე­თი, გერ­მა­ნია, ის­რა­ე­ლი, ჩი­ნე­თი და ა.შ.

ავთო ვარ­სი­მაშ­ვი­ლი, თა­ვი­სუ­ფა­ლი და გრი­ბო­ე­დო­ვის თე­ატ­რე­ბის მმარ­თვე­ლი, სამ­ხატ­ვრო ხელ­მძღვა­ნე­ლი:

- ფეს­ტი­ვა­ლი, რო­გორც იცით, ზე­იმს ნიშ­ნავს და რო­დე­საც რა­ი­მე ზე­ი­მია, მით უმე­ტეს - თე­ატ­რა­ლუ­რი, ეს სა­სი­ხა­რუ­ლო და მი­სა­სალ­მე­ბე­ლია. ქვე­ყა­ნა, რო­მელ­საც სა­ერ­თა­შო­რი­სო თე­ატ­რა­ლუ­რი ფეს­ტი­ვა­ლი აქვს, უკვე პროგ­რე­სუ­ლად მო­აზ­როვ­ნედ და დე­მოკ­რა­ტი­უ­ლად ით­ვლე­ბა. რო­გორც პრო­ფე­სი­ო­ნა­ლებს, გვჭირ­დე­ბა იმის ნახ­ვა, თუ რა სი­ახ­ლე­ე­ბია თე­ატ­რა­ლურ პრო­ცე­სებ­ში, ასე­ვე სჭირ­დე­ბა მა­ყუ­რე­ბელ­საც. მსგავ­სი ფეს­ტი­ვა­ლი გვეხ­მა­რე­ბა, რომ უფრო აქ­ტი­უ­რად ვი­მუ­შა­ოთ, აქ­ტი­უ­რად ვე­ძე­ბოთ ახა­ლი ფორ­მე­ბი და მა­ყუ­რე­ბე­ლი აღარ მოგ­ვცემს იმის სა­შუ­ა­ლე­ბას, რომ მოვ­დუნ­დეთ. ეს ფეს­ტი­ვა­ლი ჩვე­ნი თე­ატ­რის­თვის რამ­დე­ნი­მე თვალ­საზ­რი­სი­თაა მნიშ­ვნე­ლო­ვა­ნი. პირ­ველ რიგ­ში, უცხო­ელ კო­ლე­გებს ვხვდე­ბით, ერ­თმა­ნეთს გა­მოც­დი­ლე­ბას ვუ­ზი­ა­რებთ. ფეს­ტი­ვა­ლის ჩარ­ჩო­ებ­ში კი ე.წ. ქარ­თუ­ლი ბა­ზა­რი ტარ­დე­ბა, სა­დაც მხო­ლოდ ქარ­თუ­ლი პრო­დუქ­ცი­აა წარ­მოდ­გე­ნი­ლი, რო­მელ­საც უცხო­ე­ლი პრო­დი­უ­სე­რე­ბი უყუ­რე­ბენ და შემ­დეგ ხდე­ბა გას­ტრო­ლებ­ზე, სხვა­დას­ხვა ფეს­ტი­ვალ­ზე მიწ­ვე­ვა, რაც თა­ვის­თა­ვად, მნიშ­ვნე­ლო­ვა­ნია.

- ვინ წარ­დგე­ბა ჩვე­ნი თე­ატ­რე­ბის სცე­ნა­ზე?

