მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზუსტად ის არ მომწონს, ვიღაც დროშას დაიქნევს ან "შტანგას“ აწევს და ეგრევე პარტიულ სიაში ჩასვამენ..." - ალეკო ელისაშვილი
20:51 / 21-03-2025
შეიძლება პოლიტიკური ლიდერები ვერ გამოიკვეთნენ ამ პროცესებში, ზუსტად ის არ მომწონს ხოლმე, ვიღაც დროშას დაიქნევს ან "შტანგას“ აწევს და ეგრევე წაიყვანენ ხოლმე და პარტიულ სიაში ჩასვამენ, - ამის შესახებ კოალიცია "ძლიერი საქართველოს“ ერთ-ერთმა ლიდერმა ალეკო ელისაშვილმა "პალიტრანიუსის“ გადაცემა "რეზიუმეში“ განაცხადა.
ელისაშვილის თქმით, რუსთაველზე მიმდინარე პროტესტმა პასუხისმგებლობიანი მოქალაქეები გამოკვეთა.
"შეიძლება პოლიტიკური ლიდერები ვერ გამოიკვეთნენ ამ პროცესებში და ასეც არ არის ახლა, ზუსტად ის არ მომწონს ხოლმე, ვიღაც დროშას დაიქნევს ან "შტანგას“ აწევს და ეგრევე წაიყვანენ ხოლმე და პარტიულ სიაში ჩასვამენ. უცბად რომ ვინმე გამოვარდება და მისგან გინდა მერე პოლიტიკოსი გამოძერწო, ეს ასე არ არის. პოლიტიკოსების კრიტიკა და ლანძღვა მარტივია, მაგრამ პოლიტიკური პარტიების შექმნა გაცილებით რთულია. ვისაც უნდა, ამაში თავი გამოცადოს, გამოცადოს. არც ის არის პრობლემა, მლანძღავდნენ და მაკრიტიკებდნენ, მაგრამ უნდა გვაჩვენონ, რომ უკეთესები არიან.
თვითონ პროცესია მაგარი. მე რაზეც სულ მწყდებოდა გული, ის არის, რომ განცდა მქონდა, რუსებმა 200 წლის მანძილზე წაგვართვეს პასუხისმგებლობიანი მოქალაქისა და სამშობლოს საკუთრების განცდა და ჩვენი სამშობლოს სიყვარული ყანწების ტრიალში გადავიტანეთ და იმაში, თოფის ლულაში ჩაასხამდი ღვინოს - ვინ უფრო მეტს დალევდა, ეჯიბრებოდნენ და გასკდებოდნენ - ამაში იყო გადატანილი სამშობლოს სიყვარული. ახლა ყველა ხვდება, თუ გინდა, რომ დაამტკიცო სამშობლოს სიყვარული, კარგი პასუხისმგებლობიანი მოქალაქე უნდა იყო, ქუჩა არ უნდა დაანაგვიანო... რუსთაველის გამზირზე სიგარეტის ნამწვი არ გდია - აი, ეს არის, ეს მომწონს ყველაზე მეტად. ხალხს რომ სწორი პრეტენზიები აქვს, მომწონს. ახლახან შევხვდით პატიმრების ოჯახის წევრებს და თითს გვიქნევდნენ, ისე გველაპარაკებოდნენ, როგორც ხალხი უნდა ელაპარაკოს ყველა პოლიტიკოსს - ძალიან სწორია ეს ამბავი, მე ეს ძალიან მომწონს“, - განაცხადა ელისაშვილმა.
ოპოზიციონერი პოლიტიკოსის თქმით, "ქართულ ოცნებასთან“ დაახლოებულმა ბიზნესმენებმა როდესაც მოსალოდნელი სანქციების ამბავი გაიგეს, მათი ერთიანობა ჩამოშლის პირას იყო, თუმცა ზელენსკისა და ტრამპის დაძაბული ურთიერთობის თემამ "ქართული ოცნება“ გადაარჩინა.
"ქართულ ოცნებას“ ტრამპის გრიგალი წამოეწიათ მაშინ, როცა კუთხეში იყვნენ. იქიდან როგორც კი გაისმა, რომ ბიზნესმენები ჩასხდებოდნენ სანქცირებულთა სიაში, აი, მანდ იმისთანა დავი-დარაბა ჰქონდათ და იმისთანა სირბილი, ისეთი წიოკი ჰქონდათ, რომ აი, მანდ "დაფეთდნენ“, მაგრამ ზელენსკის ლანძღვის მერე ცოტა ფერზე მოვიდნენ იმიტომ, რომ მანამდე ბიძინა ივანიშვილის ავტორიტეტი ეჭვშეუტანელი იყო. ყველა საშუალო, მაღალი და დაბალი რგოლი "ქოცი“ ფიქრობს, რომ ივანიშვილი უძლეველია.
ეს იმიჯი იმსხვრეოდა ამ სანქცირებით ევროპისგანაც და შეერთებული შტატებისგანაც - ბიძინა ივანიშვილი რომ უძლეველია. მერე იმ მძიმე სურათმა, თეთრი სახლის ოვალურ ოფისში რაც იყო, ამან მოიყვანა ესენი ფერზე, თორემ იშლებოდნენ ძალიან მშვენივრად. განსაკუთრებით, "ქართული ოცნების“ გარშემო რომ "ცეხავიკები“ არიან, იმათმა რომ გაიგეს, სანქცირებულები შეიძლებოდა ყოფილიყვნენ, დაფშვნის პირას იყვნენ.
გამოვიდნენ, ლანძღეს ჯიმ რიში, რა არ უძახეს - თაღლითი, მატყუარა და ა.შ და დღეს ტრამპმა დიდი პოსტი დაწერა, რა მაგარი კაცია რიში, უღალატო, პრინციპული, მხარი უნდა დაუჭირონ, კენჭს იყრის... ახლა ირაკლი კობახიძე ფიქრობს, რამ მათქმევინა ის დოზანაო“, - განაცხადა ელისაშვილმა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
