"ვეღარასდროს ვიქნები ისეთი, როგორიც ადრე" - 43 წლის ადრიანა ლიმა პოდიუმს უბრუნდება: რას პასუხობს მოდელი ფანებს, რომლებიც გარეგნობის შეცვლის გამო აკრიტიკებენ

ადრიანა ლიმა მოდის სამყაროს უბრუნდება. მოდელი, რომელიც 2018 წლის შემდეგ მოდის ჩვენებაზე არ გამოსულა -პარიზში Maison Schiaparelli-ის ჩვენებაზე გამოჩნდება.

ლიმა ბოლოს დეკემბერში, "შიმშილის თამაშების" პრემიერაზე გამოჩნდა - რის შემდეგაც საზოგადოებაში გავრცელდა აზრი, რომ მოდელმა პლასტიკურ ქირურგიას მიმართა, რაზეც ადრიანა ლიმამ სოციალურ ქსელში საჯაროდ გააკეთა კომენტარი: “ეს არის დაღლილი დედის სახე, რომელსაც თინეიჯერი გოგონა ჰყავს სახლში და კიდევ ორი მცირეწლოვანი", - ამბობდა მოდელი.

ცოტა ხნის წინ ლიმამ მის გარშემო ატეხილ აჟიოტაჟზე Harpers Bazaar Arabia-სთანაც ისაუბრა:

"მე არ ვარ 16 წლის. მოდელობა 16 წლის ასაკში დავიწყე, მაგრამ ისეთი აღარასოდეს ვიქნები. ახლა 42 წლის ვარ და უნდა ვაღიარო, რომ ყველაზე ბედნიერი ვარ საკუთარი თავით".