“20-ზე მეტი მანქანა იყო, გადმოვიდნენ “დუბინკებით“... “წიწაკის სპრეი“, “კასტეტები“ ჰქონდათ“ - უცნობი პირები “ნაციონალური მოძრაობის“ ცენტრალურ ოფისში მყოფებს ფიზიკურად გაუსწორდნენ
“ნაციონალური მოძრაობის“ ცენტრალურ ოფისთან ხმაურია. 10-მდე პირი პარტიის ტერიტორიაზე მივიდა და “ნაციონალური მოძრაობის“ წევრებს სიტყვიერი შეურაცხყოფა მიაყენა.
როგორც “ინტერპრესნიუსის“ კორესპონდენტი ადგილიდან იუწყება, ადგილი ჰქონდა ფიზიკურ დაპირისპირებასაც. ინციდენტმა ამ დროისთვის პარტიის ოფისის ტერიტორიიდან კახეთის გზატკეცილისკენ გადაინაცვლა.
არიან დაშავებულები. ამ წუთებში ადგილზე მობილიზებულია კრიმინალური პოლიცია, საპატრულო პოლიცია და სასწრაფო სამედიცინო დახმარების ბრიგადები.
“წიწაკის სპრეი“, “კასტეტები“ ჰქონდათ,“ - განაცხადა დაშავებულმა, რომელსაც სამედიცინო დახმარება ადგილზე გაუწიეს.
“20-ზე მეტი მანქანა იყო. გადმოვიდნენ “დუბინკებით“ და სხვადასხვა ნივთებით შეიარაღებულები. შევიდნენ ოფისში, უცებ მოხდა თავდასხმა, იყო შეხლა - შემოხლა. აგონიაში არიან. ხედავენ რომ არჩევნებს აგებენ. ამიტომ ყველა უბანში იყო ძალადობა,“ - განაცხადა ლევან ბეჟაშვილმა.