- რამ­დე­ნი­მე ფეს­ტი­ვა­ლის დი­რექ­ტორს ვე­ლო­დე­ბით, რომ­ლე­ბიც სპე­ცი­ა­ლუ­რად ჩა­მო­დი­ან, რომ შემ­დეგ ხელ­შეკ­რუ­ლე­ბებს მო­ვა­წე­როთ ხელი. რამ­დე­ნი­მე სა­ინ­ტე­რე­სო კო­ლექ­ტი­ვი გა­მო­დის და გვი­ხა­რია, რომ მას­პინ­ძლო­ბას გა­ვუ­წევთ. თა­ვი­სუ­ფალ თე­ატ­რში იქ­ნე­ბი­ან ინ­გლი­სე­ლე­ბი, მოლ­და­ვე­ლე­ბი და ირა­ნე­ლე­ბი, ხოლო გრი­ბო­ე­დოვ­ში - პო­ლო­ნე­ლე­ბი, ჩი­ნე­ლე­ბი, რუ­მი­ნე­ლე­ბი და სხვე­ბი, ძა­ლი­ან სა­ინ­ტე­რე­სო სპექ­ტაკ­ლე­ბით. და­მე­გობ­რე­ბა თე­ატ­რებ­საც გვჭირ­დე­ბა, ხალ­ხუ­რი დიპ­ლო­მა­ტია ყო­ველ­თვის ყვე­ლა­ზე სწო­რია. ფეს­ტი­ვალ­ზე თა­ვი­სუ­ფა­ლი თე­ატ­რი ორ სპექ­ტაკლს წა­რად­გენს - "მე­ქა­ნი­კუ­რი ფორ­თო­ხა­ლი" და "სა­ძაღ­ლე", რო­მე­ლიც ვანო ხუ­ციშ­ვილ­მა, ჩემ­მა მო­წა­ფემ დად­გა. გრი­ბო­ე­დო­ვის თე­ატ­რი კი - "ცხე­ნის ის­ტო­რი­ას", ესეც წინა სე­ზო­ნის ბოლო პრე­მი­ე­რა გახ­ლდათ. ბევრ მა­ყუ­რე­ბელს ვე­ლით.

- შარ­შან­დე­ლი ფეს­ტი­ვა­ლის შემ­დეგ რო­მე­ლი­მე ქვეყ­ნის­გან მიწ­ვე­ვა თუ მი­ი­ღეთ? და­მე­გობ­რდით?

- მთა­ვა­რია, კონ­ტაქ­ტი დამ­ყარ­დეს. მარ­თლაც ბევ­რი მიწ­ვე­ვა გვაქვს ყო­ველ­თვის და იმე­დი მაქვს, ასეც გაგ­რძელ­დე­ბა, ჩვე­ნი მთა­ვა­რი პრობ­ლე­მა ფი­ნან­სე­ბის მო­ძი­ე­ბაა ხოლ­მე, რად­გან წას­ვლა ძვი­რი ჯდე­ბა. კარ­გი წე­ლი­წა­დი გვაქვს, ჯერ თურ­ქეთ­ში ვი­ყა­ვით ფეს­ტი­ვალ­ზე, შემ­დეგ ფი­ნეთ­ში - იმატ­რას ფეს­ტი­ვალ­ზე "თეთ­რი და შავი", რო­მე­ლიც ძა­ლი­ან ცნო­ბი­ლი და სა­ინ­ტე­რე­სოა. თბი­ლი­სის ფეს­ტი­ვა­ლის დას­რუ­ლე­ბის­თა­ნა­ვე კი უკ­რა­ი­ნა­ში მი­ვემ­გზავ­რე­ბით, სა­დაც ჯერ ლვო­ვის ფეს­ტი­ვალ­ზე გა­მო­ვალთ. თა­ვის დრო­ზე იქ "კო­მე­დი­ან­ტე­ბით" გრან-პრი ავი­ღეთ, მა­ნამ­დე კი "ჰამ­ლე­ტით" პრი­ზე­ბი სა­უ­კე­თე­სო რე­ჟი­სუ­რი­სა და მა­მა­კა­ცის რო­ლის შეს­რუ­ლე­ბის­თვის. ამი­ტომ დიდი სი­ხა­რუ­ლით გვე­ლო­დე­ბი­ან. კი­ევ­ში "მიყ­ვარ­ხარ, მიყ­ვარ­ხარ, მიყ­ვარ­ხარ­საც" ვუჩ­ვე­ნებთ. რეკ­ლა­მე­ბი და ბა­ნე­რე­ბი, რომ ჩვენ ჩავ­დი­ვართ, უკვე მთელ ქა­ლაქ­შია გა­მო­ფე­ნი­ლი, რაც სა­ქარ­თვე­ლოს სა­ელ­ჩო­სა და ბა­ტო­ნი გრი­გოლ ქა­თა­მა­ძის დამ­სა­ხუ­რე­ბაა.

