3
მაისიდღის ზოგადი ასტროლოგიური პროგნოზი
2 ივნისს "რუსთავი 2"-ის ეთერში ახალი კომედიური სერიალი - "ალუბლების ქუჩა №12" დაიწყო. შემქმნელები გვარწმუნებენ, რომ ამბები, რომლებიც აღნიშნულ მისამართზე განვითარდება, ყველას დაგვაინტერესებს. მასში ტელემაყურებლებისათვის კარგად ნაცნობი 5 მსახიობი მონაწილეობს: გოგა ბარბაქაძე, მაია დობორჯგინიძე, თამუნა ნიკოლაძე, თათული ედიშერაშვილი და კახა ჯოხაძე მაყურებელმა სერიალიდან - "შუა ქალაქში" გაიცნო და შეიყვარა. თავდაპირველად გავრცელდა ინფორმაცია, რომ ახალ სერიალში მსახიობ ჯაბა კილაძესაც ვიხილავდით, მაგრამ ე.წ. პრომოებში ის არსად ჩანს...
- ჯაბა, როგორ ხარ?
- კარგად, შენ როგორ ხარ?
- მეც კარგად ვარ. ინტერვიუსთვის მინდა შეხვედრა და ამიტომ გირეკავ.
- ახლა ბათუმში, ზღვის სანაპიროზე, შეზლონგზე ვარ წამოწოლილი და მზეს ვეფიცხები.
- ცუდ დროს დამირეკავს. შეგიძლია, მელაპარაკო?
- რა გაინტერესებს?
- "რუსთავი 2"-ზე ახალი სერიალი რომ დაიწყო...
- (მაწყვეტინებს) ჰო, ვიცი - "ალუბლების ქუჩა №12".
- სანამ სერიალი დაიწყებოდა, ამბობდნენ, - მასში ჯაბა კილაძეც ითამაშებსო.
- ამ სერიალში ჩემი მეგობრები თამაშობენ. მათ ვგულშემატკივრობ. დარწმუნებული ვარ, კარგი გამოუვათ და მაყურებელი ახალ გმირებს შეიყვარებს. ჩემს მეგობრებს და მთელ შემოქმედებით ჯგუფს წარმატებას ვუსურვებ!.. ახლა, რაც შეეხება შენს შეკითხვას: პირადად მე, ამ სერიალთან დაკავშირებით ჯერ არავინ შემომხმიანებია. ალბათ, ამ ეტაპზე ახალი პერსონაჟი საჭირო არ არის. მერე შეიძლება მიმიწვიონ კიდეც. რა ვიცი, ამაზე არ დავფიქრებულვარ. მოკლედ, რა ხართ ეს ჟურნალისტები, რა (იცინის).
- მოლოდინი არ გქონდა?
- არა. მე რეალისტი ადამიანი ვარ...
- შეთავაზებისsalesland.ge - ფასდაკლებების სამყარო! შემთხვევაში, მონაწილეობაზე დათანხმდები?
- შეთავაზებასაც გააჩნია, მაგრამ... ალბათ, დავთანხმდები. გულწრფელად გეუბნები, ამაზე მართლა არ მიფიქრია.
- შენს შემოქმედებაში რა სიახლეა?
- ავთო ვარსიმაშვილმა "იდიოტოკრატია 3"-ის გადაღება დაიწყო. ერთ-ერთ როლზე ვარ დაკავებული. მოკლედ, ფილმებში ვთამაშობ, სერიალებისგან კი ვისვენებ.
- ახლა ბათუმში გადაღებაზე ხარ?
- არა. აქ რამდენიმე დღით მეგობრებთან ერთად ჩამოვედი. მინდა კარგად, ჩემს გემოზე დავისვენო.
- გეტყობა, კარგ ხასიათზე ხარ. პირად ცხოვრებაში რაიმე სასიამოვნო სიახლე ხომ არ გაქვს?
- ჩემს პირად ცხოვრებაში როგორც ყოველთვის, თავისუფლებაა...
- ხომ არ იტყუები?
- (იცინის) არა...
- ცოტა ხნის წინ ხმა გავრცელდა, - დაქორწინებას აპირებსო.
- ტყუილებს მიგონებენ. არ მინდა ცოლი და რა, ძალაა? თავისუფლებას არაფერი სჯობია!
- აბა, დაგემშვიდობები. კარგად დაისვენე და დატკბი თავისუფლებით.
- გმადლობთ.
თამუნა კვინიკაძე
ჟურნალი "გზა"
(გამოდის ხუთშაბათობით)
