"დედას არ მეძახიან..." - რატომ თქვეს უარი შვილებმა ნიკოლ კიდმანთან ურთიერთობაზე? - მსახიობის პირადი დრამა, ტომ კრუზი და დედის სიკვდილი, რომელმაც ყველაფერი შეცვალა
ნიკოლ კიდმანს უკვე წლებია ხშირად ვხედავთ ეკრანზე დედის როლში, ცხოვრებაშიც, მას განსაკუთრებული ურთიერთობა აქვს თავის ორ უმცროს შვილთან, 16 წლის როუზ და 14 წლის ფეით ურბანებთან. თუმცა, ნიკოლ კიდმანის ურთიერთობა ორ უფროს შვილთან შედარებით უფრო დაძაბულია.
57 წლის მსახიობი საჯაროდ არასდროს საუბრობს ბელასა (31 წლის) და კონორის(29 წლის) შესახებ. მათთან ერთად ნიკოლი 16 წელია საზოგადოებაში არ გამოჩენილა.
- გავრცელებული ინფორმაციით, ოსკაროსან ავსტრალიელ მსახიობს, ორი კვირის წინ, უფროსმა შვილებმა გულთბილი წერილი მისწერეს, როდესაც გაიგეს, რომ ვარსკვლავის დედა დაიღუპა.
კიდმანმა არაერთხელ აღნიშნა, რომ ბელა და კონორი "მამის ერთგულნი" არიან და მას "დედას არ ეძახიან," რადგან როცა ტომ კრუზს დაშორდა, მათ შვილებმა საიენტოლოგია აირჩიეს და დედასთან ურთიერთობაზე უარი თქვეს.
მსახიობის დედის, ჯანელის, მოულოდნელი გარდაცვალების შემდეგ კი, და-ძმამ ემოციური წერილი მისწერა მას, რაც შესაძლოა კავშირის აღდგენაზეც მიუთითებდეს.
ნიკოლმა დედის გარდაცვალების ამბავი იტალიაში, ვენეციის ფესტივალზე ჩასვლიდან რამდენიმე საათში გაიგო. მსახიობი კინოფესტივალზე ახალ ფილმს, Babygirl-ს წარადგენდა, სადაც საუკეთესო მსახიობის ჯილდოზე გაიმარჯვა, მაგრამ მის ნაცვლად პრიზი რეჟისორმა ჰალინა რეინმა მიიღო და მსახიობის განცხადება წაიკითხა: "დღეს ვენეციაში ჩამოვედი და მალევე გავიგე, რომ დედაჩემი, ჯანელ ენ კიდმანი, გარდაიცვალა. შოკში ვარ და ოჯახთან უნდა წავიდე, მაგრამ ეს ჯილდო მას ეკუთვნის - მან ჩამომაყალიბა, ის ყოველთვის გვერდით მედგა", - აღნიშნავდა წერილში მსახიობი.
ბელამ და კონორმა, ბებიის გარდაცვალების შოკისმომგვრელი ამბის საპასუხოდ, ნიკოლს წერილი მისწერეს, სადაც თანაგრძნობა და მხარდაჭერა გამოხატეს.როგორც Woman’s Day-ი იტყობინება, მსახიობი შვილების ამ ქმედებამ გაახარა და სურს, რომ ისინი კვლავ დაბრუნდნენ მის ცხოვრებაში.
წყაროს თქმით, ნიკოლი მზადაა, კარიერაში დროებით პაუზა აიღოს და შვილებთან ურთიერთობას მაქსიმალურად მეტი დრო დაუთმოს. აღსანიშნავია, რომ ბელა და კონორი ნიკოლმა ტომ კრუზთან თანაცხოვრებისას იშვილა.
წყვილი ურთიერთობის განმავლობაში ხშირად ჩნდებოდა ბავშებთან ერთად, თუმცა 2001 წელს განქორწინების შემდეგ, ბელა და კონორი მამასთან დარჩნენ, ცნობილია, რომ კიდმანმა ბევრი მნიშვნელოვანი მოვლენა გამოტოვა შვილების ცხოვრებაში, მათ შორის ბელას ქორწილი 2015 წელს, რომელიც ლონდონში, Dorchester-ის სასტუმროში გაიმართა, მიუხედავად იმისა, რომ ნიკოლი იმ პერიოდში ამავე ქალაქში ცხოვრობდა.
2018 წელს, როდესაც ნიკოლმა საუკეთესო მსახიობის კატეგორიაში ოქროს გლობუსი მიიღო, მადლობა გადაუხადა თავის ბიოლოგიურ ქალიშვილებსა და მეორე მეუღლეს, კიტ ურბანს, მაგრამ კონორი და ბელა არ უხსენებია.
"ჩემი შვილები დედას არ მეძახიან, უბრალოდ, ნიკოლს მეძახიან, რაც არ მომწონს. ყველას თავისი გზა აქვს და, როდესაც შვილები თავის გზას პოულობენ, ეს მშობლისთვის დიდი შვებაა“ - თქვა მსახიობმა ერთ-ერთ გადაცემაში.
ნიკოლ კიდმანმა საიენტოლოგიის ეკლესიას ზურგი მას შემდეგ აქცია, რაც ტომ კრუზთან განქორწინდა, რომელიც ამ ეკლესიის ცნობილი და აქტიური წევრია. გავრცელებული ინფორმაციით, ტომ კრუზმა ნიკოლს 2019 წელს კონორის ქორწილში დასწრება აუკრძალა, რადგან მისი საცოლე საიენტოლოგიაში მაღალი რანგის წევრი იყო.
"ყველფრის უკან ტომი დგას და რასაც ის გადაწყვეტს, კანონივითაა", - უთხრა წყარომ მედიას.
კონორი, რომელიც ადრე დიჯეი იყო და ახლა თევზაობით არის დაკავებული, "მამის მიმართ უდიდეს თაყვანისცემას გამოხატავს", - თქვა წყარომ და აღნიშნა, რომ მას არასდროს დაუპირისპირდება.
2018 წელს ნიკოლმა კვლავ დაარღვია დუმილი შვილებთან დაკავშირებით და მედიასთან საუბრისას მიანიშნა, რომ მათთან ურთიერთობა რელიგიური განსხვავებების გამო გაურთულდა."ეს ყველაფერი ძალიან პირადია ჩემთვის. უნდა დავიცვა ეს ურთიერთობები. ვიცი, რომ ჩემი შვილებისთვის სიცოცხლეს დავთმობდი, რადგან ეს ჩემი დანიშნულებაა ისინი ზრდასრულები არიან. მათ შეუძლიათ თავად მიიღონ გადაწყვეტილებები. მათ აირჩიეს საიენტოლოგობა და როგორც დედის მოვალეობაა, მათ სიყვარული ვაჩუქო. მე შემწყნარებლობის მაგალითი ვარ და ასე მჯერა – რასაც არ უნდა აკეთებდეს შვილი, მან უნდა იცოდეს, რომ სიყვარული ყოველთვის არსებობს. მშობლის, მოვალეობაა, ყოველთვის უპირობო სიყვარული შევთავაზოთ შვილებს", - ამბობდა კიდმანი.
როდესაც ნიკოლი გახდა პირველი ავსტრალიელი, რომელმაც American Film Institute (AFI)-ის ჯილდო მიიღო, იმედი ჰქონდა, რომ ბელა და კონორი დაესწრებოდნენ ღონისძიებას, თუმცა ისინი არ მივიდნენ.