- სე­ზო­ნი რა სპექ­ტაკ­ლით გა­იხ­სნე­ბა და წლის ბო­ლომ­დე რა სი­ახ­ლეს შეს­თა­ვა­ზებთ მა­ყუ­რე­ბელს?

- პრე­მი­ე­რა შედ­გე­ბა - "წვი­მის გამ­ყიდ­ვე­ლი", რო­მელ­საც ნუგ­ზარ ლორ­თქი­ფა­ნი­ძე დგამს. იგი წლე­ბის მან­ძილ­ზე მოლ­და­ვეთ­ში მუ­შა­ობ­და და თა­ნა­მედ­რო­ვე მოლ­და­ვუ­რი თე­ატ­რის წარ­მა­ტე­ბა, თუ ისი­ნი დღეს რა­მეს წარ­მო­ად­გე­ნე­ნენ, მისი დამ­სა­ხუ­რე­ბაა. ბა­ტო­ნი ნუგ­ზა­რის პა­ტივ­სა­ცე­მად, სე­ზონს მი­სი­ვე სპექ­ტაკ­ლით გავ­ხსნით.

- ახა­ლი ფილ­მის გა­და­ღე­ბა­საც ხომ არ გეგ­მავთ?

- მო­გეხ­სე­ნე­ბათ, ჩვენს კი­ნოპ­რო­ექ­ტებს გან­ვი­ხი­ლავთ, რო­გორც თე­ატ­რა­ლურ პრო­ექ­ტებს ეკ­რან­ზე. მალე და­ვას­რუ­ლებთ მუ­შა­ო­ბას ფილმზე, რომ­ლის გა­და­ღე­ბე­ბიც უკვე მიმ­დი­ნა­რე­ობს - "სახ­ლი, რო­მე­ლიც ფან­ჯრი­დან გა­ი­პა­რა - ანუ უფრო დიდი იდი­ო­ტოკ­რა­ტია". ამის შემ­დეგ და­ვუბ­რუნ­დე­ბით სცე­ნას და დავ­დგამ - "ვალ­სი ძი­ლის წინ". ჩემი პი­ე­საა და ვფიქ­რობ, მა­ყუ­რებ­ლის­თვის სა­სი­ა­მოვ­ნო მო­უ­ლოდ­ნე­ლო­ბა იქ­ნე­ბა, თუნ­დაც იმი­ტომ, რომ მას­ში ჩვე­ნი თე­ატ­რის ყვე­ლა ქალ მსა­ხი­ობს ნა­ხა­ვენ. ქა­ლუ­რი სპექ­ტაკ­ლია, რომ­ლის დად­გმა­ზეც მთე­ლი ცხოვ­რე­ბა ვოც­ნე­ბობ­დი. მსა­ხი­ო­ბებს პი­ე­სა ძა­ლი­ან მო­ე­წო­ნათ.

ზაალ ჩი­ქო­ბა­ვა, რუს­თა­ვე­ლის თე­ატ­რის მმარ­თვე­ლი, ფეს­ტი­ვა­ლის მრჩე­ველ­თა გუნ­დის წევ­რი:

