მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კარი რომ გატეხეს, ქალი იატაკზე ნახეს... ვფიქრობთ, დამნაშავე საყაჩაღოდ შევიდა. როგორც ოჯახის წევრები ამბობენ, შინ რაღაც თანხა ჰქონდა" - რა ხდება ცნობილი ბოლნისში მომხდარ მკვლელობაზე?
16:54 / 07-04-2025
- ფოტოს დანაშაულის ადგილიდან MarneuliNews.geავრცელებს
6 აპრილს, საღამოს საათებში, ბოლნისის მუნიციპალიტეტის სოფელ მამხუტში მეზობელმა 71 წლის ქალის ცხედარი საკუთარ სახლში იპოვა. მისი თქმით, ქალბატონი სახლში მარტო ცხოვრობდა. როგორც სოფლის მაცხოვრებლები ამბობენ, მას მერე, რაც სახლში სისხლის კვალი ნახეს, განგაში ატეხეს და 112-ში დარეკეს.
"მეზობელი მოვიდა რაღაცის სათხოვნელად, ეძახდა, მაგრამ არ გააგონა, მერე ტელეფონზე დაურეკა, არც ტელეფონზე უპასუხა, ამის მერე უკვე შვილს დაურეკეს, რომელსაც უთქვამს კარი გაეტეხათო... იმ მეზობელმა სხვებსაც დაუძახა და რამდენიმე მეზობელი ერთად მივიდა, კარი რომ გატეხეს, ქალი კარადასთან, იატაკზე, სულ სისხლიანი ნახეს . ამის მერე დარეკეს პოლიციაში. ვფიქრობთ, რომ დამნაშავე საყაჩაღოდ შევიდა. როგორც ოჯახის წევრები ამბობენ, ქალს შინ გარკვეული რაოდენობის თანხა ჰქონდა. არ ვიცით, მკვლელმა წაიღო თუ არა ეს ფული. შინ რემონტი ჰქონდა, ხელოსანი ჰყავდა დაქირავებული, არ ვიცით, იმ დღეს იყო თუ არა მისული .ალბათ ყველა დაიკითხება. ჯერ არ ვიცით მკვლელი ვინ არის. ის მკაცრად უნდა დაისაჯოს", - ამბობს ადგილობრივი.
მისი თქმით, სასწრაფო და პოლიცია მალევე მივიდა, შემთხვევის ადგილზე ძალოვნებს უმძიმესი სურათი დახვდათ, დადასტურდა, რომ ქალი მოკლული იყო. სავარაუდოდ, მას დანით აქვს ჭრილობები მიყენებული, სამართალდამცავები და ექსპერტები შემთხვევის ადგილზე საგამოძიებო მოქმედებებს ამ დრომდე ატარებენ. საცხოვრებელი შემოღობილია ყვითელი ლენტით.
ცხედარს ექსპერტიზა ჩაუტარდება და გაირკვევა რა სახის დაზიანებები აქვს მიყენებული.
შინაგან საქმეთა სამინისტროში აცხადებენ, რომ ფაქტზე გამოძიება 108-ე, განზრახ მკვლელობის მუხლით აღიძრა. ჯერჯერობით დამნაშავე არ დაუკავებიათ. სამართალდამცავები მისი ვინაობის დადგენას ცდილობენ. მერის წარმომადგენელი რასმია სალახლი გვიდასტურებს, რომ მოკლულის ცხედარი მეზობლებმა ნახეს:
"მოკლული ჩვენი მაცხოვრებელია ქალბატონი ნასხანუმ სალახლი, პენსიონერი, მეუღლე 10 წლის წინ გარდაეცვალა და სახლში მარტო ცხოვრობდა. ორი ქალიშვილი ჰყავს, გათხოვილები არიან მარნეულში. ძალიან კარგი ქალბატონი იყო, დიასახლისი. მეზობელმა იპოვა სახლში გარდაცვლილი, პირველად მეზობლები მივიდნენ და სისხლის კვალი რომ ნახს მაშინვე გამოიძახეს სასწრაფო და პოლიცია".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
