მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მას არ აქვს თანაგრძნობის განცდა, არც მორალი... თავის მხარდამჭერებს დასცინის, "სარდაფის მკვიდრებს" უწოდებს - ტრამპს ყოფილი პრესმდივანი დაუპირისპირდა
16:02 / 21-08-2024
სტეფანი გრიშამმა, დონალდ ტრამპის ყოფილმა პრესმდივანმა, დემოკრატიულ ეროვნულ ყრილობაზე მკაცრად გააკრიტიკა რესპუბლიკური პარტიის საპრეზიდენტო კანდიდატი და აღნიშნა, რომ: "მას არ აქვს თანაგრძნობის განცდა, არც მორალი და არც ჭეშმარიტებისადმი ერთგულება“.
რესპუბლიკელი გრიშამი ტრამპის პრეზიდენტობის ვადის დასრულების შემდეგ, ასევე გახლდათ მელანია ტრამპის პრესმდივანი.
გრიშამმა დახურულ კარს მიღმა ტრამპის ქცევის შესახებ პირად გამოცდილებაზე ისაუბრა.
"მე მხოლოდ ტრამპის მხარდამჭერი არ ვიყავი, ჭეშმარიტად მწამდა მისი, მისი ერთ-ერთი ყველაზე ახლო მრჩეველი ვიყავი. ტრამპის ოჯახი ჩემი ოჯახი გახდა,“ - განაცხადა მან, იმის ხაზგასმით, რომ დღესასწაულებს ტრამპის Mar-a-Lago- ს რეზიდენციაში ატარებდა.
"მას მაშინაც ვხედავდი, როცა კამერები გამორთული იყო ... ტრამპი თავის მხარდამჭერებს დასცინის. მათ სარდაფის მკვიდრებს უწოდებს. ერთხელ, საავადმყოფოში ვიზიტის დროს, როცა ადამიანები რეანიმაციაში იხოცებოდნენ, გაბრაზდა, რადგან კამერები მას არ იღებდნენ”.
ყოფილმა პრესსპიკერმა განაგრძო: "ის ყოველთვის მეუბნებოდა: “რა მნიშვნელობა აქვს, რას ამბობ, სტეფანი, საკმარისად ბევრჯერ თქვი და ხალხი დაიჯერებს“.
გრიშამმა გაიმეორა ისტორია, რომელიც ადრე უკვე მოყოლილი ჰქონდა - მისი თქმით, 2021 წლის 6 იანვრის არეულობის დროს მელანია ტრამპს სთხოვა, გამოექვეყნებინა "ტვიტი", რომ აშშ-ში არეულობისა ან ძალადობისთვის ადგილი არ იყო... ხოლო პირველმა ლედიმ პასუხი ერთი სიტყვით მოუჭრა: "არა“.
გრიშამმა აპლოდისმენტები დაიმსახურა, როცა თქვა, რომ ის იყო პირველი მაღალი თანამდებობის პირი, რომელმაც იმავე დღეს დატოვა თანამდებობა. მან თავისი მოკლე სიტყვა კამალა ჰარისის მხარდაჭერით დაასრულა და თქვა:
“ჩემი ქვეყანა იმაზე მეტად მიყვარს, ვიდრე ჩემი პარტია. კამალა ჰარისი სიმართლეს ამბობს. ის პატივს სცემს ამერიკელ ხალხს და ჩემს ხმას სწორედ მას ვაძლევ".
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
