“დაუწყო ლანძღვა, ჩვენ რომ მოვალთ ხელისუფლებაში, თქვენ გაჩვენებთ რა მოხდებაო“ - რას ჰყვება სოფელ გეგუთის მაჟორიტარი “ქართული ოცნების“ წევრის გარდაცვალებაზე
ინტერნეტში გავრცელდა კადრები, სადაც ჩანს, რომ წყალტუბოში, სოფელ გეგუთში "ქართული ოცნების" წევრი, ერმილე გიგიაძე გარდაიცვალა. ფაქტს წინ ოპოზიციის აქტივისტთან შელაპარაკება უძღოდა. კადრები იქვე მდებარე სათვალთვალო კამერამ გადაიღო.
ოფელ გეგუთის მაჟორიტარმა დეპუტატმა შალვა კილაძემ “ქართული ოცნების“ წევრის ერმილე გიგიაძის და ოპოზიციის აქტივისტის როლანდ ნუცუბიძის დაპირისპირებაზე ისაუბრა.
“ერმილე გიგიაძე გამოვიდა ოფისიდან, გამოვიდა და პიროვნება, რომელიც იდგა, მანამდე იხედებოდა ჩვენი ოფისის ფანჯრებში და ათვალიერებდა რა ხდებოდა, დაუწყო პირდაპირ ლანძღვა ერმილეს, თქვენ რა გაგიკეთებიათ, აქ რატომ გააკეთეთ ეს ოფისი, თქვენ ქვეყანას აქცევთ, ღუპავთ, კარგავთ ქვეყნის მომავალსო, ჩვენ რომ მოვალთ ხელისუფლებაში თქვენ გაჩვენებთ რა მოხდება მერეო, თქვენ მე ვინ გგონივართო.
გვაჩვენებდა ამერიკის პასპორტს. ერმილე გამოვიდა, ძალიან ანერვიულდა ამ კაცმა რომ გალანძღა, ასეთი შეურაცხყოფა მიაყენა. გამოვიდა და გახდა ცუდად, იქვე დაეცა. მე ექიმი ვარ და სასწრაფოს მოსვლამდე, დაახლოებით, 15-20 წუთის განმავლობაში, ვუტარებდი პირველ დახმარებას, მაგრამ ვერ ვუშველეთ, გარდაიცვალა. შეეწირა ასეთ სიტუაციას. ერმილე რომ დაეცა, ის აქ იყო, შეხედა, იცინოდა“, - განაცხადა შალვა კილაძემ.
იხილეთ ასევე:
- მაია ბითაძე “ქართული ოცნების“ წევრის გარდაცვალებაზე - “გვაყურებინებენ ვიღაც ყოჩაღი “ნაც აქტივისტკა“, კომუნისტურ/ფაშისტური მეთოდებით როგორ ლანძღავს ადამიანს“
- “კადრები ვნახეთ უმძიმესი, შეიძლება ის კაციც შეგეცოდოს, ვინც ბულინგი განახორციელა“ - მამუკა მდინარაძე
- “ვიზიარებ ჩვენი გუნდის წევრის ოჯახის მწუხარებას - ტრაგედია მოხდა და ამას უკვე ვეღარაფერი გამოასწორებს...“ - შალვა პაპუაშვილი