"ეს კოშმარია, მსგავსი რამ აქ არ მინახავს" - სამხრეთ აფრიკაში დიდთოვლობაა (ფოტოები)
სამხრეთ აფრიკაში დიდთოვლობაა. თოვლის გამო გზებზე შეფერხდა საავტომობილო მოძრაობა და ადამაიანებს მანქანებში მოუწიათ ღამის გათევა.
სამაშველო სამსახურები ამ დრომდე მუშაობენ მანქანებში მყოფ ადამიანებთან დასაკავშირებლად და მათ გამოსაყვანად. ასევე აწვდიან მათ საკვებსა და საბნებს.
ადამიანები უკვე 14 საათზე მეტია თოვლში არიან ჩარჩენილები. ხელისუფლება მოქალაქეებს მოუწოდებს, თავი შეიკავონ გარე სივრცეში გადაადგილებისგან.
პარალელურად კი მეტეოროლოგები ამინდის კიდევ უფრო გაუარესებას პროგნოზირებენ. "ეს კოშმარია, აქამდე მსგავსი რამ აქ არ მინახავს", - ამბობს მედიასთან ერთ-ერთი ადგილობრივი.