მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ხმა მეხლიჩება ხოლმე სიმარტოვით და სიჩუმისგან“ - სასამართლო მაგდა პაპიძის საქმეს უბრუნდება: რას ითხოვს ქმარ-შვილის მკვლელობისთვის მსჯავრდებული უვადო პატიმარი?
22:50 / 30-03-2025
თითქმის 10 წლის წინ, მაგდა პაპიძე ქმრისა და შვილის მკვლელობაში 12-მა ნაფიცმა მსაჯულმა, ერთხმად, დამნაშავედ ცნო. უმძიმეს დანაშაულში ბრალდებულმა, რუსთავის #5 ციხის იმ კორპუსში, სადაც განსაკუთრებით მძიმე კატეგორიის დამნაშავეები ცხოვრობენ, ბინა სამარტოო საკანში დაიდო. უვადო პატიმრობის ათვლაც 2016 წლის 6 ივნისს დაიწყო.
უვადო მსჯავრდებული სააპელაციო სასამართლოში საკუთარი სურვილით და კონკრეტული მოთხოვნით დაბრუნდა - ის კანონით განსაზღვრული მკაცრი რეჟიმის შემსუბუქებას ითხოვს. პაპიძის სხდომის გადაღება "კურიერი P.S.“-მა ექსკლუზიურად შეძლო.
ბრალდებული მკაცრი პირობების შემსუბუქებას და დახურული ზონიდან ნახევრად ღია დაწესებულებაში გადასვლას ითხოვს. როგორც მან მოსამართლეს მიმართა, მისი სურვილია ჩაერთოს ციხის ყველა პროგრამაში, იმუშაოს და თანხა დააგროვოს. უვადო პატიმარს ციხიდან გასვლის მოლოდინი აქვს და წლების ფუჭად გატარება არ სურს.
“მე არ ვამბობ, რომ ანგელოზი ვარ. მე არ ვამბობ, რომ უშეცდომო ვარ. მაგრამ, ის რომ ზომბად ვიქცე... ჩვენ არც ინტერნეტი გვაქვს, არაფერი ხომ? ცხოვრება გადის... მინდა, რომ დრო გამოვიყენო ადამიანურად. აქედან რომ გავალ, გავიდე ადამიანი. არ მქონდეს განცდა, რომ წლები დამეკარგა.
როცა შეიძლება შენ დასაქმდე, რაღაცა დააგროვო, ელემენტარული, შემდგარი გახვიდე გარეთ. შეიძლება ისეთი რაღაცები ისწავლო, რაც გარეთ ვერ ისწავლი, განავითარო შენი ბიზნესი, დაიწყო რაღაცა... ანუ ამის უნიკალურ შესაძლებლობას იძლევა.
ხმა მეხლიჩება ხოლმე სიმარტოვით და სიჩუმისგან... არის დაწესებულებაში უამრავი კურსები - შემეცნებითი, სპორტული. მაგრამ ჩემს შემთხვევაში, იმიტომ რომ ვარ დახურულში, არ მეძლევა ამის საშუალება და მიხდება გამონაკლის, იშვიათი პროგრამებში ისიც მარტო მონაწილეობა.
მეათე წელია სატელეფონო ზარი მაქვს თვეში 3-ჯერ, 15 წუთით. დედას ვურეკავ, დას ვურეკავ, წლებმა და კომუნიკაციის არ ქონამ ჩახსნა ბავშვობის მეგობრები,“ - მიმართა პაპიძემ მოსამართლეებს.
მაგდა პაპიძემ საკუთარ ყოფაზე ბევრი ისაუბრა. ციხის ადმინისტრაციას მადლობა არაერთხელ უთხრა, მათ შორის იმისთვის, რომ სამთვიანი კონტრაქტით, ჟოლოს ბაღში მუშაობის უფლება მისცეს. სამარტოო საკანში კი, ძირითადად ხატვას და შემდეგ ნამუშევრებს ყიდის. ხატვა შემოსავლის წყაროდ აქცია.
ქმრისა და შვილის მკვლელობის უმძიმეს ბრალდებაზე არაფერი უთქვამს, გარდა იმისა, რომ მომხდარს საკუთარი უბედურება უწოდა.
“უკონტროლო სტრესი გადავიტანე და მე პირველი 3 წელი, როდესაც ჩემი უბედურება მოხდა ლოგინიდან ვერ ვდგებოდი საკანში. 4 კედელში მომიწია ყველაფრის გადახარშვა. საკმარისი დრო გავიდა იმისთვის, რომ ადამიანებთან ვიყო და იმ აზროვნებაში ვარ, მე ეს წლები უნდა გავიარო - შემიძლია, არ შემიძლია, მეკუთვნის, არ მეკუთვნის.
