მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
სიდნეიში, ერთ-ერთ ეზოში 100-ზე მეტი შხამიანი გველი აღმოაჩინეს
13:36 / 07-02-2025
ავსტრალიელი რეპტილიების სპეციალისტები აცხადებენ, რომ სიდნეიში, ერთ-ერთი ეზოს მულჩის გროვაში 102 შხამიანი გველის აღმოჩენით გაოცებულები არიან.
კორი კერევარომ განაცხადა, რომ მის კომპანიას თავდაპირველად რეპტილიების თაობაზე დაუკავშირდნენ მას შემდეგ, რაც ერთ-ერთმა გველმა ეზოში ძაღლი დაკბინა.
როდესაც მისი კოლეგა ადგილზე მივიდა, მან 40 წითელმუცელა შავი გველი აღმოაჩინა - რომელთაგან ოთხმა გადასაყვან ტომარაში პატარა ნაშიერები გააჩინეს.
წითელმუცელა შავი გველები ავსტრალიაში ერთ-ერთი ყველაზე გავრცელებული შხამიანი სახეობაა.
ხუთი ზრდასრული და 97 ახალშობილი გველი ამჟამად კარანტინში იმყოფება. როგორც კი აგრილდება, მათ ეროვნულ პარკში გაუშვებენ.
კერევარომ განაცხადა, რომ ეს გველების დამჭერებისთვის, რომლებიც ჩვეულებრივ, დღეში 5-დან 15-მდე რეპტილიას იჭერენ, რეკორდული რაოდენობა იყო.
მისი თქმით, კოლეგა დილან კუპერმა ზარით აცნობა: "ძმაო, აქ დიდხანს მომიწევს ყოფნა. საკმაოდ დიდი გროვაა... უკვე 15 გველზე მეტი მყავს!"
"მეგონა, მატყუებდა", - განაცხადა კერევარომ.
მისივე თქმით, ძაღლი, რომელიც გველმა დაკბინა, "ცოცხალი და ჯანმრთელია".
კერევარომ ისიც აღნიშნა, რომ წითელმუცელა შავი გველების მდედრი წარმომადგენლები ხშირად იკრიბებიან მცირე ჯგუფებად, როდესაც მშობიარობისთვის ემზადებიან. ისინი ასე, სავარაუდოდ, მტაცებლებისგან თავდასაცავად იქცევიან.
ეს სახეობა “მორიდებულად” ითვლება და მათი ნაკბენი იშვიათია, თუმცა შეშუპებას, გულისრევასა და დიარეას იწვევს.
კანონის თანახმად, გველების დამჭერები ვალდებულნი არიან, ცხოველები იმ ადგილის მახლობლად გაუშვან, სადაც ისინი იპოვეს. თუმცა, ამ აღმოჩენის მასშტაბის გათვალისწინებით, დამჭერებს ნებართვა მიეცათ, გველები ეროვნულ პარკში, ადამიანებისგან მოშორებით გადაიყვანონ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
