“მისია შესრულებულია“ - ტომ კრუზის "სასიკვდილო" ილეთი და ლოს ანჯელესში გატაცებული დროშა: პარიზის ოლიმპიადის გრანდიოზული დახურვა (ფოტო/ვიდეო)

11 აგვისტოს პარიზის 2024 წლის ოლიმპიადა ოფიციალურად დაიხურა. საზეიმო ცერემონიალის მთავარი გმირი კი ჰოლივუდის ლეგენდა, ტომ კრუზი იყო, რომელმაც სტადიონზე გადაიფრინა, აშშ-ის ოლიმპაიდის ოქროს მედალოსანს, ტანმოვარჯიშე საიმონ ბაილსს დროშა გასტაცა და ლოს ანჯელესში წაიღო - სადაც 2028 წელს შემდეგი ოლიმპიური თამაშები გაიმართება.

62 წლის მსახიობი ათასობით თაყვანისმცემლისა და ოლიმპიელის თვალწინ გადმოეშვა და არც გულშემატკივრები დავიწყებია.

პარიზის 2024-ის ორგანიზატორმა ტონი ესტანგემ მადლობა გადაუხადა ყველას თამაშებში მონაწილეობისთვის.

“ეს საოცარი გამოცდილება იყო. დიდ მადლობას გიხდით ყველას, ვინც მცირე წვლილი მაინც შეიტანეთ ოლიმპიურ თამაშებში“, - განაცხადა მან.

ცენტრში განთავსებულ სტადიონზე კი აშშ-ის R'n' B ვარსკვლავი H.E.R. მღეროდა.

• ოკეანის მიღმა, კრუზს Red Hot Chili Peppers-ის, Billie Eilish-ისა და Snoop Dogg-ი, ცოცხალი შესრულებით დახვდნენ.

• თუმცა, სპეცეფექტებით დატვირთულ ფინალურ ნაწილამდე, პარიზი სპორტსმენებს გულთბილად დაემშვიდობა

კონტინენტების ფორმის სცენების მიღმა, ოლიმპიადის მონაწილეებმა საკუთარი ქვეყნის დროშებით ხელში გაიარეს.

შოუს ერთ-ერთი საკვანძო ფიგურა, "ოქროს ვოიაჟერი" იყო, რომელმაც ოლიმპიური თამაშების ფუძემდებელს, საბერძნეთს მიაგო პატივი.

მოგვიანებით ვოიაჟერს სცენაზე რამდენიმე აკრობატი შეუერთდა, რომლებიც უცხოპლანეტელებს გავდნენ.

ფრანგმა პიანისტმა და ოპერის მომღერალმა ბენჟამინ ბერნჰაიმმა კი შეასრულა ჰიმნი “აპოლონისთვის“.

სცენაზე ასევე გამოჩნდა ფენიქსი.