მნიშვნელოვანი ინფორმაცია
3
აპრილიდღის ზოგადი ასტროლოგიური პროგნოზი
ხუთშაბათი, მთვარის მეექვსე დღე დაიწყება 08:28-ზე, მთვარე ტყუპშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის. ნეიტრალურია სამსახურის, საქმიანობის, საცხოვრებლის შეცვლა. კარგი დღეა ქორწინების, ნიშნობისა და სექსუალურისთვის. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა დეტალები ხდება ცნობილი 23 წლის ბიჭის მკვლელობაში ბრალდებულზე, რომელიც წარსულში ოჯახის წვერზე ძალადობისთვის იყო მსჯავრდებული?
16:28 / 30-09-2024
კონსერვატორიის სტუდენტის, 23 წლის გიორგი საყურაშვილის მკვლელობაში ბრალდებულ მირიან თოხაძეს აღკვეთის ღონისძიების სახით პატიმრობა შეეფარდა. აღნიშნული გადაწყვეტილება თბილისის საქალაქო სასამართლოს მოსამართლემ დავით კურტანიძემ მიიღო.
“ინტერპრესნიუსის“ ინფორმაციით, საქმის პროკურორის, გია შაიშმელაშვილის განცხადებით, თოხაძემ დანაშაული ალკოჰოლური თრობის ქვეშ ჩაიდინა.
როგორც პროკურორი საკუთარ შუამდგომლობაში აცხადებდა, ბრალდებული ძალადობრივი დანაშაულის ჩადენისკენაა მიდრეკილი და ის წარსულში, საკუთარი ოჯახის წევრის მიმართ განხორციელებული ძალადობისთვისაა მსჯავრდებული.
პროკურორი გია შაიშმელაშვილი ასაბუთებდა, რომ აღკვეთის ღონისძიების პატიმრობის შეფარდების, როგორც ფაქტობრივი, ასევე ფორმალური საფუძვლები არსებობს. მათ შორის, მიმალვის, ახალი დანაშაულის ჩადენის და მტკიცებულებების განადგურების საფრთხე.
- პროკურორის თქმითვე, ეს ფაქტი განსაკუთრებით მძიმე კატეგორიის დანაშაულს მიეკუთვნება, ის ჩადენილია დანის გამოყენებით.
შაიშმელაშვილის განმარტებით, დანაშაულის ჩადენის შემდეგ თოხაძე მიიმალა და პოლიციის მიერ იქნა შეჩერებული, სულ სხვა ადგილას.
პროკურორის თქმით, ბრალდებული გასამართლებულია ოჯახის წევრის წინააღმდეგ განზრახ ჩადენილი ძალადობრივი ქმედებისთვის - ნაწილი პირობითი მსჯავრის ქვეშ აქვს მოხდილი, ნაწილი კი პენიტენციურ დაწესებულებაში. სახელმწიფო ბრალდებულის თქმით, თოხაძე ადმინისტრაციულ სახდელშეფარდებულია, პოლიციელის კანონიერი მოთხოვნისადმი დაუმორჩილებლობისა და წვრილმანი ხულიგნობის გამო.
- შაიშმელაშვილის განმარტებით, ბრალდებულს მკვლელობა ალკოჰოლური ზემოქმედების ქვეშ აქვს ჩადენილი. მისივე განცხადებით, როცა თოხაძე ნასვამია, ის ძალადობრივი ქმედებისკენაა მიდრეკილი, კონკრეტულ შემთხვევაშიც ქმედება სიმთვრალეშია ჩადენილი.
“სახეზე გვაქვს პატარა ბიჭის მკვლელობა არაფრის გამო. მან საფრთხე შეუქმნა საქმეზე არსებულ ნივთიერ მტკიცებულებებს, ის დანაშაულის ჩადენის შემდეგ დანასთან ერთად მიიმალა. რომ არა პოლიციის ოპერატიული ქმედება, შარტავას ქუჩაზე, მერიის წინ მისი შეჩერება და მის მიმართ ჩატარებული ჩხრეკა, დანაშაულის ჩადენის იარაღი - დანა არ გვექნებოდა", - განაცხადა შაიშმელაშვილმა.
დაცვის მხარემ გადაწყვეტილების მიღება სასამართლოს მიანდო. ადვოკატ ირმა ინასარიძის განმარტებით, თოხაძეს ნასამართლეობა გაქარწყლებული აქვს. ამასთან ის ჩხუბის ინიციატორი არ იყო და მას ჩხუბის კვალი სახეზე ეტყობა.
ბრალდებული ამ ეტაპისთვის დუმილის უფლებით სარგებლობს.
ცნობისთვის, მირიან თოხაძეს ბრალდება საქართველოს სისხლის სამართლის კოდექსის 108-ე მუხლით აქვს წარდგენილი, რაც განზრახ მკვლელობას გულისხმობს.
ბრალდებულს სასჯელის სახედ და ზომად 10-იდან 15 წლამდე თავისუფლების აღკვეთა ემუქრება.
იხილეთ ასევე:
- "დანის დარტყმამდეც, ბავშვმა ბრალდებულს უთხრა, რომ უდანაშაულო იყო..." - 23 წლის ბიჭის მკვლელობის საქმე: პროკურორის თქმით, ის კონფლიქტისას მხარეების გაშველებას ცდილობდა
- ცნობილია საბურთალოზე მოკლული ახალგაზრდას ვინაობა - "გიო საოცარი, უკონფლიქტო ბიჭი იყო... მისი ბინიდან სულ მუსიკის ხმა გამოდიოდა"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მიანმარში მიწისძვრის შედეგად დაღუპულთა რაოდენობა 2 886-ს აღწევს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
