მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვენ შორის არაფერი ცუდი არ ხდებოდა, რატომ უნდა დავშორებოდი? ის ჩემთვის ზედმეტად იდეალური იყო" - რიკარდო კაკას ოჯახური დრამა: რატომ მიატოვა ბავშვობის სიყვარულმა
19:01 / 17-02-2025
ბრაზილიელი ფეხბურთელი რიკარდო კაკა წლების განმავლობაში არა მხოლოდ მისაბაძ სპორტსმენად მიიჩნეოდა, არამედ ის ითვლებოდა სამაგალითო მეუღლედ, რომელმაც პირველი სიყვარული, კაროლინ სელიკოზე შეირთო ცოლად. ინტერვიუებში კაკა ხშირად საუბრობდა მეუღლის შესახებ და მას აღმერთებდა. ყველასთვის მოულოდნელად, 10-წლიანი თანაცხოვრების შემდეგ, 2015 წელს წყვილი განქორწინდა.
მოგვიანებით ყოფილმა მეუღლემ განშორების შესახებ უცნაური განცხადება გააკეთა. "ქალის თქმით, ყოფილი მეუღლე მისთვის ზედმეტად იდეალური იყო".
"დიდი სიმამაცე დამჭირდა დაშორებისთვის, რადგან არ მქონდა ისეთი მიზეზები, როგორებიცაა ძალადობა ან ღალატი", - ამბობდა კაროლინა.
ქალი იხსენებდა, რომ ქმართან კონფლიქტი არაფერზე არ ჰქონდა მათ შორის ცუდი არაფერი ხდებოდა.
- "ჩვენ შორის არაფერი ცუდი არ ხდებოდა, მაშინ რატომ უნდა დავშორებოდი? რატომ არ ვიყავი ბედნიერი? - თავს უფრო მეტად დამარცხებულად ვგრძნობდი, როგორც ადამიანი, რადგან ვცხოვრობდი ქორწინებაში ძალიან კარგ, პატიოსან და შვილებისთვის შესანიშნავ მამასთან.
კაკასთვის არასდროს მიღალატია. ის ძალიან კარგად მექცეოდა, მომცა საოცარი ოჯახი, მაგრამ მე ბედნიერი არ ვიყავი, რაღაც მაკლდა. პრობლემა ის იყო, რომ ის ჩემთვის ზედმეტად იდეალური იყო.
მაგრამ ამ ქორწინების დასრულება ჩემი პიროვნული ზრდისთვის აუცილებელი იყო", - ამბობს ფეხბურთელის ყოფილი ცოლი.
ყოფილი ცოლის ინტერვიუს შემდეგ, 41 წლის კაკამ ეს საკითხი ესპანურ გამოცემა Sport-თან ინტერვიუში განმარტა. მან აღნიშნა, რომ ყველაფერს აკეთებდა, რათა ქორწინება გადაერჩინა, რადგან ქრისტიანული ღირებულებები ამისკენ უბიძგებდა: "ქრისტიანები არ ქორწინდებიან იმისთვის, რომ განქორწინდნენ“.
მადრიდის "რეალისა“ და "ორლანდო სიტის“ ყოფილმა ვარსკვლავმა თქვა:"2005 წელს დავქორწინდი, მაგრამ ჩემს ცოლს აღარ სურდა ეს ურთიერთობა.
მითხრა, ბედნიერი არ ვარ და ამას ქორწინებას ვაბრალებ. აშშ-ში ვცხოვრობდით, მაგრამ მთხოვა, ბრაზილიაში დაბრუნებულიყო."ბრაზილიაში დაბრუნება მინდა, მინდა იქ ვიცხოვრო და აღარ მსურს გათხოვილი მერქვას", - ზუსტად ეს სიტყვები მითხრა", - იხსენებს რიკარდო კაკა.
2015 წლის დეკემბერში ცოლთან დაშორების შემდეგ, კაკას რთული პერიოდი დაუდგა, რადგან განქორწინება მის რელიგიურ შეხედულებებს ეწინააღმდეგებოდა.
კაკას ახალი რჩეული
"ერთი წელი მარტო ვიყავი, ვცდილობდი ამ მდგომარეობის გააზრებას და მას ქრისტიანულად ვუმკლავდებოდი – ვესაუბრებოდი სასულიერო პირებს, რადგან ბიბლია განქორწინებას კრძალავს, მაგრამ მე მაინც განქორწინებული ვიყავი", - ამბობს ფეხბურთელი.
2017 წელს კაკამ დაიწყო ურთიერთობა ბრაზილიელ მოდელ კაროლინა დიასთან, რომელზეც 2024 წელს დაინიშნა. მათ ერთი წლის გოგონა ჰყავთ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
