პოპულარულ დიჯეის წვეულებაზე, პირდაპირ სცენაზე ესროლეს - რა კადრებს და დეტალებს ავრცელებს მედია?

კოლუმბიაში, ერთ -ერთ წვეულებაზე, რომელსაც მინიმუმ 200 ადამიანი ესწრებოდა, პოპულარულ დიჯეის, სახელად “ეგზოტიკი“ პირდაპირ სცენაზე ესროლეს. კადრებს დასავლური მედია ავრცელებს და წერს, რომ გარდა დიჯეისა, სროლის შედეგად კიდევ ერთი ადამიანი დაიღუპა. ის 23 წლის ანდრეს კუერტასია.

• “დანიელ სალინასი, რომელიც დიჯეი “ეგზოტიკის“ სახელით არის ცნობილი, კალიში მდებარე სასტუმროში, სცენაზე იმყოფებოდა, როდესაც ესროლეს. ვიდეომ მომენტი დააფიქსირა. გარდა ამისა, წვეულებაზე რამდენიმე გასროლის ხმა გაისმა,“ - წერს dailymail.

როგორც მიმდებარე სათვალთვალო კამერებიდან ამოღებულ კადრებში ჩანს, შემთხვევამდე, სასტუმროს შესასვლელთან ორი საეჭვო მამაკაცი ტრიალებდა. მოგვიანებით ორივე ეჭვმიტანილი დააკავეს.

კალის პოლიციის მეთაურმა კარლოს ოვიედომ თქვა, რომ ერთ-ერთ პირს, რომლის მეტსახელია "ლა მარავილა" ჰქონდა ორი უკანონო ცეცხლსასროლი იარაღი.

დაჭრილი ბოგოტას კლინიკაში გადაიყვანეს. მისი ჯანმრთელობის მდგომარეობა უცნობია.