4
აპრილიდღის ზოგადი ასტროლოგიური პროგნოზი
იერუსალიმის მუზეუმის რეკონსტრუქციის დასრულების შემდეგ თანამშრომლებმა აღმოაჩინეს, რომ ცნობილი ფრანგი სკულპტორის ოგიუსტ როდენის ქანდაკება მოპარული იყო.
ქანდაკება "შიშველი ბალზაკი" როდენმა "Societe des gens de lettres de France"-ის დაკვეთით შექმნა. ეს საზოგადოება 1830 წელს, თავად ბალზაკმა ვიქტორ ჰიუგოსთან, ალექსანდრ დიუმასთან და ჟორჟ სანდთან ერთად დააარსა. ქანდაკებაზე გამოსახულია შიშველი ბალზაკი, მას ხელები გადაჯვარედინებული აქვს.
როდენი ქანდაკებას საკუთარი ნამუშევრებიდან საუკეთესოდ მიიჩნევდა, მაგრამ დამკვეთებმა მის მიღებაზე უარი განაცხადეს. ამის მიზეზი ის იყო, რომ დამკვეთებმა ქანდაკებასა და ორიგინალს შორის მსგავსება ვერ დაინახეს. ისრაელის მუზეუმში ქანდაკება ამერიკელი-ებრაელის, შოუმენისა და პოეტის, უილიამ როზენბერგის კოლექციიდან მოხვდა.
მუზეუმის რეკონსტრუქციის დროს ქანდაკება, ისვე როგორც ხელოვნების სხვა ნიმუშები, გადაიტანეს, ხოლო როცა სამი თვის წინ ქანდაკების ადგილზე დაბრუნების დრო მოვიდა, ის გამქრალიყო. ზუსტად როდის მოხდა ძარცვა, რთული სათქმელია, რადგან რეკონსტრუქცია დიდხანს გრძელდებოდა. ქანდაკება 1.3 მ სიმაღლის და 61 სმ დიამეტრისაა.
მომზადებულია newsru.com-ის მიხედვით.
