რუსეთი ბრიტანეთს ემუქრება? - პუტინის პროპაგანდისტული ტელეარხი სიმულაციურ ვიდეოს აქვეყნებს, სადაც ლონდონზე დამანგრეველი ბირთვული დარტყმა ჩანს
პუტინის პროპაგანდისტული ტელეარხი სიმულაციურ ვიდეოს აქვეყნებს, რომლის მიხედვითაც ლონდონზე დამანგრეველი ბირთვული დარტყმა განხორციელდა და 850,000 ადამიანი დაიღუპა.
გავრცელებული ინფორმაციით, ვიდეოს მიზანი დიდი ბრიტანეთის დაშინებაა - რუსეთი ცდილობს ბრიტანეთის მხრიდან უკრაინისთვის ახალი სამხედრო იარაღის მიწოდებას ხელი შეუშალოს. ვლადიმერ პუტინის პროპაგანდისტებმა ინგლისი არაერთხელ გააფრთხილეს და აღნიშნეს, რომ რუსეთს მათ წინააღმდეგ ბირთვული იარაღის გამოყენება შეეძლო.
ცარგრადის ტელეგრამის არხზე ნაჩვენები ვიდეო მუქარით იწყება: "ერთი წუთით წარმოიდგინეთ, რომ რაღაც წარმოუდგენელი ხდება. ლონდონის თავზე ბირთვული იარაღი აფეთქდა. დოკუმენტურ ფილმში ჩვენ ვიკვლევთ ამ კატასტროფის დამანგრეველ შედეგებს".
კომენტარი მაყურებელს აფრთხილებს: "დეტონაციისას მზესავით ცხელი ცეცხლოვანი ბურთი სწრაფად ფართოვდება და აღწევს 950 მეტრის [1039 იარდს] რადიუსს. ყველაფერი, რასაც ის შეეხება მყისიერად ორთქლდება. ამ რადიუსში მყოფი ადამიანები ვერაფერს გრძნობენ, რადგან ნერვული იმპულსების გადაცემის სიჩქარე უფრო ნელია. ქალაქი ლონდონი, კემდენ თაუნი, კენსინგტონი, ბრიქსტონი, ეს ტერიტორიები ყველაზე დიდ დარტყმას მიიღებს.
დაინგრევა შენობები და ნამსხვრევებით გაივსება ქუჩები, რაც უკიდურესად საშიშ პირობებს შექმნის ყველასთვის. ლონდონის ცენტრალურ ნაწილში მოსახლეობის სიმჭიდროვის გათვალისწინებით, დაღუპულთა თავდაპირველი რიცხვი შეიძლება აღემატებოდეს 250,000 ადამიანს.
დაზიანდება სადგურები, ავტომობილები, ელექტროქვესადგურები, გაზის ინფრასტრუქტურა."
ვიდეო ირწმუნება, რომ „სხვადასხვა შეფასებით, კიდევ 450 000 ადამიანი დაიღუპება დამწვრობის, ნამსხვრევების ან რადიაციული გამოსხივებისგან. დაშავდება მილიონზე მეტი. ლონდონის ოცი საავადმყოფოდან თერთმეტი აფეთქების ფარგლებში იქნება. დარჩენილი საავადმყოფოები ფიზიკურად ვერ გაუმკლავდებიან მსხვერპლთა რაოდენობას".