კიმ ჩენ ინი ჩრდ. კორეაში ჰოთ-დოგების ჭამას და მომზადებას კრძალავს, განქორწინების მსურველ წყვილებს კი 6 თვიანი პატიმრობით ემუქრება

გავრცელებული ინფორმაციით, ჩრდილოეთ კორეის ლიდერმა, კიმ ჩენ ინმა ჩრდილოეთ კორეელებს ჰოთ-დოგის ჭამა აუკრძალა, ხოლო განქორწინებულ წყვილებს კი ე.წ. შრომით ბანაკში იძულებით გადაყვანით, ან პატიმრობით ემუქრება.

“40 წლის დესპოტის მტკიცებით, ჰოთ-დოგი ზედმეტად დასავლურია და ამბობს, რომ მისი მირთმევა ამიერიდან ღალატად ჩაითვლება. ყველა, ვინც ჩრდილოეთ კორეის ქუჩაში ჰოთ-დოგის გაყიდვას განაგრძობს ან საკუთარ სახლში გადაწყვეტს მის მომზადებას, შრომით ბანაკებში გაგზავნის რისკის ქვეშ დადგება,“ - წერს dailymail.

• The Sun-თან საუბრისას, სწრაფი კვების ერთ-ერთი ობიექტის მფლობელმა აღნიშნა, რომ ბაზარზე სამხრეთ კორეული ტრადიციული კერძის, ბუდე - ჯიგეს გაყიდვებიც შეჩერდა იმის გამო, რომ მის ერთ-ერთ ინგრედიენტს სოსისი შეადგენს. კერძი სოციალისტურ ქვეყანაში სამხრეთ კორეიდან 2017 წელს შემოვიდა.

მანვე განაცხადა, რომ კვების ობიექტის ყველა მფლობელი პოლიციისგან გაფრთხილებულია, რომ თუ ისინი აკრძალულ საკვებს გაყიდიან, ბიზნესს დაუხურავენ.

კიმ ჩენ ინმა ასევე გასცა ბრძანება, განქორწინებული წყვილები შრომით ბანაკებში იქნან გაგზავნილები, რათა თავიანთ დანაშაულზე პასუხი აგონ. ახალი კანონის მიხედვით, განქორწინება ანტი-სოციალისტურ ქმედებად განიხილება და წყვილებს “შრომით ბანაკებში“ 6 თვიანი იძულებითი პატიმრობა ელით.

წყარო: dailymail

მოამზადა: ანა სიბოშვილმა