2
აპრილიდღის ზოგადი ასტროლოგიური პროგნოზი
აშშ უკრაინისთვის 425 მილიონი დოლარის ღირებულების სამხედრო დახმარების პაკეტს აანონსებს. ამის შესახებ განცხადებას აშშ-ის თავდაცვის დეპარტამენტი ავრცელებს.
მათი განცხადებით, სამხედრო დახმარების ახალი პაკეტი მარაგების შემცირების საპრეზიდენტო უფლებამოსილების (PDA) ფარგლებში ხორციელდება, რაც იმას ნიშნავს, რომ უკრაინას დახმარება ამერიკული არმიის მარაგებიდან გადაეცემა.
- პაკეტში სხვა ყველაფერთან ერთად შედის NASAMS და HIMARS სისტემების რაკეტები, Stinger რაკეტები, დრონების საწინააღმდეგო c-UAS აღჭურვილობა და საბრძოლო მასალა, “ჰაერი-მიწა” კლასის რაკეტები, 155 მმ და 105 მმ საარტილერიო ჭურვები, ტანკსაწინააღმდეგო TOW რაკეტები და ტანკსაწინააღმდეგო Javelin და AT-4 სისტემები.
ამას გარდა, აშშ-ის თავდაცვის დეპარტამენტის სიაში მოხსენიებულია Stryker ჯავშანტრანსპორტიორები, ცეცხლსასროლი იარაღი და საბრძოლო მასალა, სამედიცინო აღჭურვილობა, ასაფეთქებელი ნივთიერებები, სათადარიგო ნაწილები და ა.შ.
სამხედრო დახმარების აღნიშნული პაკეტი აშშ-ის მხრიდან უკრაინისთვის 69-ეა 2021 წლის აგვისტოდან. წინა სამხედრო დახმარების პაკეტი (400 მილიონი დოლარის ღირებულების) აშშ-ის თავდაცვის მდივანმა, ლოიდ ოსტინმა 21 ოქტომბერს კიევში ვიზიტის დროს გამოაცხადა.
425 მილიონი არის "სოლიდური დახმარება"?! 425 მილიონი არის 15 ცალი Leopard 2A-ს ღირებულება, 15 ცალის!! მეტის კი არა!! 425 მილიარდი მაინც გეთქვათ, თორემ ნეტანი შაყირია მაგ დახმარების "სოლიდურობა"....
რუსეთის საქმე... "წასულია"!!!