2 საათი მეძლევა ჭერახდილ ოთახში გასასეირნებლად,“ - თქვა პაპიძემ.
უმძიმეს სასჯელამდე იყო უმძიმესი ისტორია - თბილისში, ფერაძის ქუჩის 2 ნომერში.
2015 წლის 20 დეკემბერი თენდებოდა. 112-ში შემზარავი შეტყობინება შევიდა. სამართალდამცველებს ფერაძის ქუჩაზე, კორპუსის სადარბაზოსთან მაგდა პაპიძის ქმრის ომარ ქაფიაშვილის ცხედარი დახვდათ. იქვე მდგომ ავტომობილში კი, გარდაცვლილი იპოვეს 5 წლის თორნიკე ქაფიაშვილი. ქალი იმ დროს ამტკიცებდა, რომ ქმარ-შვილი ხაჭაპურის საჭმელად გავიდა და დააგვიანდა, მოსაყვანად წასულს კი, სადარბაზოსთან ცხედრები დახვდა.
მალევე პოლიციამ სულ სხვა სურათი აღადგინა. საგამოძიებო მოქმედებები ჩატარდა საცხოვრებელი კორპუსის პირველ სართულზე, აქ სისხლის კვალი მაგდა პაპიძის საცხოვრებელი ბინის კარამდე მივიდა. უშუალოდ ბინაში ერთი შეხედვით, საეჭვო არაფერი ჩანდა, მოგვიანებით ნაპოვნი 1 წვეთი სისხლის გარდა. წვეთი მაგიდის ქვეშ აღმოაჩინეს. ბინა სპეციალური ხსნარით დამუშავდა. გამოძიებამ დაადგინა, რომ ოთახი მკვლელობის ადგილი იყო.
მთავარი ეჭვმიტანილი მაგდა პაპიძე დააკავეს. ის ქმრისა და შვილის მკვლელობას თავიდანვე უარყოფდა, თუმცა აღმოჩენილი ნივთმტკიცებები საპირისპიროს ამბობდა, მათ შორის გარეცხილი გადასაფარებელი და სახლთან ახლოს, ნაგვის ურნიდან ამოღებული სისხლიანი ნივთები.
გამოძიებით გაირკვა, რომ მაგდა პაპიძეს მეგობარი მამაკაცი ჰყავდა, რომლისგანაც ბავშვს ელოდებოდა. მეუღლეს ეჭვი გაუჩნდა, ქალმა კი, ახალი ცხოვრების დაწყების სურვილით, დანაშაული დაგეგმა. მოგვიანებით ცნობილი გახდა, რომ დაკავების შემდეგ, უმძიმეს დანაშაულში ბრალდებულს ორსულობა შეუწყდა.
მკვლელობამდე ცოტა ხნით ადრეა გადაღებულ ვიდეოკადრებში ჩანს, რომ მაგდა პაპიძე შვილთან ერთად, მაღაზიაში იყო და დიდი ზომის ურო შეიძინა. ურო, რომელიც თორნიკე და ომარ ქაფიაშვილების მკვლელობის შემდეგ, ნაგვის ურნაში სისხლიან ნივთებთან ერთად იპოვეს, საქმეში მკვლელობის იარაღად ჩაიდო. ამოიღეს პაპიძის წერილიც, რაც დანაშაულებრივი გეგმის ნაწილად შეფასდა.
გამოძიებით დადგინდა, რომ ქალმა მძინარე ქმარი თავში უროს ჩარტყმით მოკლა, შვილი კი, გაგუდა. შემდეგ ცხედრები დერეფნის გავლით, გარეთ გაიტანა, თუმცა გადამალვა ვეღარ მოახერხა და ღამის საათებში მისი ყვირილის ხმამ მეზობლები გააღვიძა. ქალი შველას ითხოვდა და დანაშაულის ინსცენირებაც ამ დროს მოაწყო.
საქმე, უამრავი მტკიცებულებით, სასამართლომდე მივიდა, თუმცა მაგდა პაპიძემ ბრალი უარყო.
ხმაურიანი განხილვების შემდეგ, ნაფიცმა მსაჯულებმა საზარელი დანაშაულისთვის დაკავებული ქალი, ერთხმად, დამნაშავედ ცნეს. მოსამართლემ მაგდა პაპიძე ციხეში უვადოდ გაუშვა.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
