მნიშვნელოვანი ინფორმაცია
4
აპრილიდღის ზოგადი ასტროლოგიური პროგნოზი
პარასკევი, მთვარის მეშვიდე დღე დაიწყება 09:24-ზე, მთვარე კირჩხიბში გადავა 02:51-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ. ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ. კარგი დღეა მსხვილი საყიდლებისთვის; შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. კარგია ორგანიზმის გაწმენდა მარილებისა და წიდებისაგან. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართველი პოეტების 5 სულისშემძვრელი ლექსი სიყვარულზე, რომელიც საყვარელ ადამიანს უნდა წაუკითხო
12:01 / 10-02-2025
ახლოვდება ვალენტინობა – დღე, რომელიც ყველა შეყვარებულს ეძღვნება. სიყვარული ხომ ის გრძნობაა, რომელიც ადამიანებს ერთმანეთთან აკავშირებს, შთააგონებს და ატრიალებს დედამიწას? ეს საოცარი გრძნობა არა მხოლოდ ადამიანთა გულებში, არამედ ხელოვნებაშიც ცხოვრობს. მსოფლიო ლიტერატურის ისტორიაში, ყველაზე მეტი ლექსი სწორედ სიყვარულზე დაიწერა. ქართველმა პოეტებმა საუკუნეების განმავლობაში თავიანთი გრძნობები პოეტურ სტრიქონებში უკვდავყვეს, რომლებიც დღესაც არ კარგავს ძალას.
ლექსი შეიძლება იყოს გრძნობების ყველაზე ლამაზი აღიარება, რომლითაც შეყვარებულს სითბოსა და სინაზეს გაუზიარებ, რადგან სიყვარულით გაჟღენთილი სიტყვები, გულს ყველაზე ძლიერად ეხება.
5 ლექსი, რომელიც შეყვარებულებმა უნდა წაიკითხონ:
1. შენი სიცოცხლე, შენი ნაბიჯი (მუხრან მაჭავარიანი)
შენი სიცოცხლე, შენი ნაბიჯი
მე შემაყვარა შენმა სარკმელმა.
მე მიხარია, - შენ რომ არსებობ!
ვისი ხარ, -
ეს რა ჩემი საქმეა!
შენით ტენდება, შენით ღამდება,
შენთან ვარ, შენთან მინდა ხელახლა!
შენა ხარ -
რაც მე გამეხარდება,
რაც მეწყინება -
ისიც შენა ხარ!
2. რაც უფრო შორს ხარ (გალაკტიონ ტაბიძე)
რაც უფრო შორს ხარ, მით უფრო ვტკბები!
მე შენში მიყვარს ოცნება ჩემი,
ხელუხლებელი - როგორც მზის სხივი,
მიუწვდომელი - როგორც ედემი.
და თუ არა ხარ ის, ვისაც ვფიქრობ,
მე დღეს არ ვნაღვლობ, დაე ვცდებოდე!
ავადმყოფ გულს სურს, რომ მას ოცნების
თეთრ ანგელოზად ევლინებოდე.
დაიწვას გული უცნაურ ტრფობით,
ცრემლით აივსოს ზღვა-საწყაული,
ოღონდ მჯეროდეს მე ჩემი ბოდვა
და სიყვარულის დღესასწაული.
3. მე შევძლებ (ტარიელ ხარხელაური)
მე შევძლებ, შენით სამყარო შევქმნა,
მე შენით შევძლებ, სიკვდილზე ვწერო,
ცოცხალი მხოლოდ ვიქნები შენთან
და მკვდარიც შენთან, სიცოცხლევ ჩემო!
ქარია ახლა და სადაც ვდგავარ,
უკვე დაეშვნენ მწუხრის ჩრდილები,
ვჩანვარ, ასეა, შენითა ვჩანვარ,
გამწირავ, - შენით გავიწირები.
ქრის და ცრემლებით სავსეა თვალი,
ქრის, ღამემ შენზე ფიქრი ინება,
შენა ხარ ქალი, შენა ხარ ქალი
და ჯერ ართქმული აქვითინება.
4. მე არაგვზე დავრჩებოდი (ანა კალანდაძე)
ნისლაურო, ნისლი ხარო,
გამიქრები:მზისი ხარო...
მე არაგვზე დავრჩებოდი,
მაგრამ რა ვქნა, სხვისი ხარო...
როცა ახლოს ვერა გხედავ,
ჩემი გულის შიში ხარო...
მაგრამ კლდენი არ გაგწირვენ,
არწივების შინში ხარო.
5. მე ის პატარა ნაკადული ვარ (მორის ფოცხიშვილი)
მე ის პატარა ნაკადული ვარ,
შენ რომ ამღვრევ და ასე ათრთოლებ,
შენ რომ ცრემლები წყალს გააყოლე,
მე ის პატარა ნაკადული ვარ!
მე ის პატარა ნაკადული ვარ,
რატომღაც შენ რომ აღარ ახსენებ,
შენ რომ არასდროს არ მოგასვენებს,
მე ის პატარა ნაკადული ვარ!
ქართველი პოეტები სიყვარულზე
კრებული „მიყვარხარ“ კიდევ ერთხელ გვაგრძნობინებს სიცოცხლის სიტკბოებასა და მშვენიერებას. ეს უნიკალური წიგნი არის სიყვარულის მარადიული სადიდებელი, რომელიც აერთიანებს ქართულ პოეტურ მემკვიდრეობას – ხალხური პოეზიიდან თანამედროვე ლექსებამდე.
თუ გსურთ სიყვარულით სავსე ემოციები წიგნის ფურცლებზე აღმოაჩინოთ, „მიყვარხარ“ თქვენთვისაა!
წიგნს შეიძინეთ ბიბლუსის მაღაზიათა ქსელში ან გამოიწერეთ ჩვენი ვებგვერდიდან და ისარგებლეთ სახლში მიტანის სერვისით: https://bit.ly/3MxGqYq
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