- ეს ახალ­გაზ­რდა თე­ატ­რა­ლუ­რი ფეს­ტი­ვა­ლი ყო­ველ­წლი­უ­რად იკ­რებს ძა­ლებს და უფრო და უფრო მნიშ­ვნე­ლო­ვა­ნი ხდე­ბა ქარ­თვე­ლი სა­ზო­გა­დო­ე­ბი­სა და თე­ატ­რე­ბის­თვის. აუ­ცი­ლე­ბე­ლია, რე­გუ­ლა­რუ­ლად ვა­დევ­ნოთ თვალ­ყუ­რი, თუ რა ხდე­ბა მსოფ­ლიო თე­ატ­რა­ლურ სივ­რცე­ში, მისი ნა­წი­ლი გავ­ხდეთ ისე­ვე, რო­გორც აქამ­დე ვი­ყა­ვით და ამ სამ­ყა­როს არ მოვ­წყდეთ. ჩემ­თვის ყვე­ლა­ზე მნიშ­ვნე­ლო­ვა­ნი მა­ინც ე.წ. ქარ­თუ­ლი "ქე­ი­სია", სა­დაც ჩვე­ნი თე­ატ­რე­ბი არი­ან წარ­დგე­ნილ­ნი. ჩა­მო­სუ­ლი სტუმ­რე­ბი ამ ყვე­ლა­ფერს ნა­ხუ­ლო­ბენ, თა­ვი­ანთ შე­ფა­სე­ბებ­სა და კო­მენ­ტა­რებს აკე­თე­ბენ, შემ­დეგ კი ქარ­თულ თე­ატ­რებს პერ­სპექ­ტი­ვა ეძ­ლე­ვათ, სა­ზღვრებს გა­რეთ გა­ვიდ­ნენ და თა­ვი­ან­თი შე­მოქ­მე­დე­ბა უცხო­ურ პუბ­ლი­კას - ევ­რო­პა­სა და სხვა ქვეყ­ნებს გა­აც­ნონ. მათ მიერ ჩა­მო­ტა­ნი­ლი სპექ­ტაკ­ლე­ბი კი მოქ­მე­დებს რო­გორც ქარ­თვე­ლი მა­ყუ­რებ­ლის, ასე­ვე შე­მოქ­მე­დი ადა­მი­ა­ნე­ბის გე­მოვ­ნე­ბა­ზე. სა­ჭი­როა გა­ვი­გოთ, სა­ით­კენ მი­დის მსოფ­ლიო თე­ატ­რი, რა ხედ­ვე­ბი და ტენ­დენ­ცი­ე­ბია და ჩვენ რა კუ­თხით უნდა განვვი­თარ­დეთ.

- რა სპექ­ტაკ­ლებს უჩ­ვე­ნებს რუს­თა­ვე­ლის თე­ატ­რი ფეს­ტი­ვა­ლის ფარ­გლებ­ში?

- რამ­დე­ნი­მე სპექ­ტაკლს ვუჩ­ვე­ნებთ: "შეშ­ლი­ლი სამ­ყა­რო", "ივა­ნე და ძაღ­ლე­ბი" და "გა­უ­მარ­ჯოს ბუ­შონს", რო­მე­ლიც წინა სე­ზო­ნის და­სას­რულს ვი­თა­მა­შეთ. ასე­ვე გა­ი­მარ­თე­ბა პრე­მი­ე­რა - "მაგ­რი­ტის შემ­დეგ", რომ­ლის რე­ჟი­სო­რი გი­ორ­გი თა­ვა­ძე გახ­ლავთ.

- კი­დევ რო­მე­ლი ქვეყ­ნის წარ­მოდ­გე­ნებს იხი­ლავს მა­ყუ­რე­ბე­ლი თქვენს სცე­ნა­ზე?

- გა­მომ­დი­ნა­რე იქი­დან, რომ ფეს­ტი­ვა­ლის ფარ­გლებ­ში თე­ატ­რის სცე­ნა ჩვე­ნი­ვე წარ­მოდ­გე­ნე­ბი­თაა ძა­ლი­ან დატ­ვირ­თუ­ლი, გაგ­ვი­ჭირ­და სხვა ქარ­თუ­ლი და­სე­ბის მას­პინ­ძლო­ბა. ექ­სპე­რი­მენ­ტულ სცე­ნა­ზე გო­რის თე­ატ­რი წარ­დგე­ბა; რაც შე­ე­ხე­ბა უცხო­ურს, რუ­სე­თის ტა­ბა­კო­ვის თე­ატ­რი გვეს­ტუმ­რე­ბა, რო­მე­ლიც წარ­მო­ად­გენს სპექ­ტაკლს - "ზოგ­ჯერ ბრძე­ნიც შეც­დე­ბა".

