ჩაძირვამდე რამდენიმე საათით ადრე "ტიტანიკიდან" ბრიტანელმა ბიზნესმენმა წერილი გააგზავნა: წლების შემდეგ ბარათი 25000 დოლარად გაიყიდა - რა ეწერა იქ?
ტიტანიკის მგზავრის მიერ დაწერილი საფოსტო ბარათი, რომელიც გემის ჩაძირვამდე რამდენიმე დღით ადრე გაიგზავნა, აუქციონზე ათასობით დოლარად გაიყიდა.
- SWNS-ის ცნობით, საფოსტო ბარათი პირველი კლასის მგზავრმა და ბრიტანელმა ბიზნესმენმა რიჩარდ უილიამ სმიტმა ფოსტით გაგზავნა კორკიდან ნორვიჩში.
"კარგად ვირბინე ქუინსთაუნში. უბრალოდ გავემგზავრები ვარსკვლავების ქვეყანაში, იმედი მაქვს, რომ ყველანი კარგად ხართ სახლში. პატივისცემით, RWS” - ვკითხულობთ წერილში.
- ეს ჩანაწერი 1912 წლის 11 აპრილით თარიღდება - სამი დღის შემდეგ ტიტანიკი აისბერგს შეეჯახა. თავად სმიტი 1500 სხვა მგზავრთან და ეკიპაჟის წევრებთან ერთად დაიღუპა.
ისტორიული ბარათი ტიტანიკის ასობით არტეფაქტიდან ერთ-ერთი იყო, რომელიც აუქციონზე ჰენრი ოლდრიჯმა გაყიდა:
”ძალიან მტკივნეული ამბავია, რადგან ეს ბოლო წერილია, რომელიც სმიტმა თავის ოჯახს გაუგზავნა", - განუცხადა აუქციონის სახლის მმართველმა დირექტორმა ენდრიუ ოლდრიჯმა გამოცემას.
საფოსტო ბარათის გარდა, აუქციონზე 18 კარატიანი ოქროს Tiffany & Co-ს ჯიბის საათი გაიყიდა, რომელიც ტიტანიკის კაპიტანს არტურ როსტრონს ეკუთვნოდა. მისი ღირებულება 1,976 მილიონი დოლარია.
1912 წლის 14 აპრილს, 22:40-ზე, ტიტანიკი აისბერგს შეეჯახა. 15 აპრილის დილით გემი ჩაიძირა. ჩაძირვამ 1,517 ადამიანის დაღუპვა გამოიწვია. დიდი მსხვერპლი ნაწილობრივ იმით იყო განპირობებული, რომ გემზე საკმარისი რაოდენობის ნავი არ აღმოჩნდა.