!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ძალიან მწყდებოდა გული, თუმცა მის თანადგომას ვგრძნობდი" - რა ხდება მეგობრებს შორის და რას ჰყვება მარიამ შენგელია ნუცა თოფურიაზე
14:26 / 31-03-2025
ორი შესანიშნავი მომღერალი მარიამ შენგელია და ნუცა თოფურია წლებია მეგობრები არიან. ისინი დადიოდნენ ერთად შოუებში, გამოდიოდნენ კონცერტებზე, ისვენებდნენ ერთად და ზოგადად, შოუბიზნესში მათი წყვილი საუკეთესო მეგობრებად ითვლებოდა.
თუმცა, შემოდგომაზე დაწყებული პოლიტიკური აქციების ფონზე, მარიამი და ნუცა ბარიკადების სხვადასხვა მხარეს აღმოჩნდნენ. ნუცა ხშირად ესწრება აქციებს და მხარს უჭერს არსებულ პროტესტს, მარიამი კი წინასაარჩევნოდ „ქართული ოცნების“ კონცერტებზე გამოდიოდა და ამ მთავრობის მხარდაჭერად მოიაზრება.
მას შემდეგ, რაც გაირკვა, რომ წელს ევროვიზიაზე საქართველოს მარიამ შენგელია წარადგენს, კვირის პალიტრამ ნუცა თოფურიასთან ინტერვიუს დროს, ამ მოვლენის შეფასებაც სთხოვა.
- ვიცი, რომ შენი და მარიამ შენგელიას ურთიერთობა, თქვენივე სიტყვებით, "მეგობრობაზე მეტი" იყო. დღეს სხვადასხვა მხარეს აღმოჩნდით.
- დიახ, სხვადასხვა მხარეს ვართ. ძალიან ბევრმა ჟურნალისტმა დამირეკა. ეს ჩემთვის ძალიან მგრძნობიარე თემაა და არ მინდა ვილაპარაკო.
- მარიამი საქართველოს ევროვიზიაზე წარადგენს, დაურეკე, წარმატებები უსურვე?
- მარიამთან დაკავშირებით დასმულ არც ერთ შეკითხვაზე ლაპარაკი არ მინდა.
გუშინ, ტელევიზიით გადაცემაში „ნოესთან“ მარიამის ინტერვიუ გავიდა. ბოლო კითხვები წამყვანმა სწორედ ნუცა თოფურიასთან ურთიერთობაზე დასვა. რაზეც მარიამი ეცადა, რომ მეგობარზე დიპლომატიურად ესაუბრა.
ნ.ს.: მთელი შარშანდელი სეზონის განმავლობაში, მაშინ როცა ნუცა ცეკვავენ ვარსკვლავებში მონაწილეობდა, შენ თითქმის ერთი ეპიზოდი არ გამოგიტოვებია და იყავი მისი ნომერ პირველი გულშემატკივარი დარბაზში. მაგრამ... გწყდებოდა თუ არა გული წელს, როდესაც პარკეტზე იდექი და ის დარბაზში არ იყო.
- ძალიან, ძალიან, მწყდებოდა გული, თუმცა მის თანადგომას ძალიან ვგრძნობდი. ის ყველანაირად ჩართული იყო ჩემს ყველა ნომერში. ყველაფერი იცოდა წინასწარ რას ვცეკვავდი, როგორი ცეკვა მქონდა და ვიღებდი მისგან რჩევებს.
ნ.ს.: ევროვიზიის შეფასებისას, ნუცას კომენტარი რომ ის არაფერს არ იტყოდა შენზე, გეწყინა?
- არა...
ნ.ს.: ხომ შეიძლებოდა როგორც მეგობარს წარმატებები ესურვა. ეს მოლოდინი არ გქონია?
- მე მოლოდინები აღარ მაქვს დიდი ხანია. იმიტომ რომ არავისგან არაფერს აღარ ველი. შესაბამისად გულდაწყვეტა არ მქონია, იმიტომ, რომ თვითონ ეს წყენის ფაქტორებიც გადავდე. არავისგან არაფერი არ მწყინს. ჩემს გზას მივყვები და მაქსიმალურად ვარ კონცენტრირებული იმაზე, რომ საქართველო წარვადგინო ძალიან კარგად,. შესაბამისად რაც ხდება სოციალურ ქსელებში და რა ამბებიც არის ეს ჩემთვის მეორე ხარისხოვანია. მართლა ასეა, ყველაფერი გადადებული მაქვს გვერდზე. არავისგან არაფერი არ მწყინს, ჩემი ახლობლებისგან,. რომლებიც შეიძლება ჩემზე ცუდ რაღაცებს წერენ, არ მოსწონთ სიმღერა, მაგრამ ჩვეულებრივი ამბავია, ყველას აზრს პატივს ვცემ.
ნ.ს.: თქვენ ორნი ერთად განსაკუთრებულად მოიაზრებოდით და ერთი ფოკუსის ქვეშ იყავით და შემდეგ გზები გაიყო?
- არა, არ გაიყო გზები, დღემდე ჩემს გვერდით არის. არ ვიცი, რატომ ხდება ასე ყველაფრის დრამატიზირება.
ნ.ს.: თვითონ ხომ თქვა ჩვენი პოლიტიკური გზები გაიყოო...
- პოლიტიკური გზები შეიძლება გაიყო, მაგრამ ეს იმას არ ნიშნავს, რომ ადამიანებმა უნდა დავკარგოთ ერთმანეთი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