თა­მუ­ნა ლა­ლი­აშ­ვი­ლი, ფეს­ტი­ვა­ლი­სა და მარ­ჯა­ნიშ­ვი­ლის თე­ატ­რის პრე­სას­თან ურ­თი­ერ­თო­ბის სამ­სა­ხუ­რის ხელ­მძღვა­ნე­ლი:

- ფეს­ტი­ვა­ლი პირ­ველ რიგ­ში, თბი­ლი­სი­სა და ჩვე­ნი თე­ატ­რე­ბის პო­პუ­ლა­რი­ზა­ცი­ას ემ­სა­ხუ­რე­ბა. იგი ორი ნა­წი­ლის­გან შედ­გე­ბა - ქარ­თუ­ლი სპექ­ტაკ­ლე­ბის პროგ­რა­მა 16-19 სექ­ტემ­ბერს გა­ი­მარ­თე­ბა და 30 სპექ­ტაკლს წარ­მო­ვად­გენთ. მათ სა­ნა­ხა­ვად სხვა­დას­ხვა ქვეყ­ნი­დან 50 სტუ­მა­რი ჩა­მო­დის, - აზი­ი­დან, ევ­რო­პი­დან, აშშ-დან და ესე­ნი იქ­ნე­ბი­ან - კრი­ტი­კო­სე­ბი, ფეს­ტი­ვა­ლის პრო­დი­უ­სე­რე­ბი, დი­რექ­ტო­რე­ბი და ა.შ. ვფიქ­რობთ, პრო­დუქ­ტი­უ­ლი და ნა­ყო­ფი­ე­რი თა­ნამ­შრომ­ლო­ბა შედ­გე­ბა. რაც შე­ე­ხე­ბა "სა­ერ­თა­შო­რი­სო ნა­წილს", 20-დან 30 სექ­ტემ­ბრამ­დე გას­ტანს და თბი­ლი­სის რამ­დე­ნი­მე თე­ატ­რი უმას­პინ­ძლებს. ქარ­თვე­ლე­ბის­თვის ყვე­ლა­ზე ცნო­ბი­ლი მსა­ხი­ო­ბი, რო­მე­ლიც ამ ფეს­ტი­ვალ­ში მო­ნა­წი­ლე­ობს, ძა­ლი­ან პო­პუ­ლა­რუ­ლი სერ­გეი ბეზ­რუ­კო­ვი გახ­ლავთ, რო­მე­ლიც ტა­ბა­კო­ვის თე­ატ­რის და­სის წევ­რია და ისი­ნი თბი­ლისს 26 სექ­ტემ­ბერს ეს­ტუმ­რე­ბი­ან. მო­გეხ­სე­ნე­ბათ, ამ­გვა­რი კულ­ტუ­რუ­ლი ურ­თი­ერ­თო­ბე­ბი ორი ქვეყ­ნის­თვის ძა­ლი­ან მნიშ­ვნე­ლო­ვა­ნია.

მარ­ჯა­ნიშ­ვი­ლის თე­ატ­რი 17 სექ­ტემ­ბერს წარ­მო­ად­გენს თბი­ლი­სურ პრე­მი­ე­რას, შექ­სპი­რის - "რო­გორც გე­ნე­ბოთ", რო­მე­ლიც პირ­ვე­ლად ლონ­დონ­ში, "გლო­ბუ­სის" თე­ატ­რში შექ­სპი­რის ფეს­ტი­ვალ­ზე წარ­ვად­გი­ნეთ. ჩვენს სცე­ნა­ზე ითა­მა­შე­ბენ ფრან­გე­ბი, ბე­ლო­რუ­სე­ბი, გერ­მა­ნე­ლე­ბი, შვე­დე­ბი, ასე­ვე, სა­ქარ­თვე­ლოს სხვა­დას­ხვა რე­გი­ო­ნის თე­ატ­რა­ლუ­რი და­სე­ბი.

თამ­თა და­დე­შე­ლი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)