მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს იყო დაგეგმილი თავდასხმა, ათი კაცი ერთზე... ვიღაცას ტელეფონზე ულაპარაკია, საქმე ჩაბარებულიაო" - რას ჰყვება მიშა ანდღულაძე Ambebi.ge-სთან ნიდერლანდებში მომხდარ თავდასხმაზე
22:47 / 03-03-2025
სოციალურ ქსელში ნიდერლანდებში მცხოვრებმა ქართველმა, მაია ბაჩანაშვილმა ფიზიკური დაპირისპირების ამსახველი ვიდეო გაავრცელა. როგორც ქალი წერდა, კადრებზე აღბეჭდილია, რომ ადგილობრივი ქართული რესტორნის მიმდებარე ტერიტორიაზე, იუმორისტ მიშა ანდღულაძეს ფიზიკურად გაუსწორდნენ.
პოსტის ავტორის ცნობით, მიშა ანდღულაძემ "ქართული ოცნების" მხარდამჭერებს რუსები უწოდა, რამაც სავარაუდოდ, ადგილზე მყოფი მოქალაქეების გაღიზიანება გამოიწვია.
მიშა ანდღულაძეს ნიდერლანდებში დავუკავშირდით, იუმორისტმა Ambebi,ge-სთან საუბარში აღნიშნა, რომ ეს იყო დაგეგმილი თავდასხმა. მისი თქმით, "ჩვეულებრივი კომედი საღამო იყო და მას "ქართული ოცნების" ამომრჩევლებისთვის რუსები არ დაუძახია".
მიშა ანდღულაძე:
- კარგად ვარ, ყველაფერი წესრიგშია. ჰააგის პოლიცია ჩართულია, იმედია გამოიძიებენ. ეს იყო დაგეგმილი თავდასხმა, ათი კაცი ერთზე. თან სხვა რამ მოხდა და სხვა რაღაც დაწერეს პოსტში, თითქოს, ("ქართული ოცნების") ამომრჩევლებს რუსები ვეძახე, როცა რეალურად, ჩვეულებრივი კომედი საღამო გვქონდა.
ძალიან ჰგავს წინასწარ დაგეგმილ ამბავს.
რაღაც სტატისტიკაში ხომ არ მოვყევი?! ჯოჯოხეთია სრული.
მანამდე, საქართველოში, პროკურატურაში მქონდა საქმე, "სთენდაფის" ერთ-ერთ ხუმრობაზე, რომელიც ეხებოდა რელიგიურ თემას, ფარისევლობას, ჯვრების უაზრო ადგილებზე აღმართვას. შემდეგ მე მღვდელთანაც მქონდა ამაზე გადაცემაში საუბარი.
- ახლა, თავდასხმისას როდესაც მოვიდნენ, თითქოს ამაზე დაიწყეს საუბარი, მერე გადავიდნენ პირდაპირ ფიზიკურ თავდასხმაზე, პოლიცია ჩაერთო და ჩემი მონაცემები აქვთ. ადრეც იყო ჩემზე თავდასხმები, საქართველოს პროკურატურამ ძალიან კარგად გამოიძია ეს საქმე და დაიბარეს ის ადამიანები. შემდეგ მე დამიბარეს და მითხრეს, შეგიძლია ქუჩებში თავისუფლად იარო და არაფერი გემუქრებაო.
ახლა რაც მოხდა, თითქოს რელიგიურ ხუმრობას ეხებოდა, მაგრამ შემდეგ პოსტი რაც დადეს, თითქოს მე "ქართული ოცნების" მხარდამჭერებს რუსები ვეძახე და ამიტომ გამისწორდნენ, ეს არის გამიზნული ტყუილი. მე წინასწარ დასკვნებს ვერ გავაკეთებ. ეს ჯგუფი მოემზადა წინასწარ და თავს დამესხნენ, მეგობარმა გადამარჩინა. ისეთი აგრესიულები იყვნენ ვერც გავიგე, რა მოხდა. ჯერ რანაირი ქრისტიანობაა, ათი ერთს დაესხას თავს.
საქართველოშიც პროკურატურას ვეუბნებოდი, რომ ერთად დაგვიძახეთ მე და თავდამსხმებელებს, ჩავეხუტები და ვაგრძნობინებ, რომ მე არ მძულს არავინ. ერთადერთი, მინდა, ყველა ვიყოთ უშიშრები განსხვავებული აზრის მიმართ.
რა თქმა უნდა, არ დამიძახეს. ძალიან მძიმე სანახაობა იყო, მაგრამ ისინიც მსხვერპლები არიან საერთო აგრესიის.
კომენტარები რომ ვნახე, ვიღაცებს უხარიათ ადამიანების ცემა და მხოლოდ ნაცებად და ქოცებად განიხილავენ ადამიანებს. შეგვიძლია, რომ მარტივი კრიტიკის გამო ადამიანებს თავს დავესხათ, თან სად - ჰააგაში?! ვნახოთ, საქმე აღძრულია, ყველამ პასუხი უნდა ვაგოთ ჩვენს ქცევებზე.
ასეთი დაგეგმილი, მასშტაბური თავდასხმა, გადაიღეს.
და მერე იქ ვიღაცა ჰყვებოდა - ვიღაცას ტელეფონზე ულაპარაკია, საქმე ჩაბარებულიაო...
დაგეგმილია, შეკვეთილია თუ რა მიზანი ჰქონდათ, ვნახავთ... დაველოდოთ გამოძიებას", - ამბობს მიშა ანდღულაძე Ambebi.ge-სთან.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
