"მე, როგორც გეგა კობახიძის დედას, მაწუხებს ნაცემი, ნაწამები ბავშვები" - რა თქვა ნათელა მაჭავარიანმა, რომელიც აქციაზე პრეზიდენტთან ერთად მივიდა

დღეს, პარლამენტის წინ დაანონსებული ნაძვის ხის ანთების ცერემონია გაურკვეველი დროით გადაიდო. როგორც კახა კალაძემ აღნიშნა, ადგილზე უკვე ჰქონდა ადგილი პროვოკაციას, რის გამოც მოქალაქეების უსაფრთხოების მიზნით, აღნიშნული გადაწყვეტილება მიიღო.

• ამის შემდეგ რუსთაველის გამზირზე, სადაც აქცია მიმდინარეობს, საქართველოს პრეზიდენტი სალომე ზურაბიშვილი მივიდა.

"თურმე გადაიდო ნაძვის ხის ანთება - მგონი, ბარბარობაზე ჩემთან მოდიან" - განაცხადა აქციაზე მისულმა პრეზიდენტმა ზურაბიშვილმა, რომელიც რუსთაველის გამზირზე ნათელა მაჭავარიანთან ერთად მივიდა.

აქციის დატოვებამდე ქალბატონმა ნათელამ ჟურნალისტებს განუცხადა:

- მე, როგორც გეგა კობახიძის დედას, მაწუხებს ის დაპატიმრებული, ნაცემი, ნაწამები ბავშვები. არავის არ აქვს ამის უფლება. მე რაც გადავიტანე, არ მინდა არცერთმა დედამ გადაიტანოს და არცერთმა მშობელმა. თქვენ კარგად იყავით, მაგრად იყავით, ჩვენ თქვენთან ერთად ვართ.

წაიკითხეთ ასევე:

• "თურმე გადაიდო ნაძვის ხის ანთება - მგონი, ბარბარობაზე ჩემთან მოდიან" - პრეზიდენტი აქციაზე მივიდა: რა თქვა ზურაბიშვილმა