არქეოლოგებმა ესპანეთში შემთხვევით "ფარული იმპერია" აღმოაჩინეს, რომელიც რომთან მჭიდროდ იყო კავშირში - რას წერს მედია
ესპანეთის სიერა დე კადისის რეგიონში, ესპანელმა არქეოლოგებმა აღმოაჩინეს ძველი რომაული დასახლებები, რომლებიც შესაძლოა “ფარული იმპერიის“ ნაწილი იყოს.
2023 წელს, როდესაც მათ გათხრები დაიწყეს, იმედოვნებდნენ, რომ აღმოაჩენდა მინიმუმ ერთ დასახლებას. თუმცა, შედეგებმა ყველა მოლოდინს გადააჭარბა- არქეოლოგებმა რომის იმპერიის ეპოქის 57 ნასახლარი აღმოაჩინეს.
- მკვლევრები თვლიან, რომ ეს დასახლებები შეიძლება დაკავშირებული იყოს იმ დროს რეგიონში არსებულ სავაჭრო და საკომუნიკაციო მარშრუტებთან. ისინი ამჟამად კვლევის მეორე ფაზას აწარმოებენ, რათა დაადგინონ, რა სახით უკვაშირდებოდა დასახლებები რომაულ იმპერიას.
ესპანეთის “კადისის უნივერსიტეტის“ მკვლევრებმა ყურადღება გაამახვილეს არკოს დე ლა ფრონტერას, ბორნოს, ვილამარტინსა და პუერტო სერანოს მიმდებარე ტერიტორიებზე აღმოჩენილ დასახლებებზე, რომლებიც ერთმანეთთან მდინარე გვადალეტეს საშუალებით იყვნენ დაკავშირებულები.
“ისინი ფარული იმპერიის ნაწილი იყვნენ“, - მიიჩნევს ჯგუფი.
აღმოჩენა გეო რადარის გამოყენებით მოხდა - ინსტრუმენტმა მიწის ღრმა ქერქის ქვეშ დააფიქსირა იმპულსები. უძველესი რეზიდენციების კედლების სტრუქტურების დასადგენად, რომლებიც ზედაპირიდან არ ჩანდა, მათ სწორედ გეო რადარის ტექნოლოგია გამოიყენეს.
მაისში, მაკარენა ლარამ და მისმა გუნდმა ბორნოსში ელ კანუელოს რომაული ვილის გათხრები დაიწყეს. როგორც დადგინდა, ვილას ჰქონდა კედლები, რომლებიც ჰყოფდა საცხოვრებელ და სამუშაო ტერიტორიებს.
მათ ასევე შეძლეს 1980-იან და 1990-იანი წლების შემდეგ, პირველად გამოეკვლიათ სხვა ადგილები. მკვლევარებმა განაცხადეს, რომ ეს აღმოჩენები დაეხმარება მათ უკეთ შეისწავლონ რომის იმპერიის გავლენა რეგიონზე, კერძოდ გვადალეტეს ხეობაში.
“ჩვენი მიზანია შევისწავლოთ მდინარე გვადალეტეს დასახლების ურთიერთკავშირი რომაულ იმპერიასთან, რაც აქამდე პრაქტიკულად უცნობი ასპექტი იყო “, - აცხადებენ მკვლევრები მოხსენებაში.
აღსანიშნავია, რომ რომაელებმა მდინარე გვადალეტესთან დასახლებები მას შემდეგ შექნეს, რაც 264 წელს ესპანეთი დაიპყრეს.
იხილეთ ასევე: